Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

சேவை தளங்களில் நீங்கள் வழங்கும் தனிநபர் தரவுகள் திருடப்படாமல் இருக்க என்ன செய்ய வேண்டும்?


Recommended Posts

  • கருத்துக்கள உறவுகள்

சேவை தளங்களில் நீங்கள் வழங்கும் தனிநபர் தரவுகள் திருடப்படாமல் இருக்க என்ன செய்ய வேண்டும்?

  • விஷ்ணுப்ரியா ராஜசேகர்
  • பிபிசி தமிழ்
3 மணி நேரங்களுக்கு முன்னர்
சைபர் பாதுகாப்பு -cyber security/data protection

பட மூலாதாரம்,GETTY IMAGES

இணையம் வழியாக உங்கள் மீது தொடுக்கப்படும் தாக்குதல்கள், அதனால் நீங்கள் சந்திக்கும் சவால்கள், அதற்கான தீர்வுகள் குறித்து விரிவாகச் சொல்லும் பிபிசி தமிழின் சைபர் செக்யூரிட்டி தொடரின் இரண்டாம் பகுதி இது.

இது டிஜிட்டல் உலகம். இங்கு எல்லாமே தரவுகள்தான் (data). நீங்கள் அள்ளிக் கொடுக்கும் தனிநபர் தரவுகளை கொண்டு இங்கு ஒரு பெரும் சந்தை இயங்கி கொண்டிருக்கிறது. தெரிந்தோ தெரியாமலோ யாரோ ஒருவர் உங்களை இயக்குவதற்கு நீங்களே அடித்தளம் அமைத்து தருகிறீர்கள்.

நாம் தற்போது டிஜிட்டல் பொருளாதாரத்தில் வாழ்ந்து கொண்டிருக்கிறோம். இதில் உங்களின் தரவுகள் ஒவ்வொன்றும் பணமாக்கப்படுகின்றன என்கிறார் உச்ச நீதிமன்ற மூத்த வழக்கறிஞர் பவன் டகல்.

தகவல்களை சேகரிக்கும் சேவைகள்?

"நீங்கள் எந்த ஒரு வலைதளத்திற்கு சென்றாலும் குறைபட்சம் உங்களிடமிருந்து சில தகவல்களை அவர்கள் பெறுகிறார்கள். நீங்கள் எங்கிருந்து அந்த சேவையை பயன்படுகின்றீர்கள், என்ன கருவியிருந்து அதை பயன்படுத்துகிறீர்கள், எந்த நேரத்தில் அதிகமாக பயன்படுத்துகிறீர்கள் என்பது போன்ற அடிப்படையான தகவல்களை சேவை நிறுவனங்கள் உங்களிடமிருந்து சேகரிக்கும்." என்கிறார் சென்னையை சேர்ந்த சைபர் பாதுகாப்பு குறித்த ஆராய்ச்சியாளர் ஸ்ரீராம்.

"இதில் பொதுவாக முகநூல், உங்கள் மின்னஞ்சல் போன்றவை பிறந்த தேதி, நீங்கள் செல்லும் இடங்கள் என அதிக தரவுகளை உங்களிடமிருந்து சேகரிக்கின்றன.

எந்த ஒரு நிறுவனமும் தங்கள் சேவையை பயனர்களுக்கு ஏற்றாற்போல வழங்க இந்த தரவுகளை சேகரிக்கின்றன. இதை `டேட்டா அனலிடிக்ஸ்` என்பர். அதாவது தாங்கள் பெறும் தரவுகளை வைத்து கொண்டு ஒரு பயனருக்கான மாதிரியை அவர்கள் வகுக்கிறார்கள். எனவே எந்த மாதிரியான சேவை தளத்தை பயன்படுத்துகிறோம் அது எந்த மாதிரியான தகவல்களை நம்மிடமிருந்து பெறுகிறது என்பதில் நாம் கவனம் கொள்ள வேண்டும்," என்கிறார் ஸ்ரீராம். மேலும் இதுகுறித்து விவரமாக விளக்குகிறார் அவர்.

சைபர் பாதுகாப்பு- cyber security/data protection

பட மூலாதாரம்,GETTY IMAGES

தரவுகள் சேமிப்பில் எப்போது தனிநபர் உரிமை மீறப்படுகிறது?

ஒரு வலைதளம், உங்களுடைய பெயர் வயது போன்ற தனிப்பட்ட தரவுகளை சேகரிக்க கூடாது. இந்த பகுதியில் இருப்பவர்கள் அதிகமாக இந்த தகவலை பயன்படுத்துகின்றனர் இந்த நேரத்தில் பயன்படுத்துகின்றனர் என்பது போன்ற பொதுவான தரவுகளையே சேகரிக்க வேண்டும்.

ஒரு நிறுவனம் உங்களிடமிருந்து சேகரிக்கும் தரவுகளை வைத்து அது நீங்கள் என அடையாளம் காண முடிகிறது என்றால் அது தனிநபர் உரிமை மீறல்.

எவ்வாறு கவனமாக இருக்க வேண்டும்?

இதை தடுப்பதற்கான முதல் மற்றும் முக்கியமான வழி உங்களை குறித்து அதிக தரவுகளை நீங்கள் அளிப்பதை நிறுத்த வேண்டும். இவ்வாறு அதிக தரவுகளை வழங்கும்போது இரு பிரச்னைகள் ஏற்பட வாய்ப்பு உள்ளது. ஒன்று தேவைக்கு அதிகமாக உங்களின் தனிப்பட்ட தகவல்களை மூன்றாம் நபர்களிடம் பகிர்ந்து கொள்கிறீர்கள். இரண்டாவது நீங்கள் வழங்கிய தரவுகளை கொண்டு அவர்களின் வலைதளத்திலோ அல்லது செயலியிலோ நீங்கள் அதிக நேரம் செலவழிப்பதற்கான வாய்ப்பை அவர்களுக்கு வழங்குகிறீர்கள்.

இது ஃபேஸ்புக், கூகுள் போன்ற பெரிய நிறுவனங்கள் மட்டுமல்ல நீங்கள் பயன்படுத்தும் சிறிய சிறிய செயலிகளும் இவ்வாறுதான் செயல்படுகின்றன. ஏனென்றால் பயனர்கள் குறித்த தரவுகள் வர்த்தகத்திற்கு அவசியமானதாக உள்ளது. அப்போதுதான் அவர்கள் பயனர்களுக்கு ஏற்றாற்போல விளம்பரங்களை காண்பிக்க முடியும்.

ஒரு தனிநபராக நாம் கவனத்தில் கொள்ள வேண்டியது என்ன?

ஒரு தளத்திற்குள் நீங்கள் செல்லும்போது என்ன மாதிரியான தரவுகளை நீங்கள் வழங்குகிறீர்கள் என்பதில் கவனமாக செயல்பட வேண்டும்.

அங்கு உங்களின் மின்னஞ்சல் முகவரி கேட்கப்படவில்லை என்றால் அதை நீங்கள் வழங்க வேண்டிய அவசியம் இல்லை.

சைபர் பாதுகாப்பு cyber security/data protection

பட மூலாதாரம்,GETTY IMAGES

அவ்வாறு இல்லை மின்னஞ்சல் கட்டாயம் கேட்கப்படுகிறது என்றால், இம்மாதிரியாக பொதுவெளியில் கொடுப்பதற்கு ஒரு மின்னஞ்சல் மற்றும் உங்கள் தனிநபர் பயன்பாட்டிற்கு ஒரு மின்னஞ்சல் என வைத்து கொள்ள வேண்டும்.

சிலர் விபிஎன் பயன்படுத்தினால் தன்னுடைய தரவுகள் குறிப்பிட்ட சேவை தளத்திற்கு ஏதும் தெரியாது என நினைக்கின்றனர். ஆனால் அது அவ்வாறு இல்லை. நீங்கள் விபிஎன் பயன்படுத்தும்போது உங்களுக்கு இணைய வசதி வழங்கும் நிறுவனங்களுக்குதான் அது தெரியாமால் போகும். நீங்கள் பயன்படுத்தும் வலைதளத்திற்குள் நீங்கள் லாகின் செய்து உள்நுழைந்தாலே உங்கள் தரவுகளை நீங்கள் கொடுத்துவிட்டீர்கள் என்றுதான் அர்த்தம்.

சில செயலிகளை நாம் ஒரு குறிப்பிட்ட காலம் வரைதான் பயன்படுத்துகிறோம் என்றால் அதற்கென தற்காலிக தரவுகளை நாம் வழங்கலாம்.

அதேபோன்றுதான் இன்காக்னிடோ விண்டோவில் (incognito window) உங்களின் தரவுகள் கணினியில் சேமிக்கப்படாது ஆனால் நீங்கள் பயன்படுத்தும் வலைதளத்திற்கு அந்த தரவுகள் நிச்சயம் செல்லும்.

இம்மாதிரியான செயலிகளை பயன்படுத்துவதற்கு நீங்கள் கொடுக்கும் தகவல்கள் தவறாக பயன்படுத்தப்படுமா என கேட்டால் அதற்கு அதிக வாய்ப்பு உள்ளது என்றே சொல்ல முடியும்.

சமூக ஊடக பதிவுகளில் கவனம் தேவை

பெண்

பட மூலாதாரம்,GETTY IMAGES

சமூக ஊடகக் கணக்குகளில் நீங்கள் கொடுக்கும் தரவுகள் குறித்தும் எச்சரிக்கையுடன் இருக்க வேண்டும். அது உங்கள் மின்னஞ்சலாக இருந்தாலும் சரி பிறந்த தினமாக இருந்தாலும் சரி. அதேபோன்று ஒரு செயலியை நாம் பதிவிறக்கம் செய்யும்போது நம்பகமான தளத்திலிருந்து அதை செய்கிறோமா என்பதை சோதிக்க வேண்டும்.

உங்களுக்கு தொடர்பில்லாத எந்த நபரும் உங்களை குறித்த அதீத தரவுகளை தெரிந்துகொள்வது தேவையற்றது என்பதை நீங்கள் புரிந்து கொள்ள வேண்டும்.

இவ்வாறு தரவுகளை வழங்கும்போது மட்டுமல்ல புகைப்படங்களை பகிரும்போதும் அது எங்கிருந்து எடுத்த புகைப்படம் அதன் மூலம் என்னமாதிரியான செய்தியை நீங்கள் வெளி உலகிற்கு தெரியப்படுத்துகிறீர்கள் என்பது குறித்து நீங்கள் கவனம் கொள்ள வேண்டும்.

விமானப் பயண சீட்டுகளின் புகைப்படங்கள், நமது வீட்டிலிருந்து நாம் எடுக்கும் புகைப்படங்கள், நாம் செல்லும் இடங்கள் போன்ற படங்களை பதிவிடுவதன் மூலம் நம்மை அறியாமலே நமது தனிநபர் தகவல்களை பொதுவெளியில் வெளியிடுகிறோம் என்று பொருள்.

என்ன சொல்கிறது சட்டம்?

ஒரு செயலியை நீங்கள் பயன்படுத்தும்போது அதன் தனிநபர் கொள்கை (privacy policy), விதிமுறைகள் மற்றும் நிபந்தனைகள் (terms and conditions) உடன் மூன்றாம் தரப்பு மதிப்பாய்வுரை (review) அகியவற்றை பரிசோதிக்க வேண்டும். அதன்மூலம் அந்த சேவையை வழங்குவோர் உங்களின் தரவுகளை எவ்வாறு பயன்படுத்துவார்கள், எத்தனை நாட்கள் சேமிப்பார்கள் என்பதை நீங்கள் தெரிந்துகொள்ள வேண்டும் என்கிறார் உச்ச நீதிமன்ற மூத்த சைபர் சட்ட வழக்கறிஞர் பவன் டகல்.

சைபர் பாதுகாப்பு

பட மூலாதாரம்,GETTY IMAGES

"இந்தியர்கள் பொதுவாக தனிநபர், பணி நிமித்தமான மற்றும் சமூக ரீதியிலான தரவுகளை தாரளமாக பகிர்ந்து விடுகிறார்கள். எந்த சேவைக்கு என்ன மாதிரியான தரவுகள் தேவையோ அதை மட்டும் நாம் வழங்கினால் போதும். இந்த மொத்த உலகமும் நமது அன்றாட வாழ்க்கையின் ஒவ்வொரு செயல்பாடுகளையும் தெரிந்திருக்க வேண்டிய அவசியமில்லை," என்கிறார் அவர்.

"`டேட்டா எகானமி` அதாவது தரவுகளை அடிப்படையாக கொண்ட பொருளாதாரம் ஒன்று இயங்குகிறது. எனவே பங்குதாரர்களால் தரவுகள் பணமாக்கப்படுவது மட்டுமல்லாமல் அது பல சமயங்களில் தவறாகவும் பயன்படுத்தப்படுகிறது," என்கிறார் பவன் டகல்.

டிஜிட்டல் பயனராக நாம் சைபர் பாதுகாப்பு என்பதை நமது வாழ்வின் ஒரு அங்கமாக அமைத்து கொள்ள வேண்டும் என்கிறார் டகல்.

"இந்தியாவை பொறுத்தவரை தரவுகள் பாதுகாப்பிற்கென (data protection) குறிப்பிட்ட எந்த ஒரு சட்டமும் இல்லை. தகவல் தொழில்நுட்ப சட்டம் 2000 என்ற ஒன்று இருந்தாலும் அது தகவல் பாதுகாப்புக்கான பிரத்யேக சட்டம் கிடையாது," என்கிறார் பவன் டகல்.

"நமது தனிநபர் உரிமை குறித்து முதலில் நாம் கவனமாக இருக்க வேண்டும். இந்த தரவுகளை பகிர்வதால் என்ன நேர்ந்துவிடப்போகிறது என்ற அலட்சியத்தை தவிர்க்க வேண்டும்," என்கிறார் டகல்.

.இந்தியாவை பொறுத்த வரை தனிநபர் தரவு பாதுகாப்பு சட்ட வரைவு கடந்த 2019ஆம் ஆண்டு நாடாளுமன்றத்தில் முன்மொழியப்பட்டது. பின் அது நாடாளுமன்ற கூட்டு குழுவின் ஆய்வுக்கு பரிந்துரை செய்யப்பட்டது.

அந்த சட்ட வரைவில் தனிநபர் தரவுகள் சேகரிப்பது, பாதுகாப்பது, பயன்படுத்துவது, அதுகுறித்து பயனர்களின் அனுமதி, தனிநபர் தகவல்களை தவறாக பயன்படுத்தினால் வழங்கப்படும் தண்டனைகள், இழப்பீடுகள் ஆகிய அம்சங்கள் பரிந்துரை செய்யப்பட்டன. அதேபோல இந்த சட்ட வரைவில் தகவல் பாதுகாப்பு ஆணையம் ஒன்றும் அமைக்கப்படும் என்றும் கூறப்பட்டது.

இது குறித்து நாடாளுமன்ற கூட்டுக்குழு அதன் அறிக்கையை இன்னும் வெளியிடவில்லை என்பது குறிப்பிடத்தக்கது.

"எந்த ஒரு சேவையும் உங்களுக்கு இலவசமாக வழங்கப்பட்டால் அங்கே நீங்கள்தான் பிராடக்ட்". என்பதை நீங்கள் மனதில் கொள்ள வேண்டும் என்கிறார் வழக்கறிஞர் பவன் டகல்.

நீங்கள் இதுபோன்ற சவால்களைச் சந்தித்திருந்தால், உங்கள் அனுபவங்களை bbctamizh@gmail.com என்ற மின்னஞ்சலில் பகிர்ந்து கொள்ளலாம்.

https://www.bbc.com/tamil/india-58590456

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

  • Tell a friend

    Love கருத்துக்களம்? Tell a friend!
  • Topics

  • Posts

    • 'சிறுபான்மையினர்', 'சிறுபான்மை இனக்குழு' என்று இலங்கையிலுள்ள தமிழர்களைக் குறிப்பிட்டு அவர்களை ஒரு தேசிய இனமாக போராடத் தகுதியற்றவர்களாக்கிப் பெரும்பான்மை இனத்துக்கு அடிபணிந்து வாழவைக்க, சிறீலங்க, இந்திய அரசுகளும், அவர்களின் நட்புநாடுகளும் முயன்றுவரும் வேளையில், இலங்கைத் தமிழரையும் ஒரு தேசிய இனமாகக் கருதக்கூடியவாறு, "சிறுபான்மைத் தமிழர்" என்று உலகப் பெரும் வல்லரசான அமெரிக்காவையே அழைக்க வைத்தவர்கள்தான் இந்த தமிழ் டயசுபோறா அலையன்சு இளைஞர்கள். வாழ்த்துவோம்.🙌 🙏
    • முன்னாள் தமிழ் லோயர்கள் அவர்கள் உண்மையிலே  படித்து இருந்தால் தமிழர்களாகிய நாங்கள் சண்டைபோடாமல் இலங்கையில் சிங்கப்பூர் போன்று  சம உரிமைகளுடன் வாழ்ந்து இருப்பம் ஆனால் அவர்களுக்கு சொல்லிக்கொடுப்பட்டது எப்படி அடிமையாய் சேவகம் பண்ணுவது என்பதே அவர்கள் தாங்கள்  படிப்பு பரம்பரை என்று தங்களை தாங்களே ஏமாத்தி இலங்கையின் தமிழினத்துக்கு கொள்ளிக்கட்டை வைத்ததே அவர்கள்தான் அவர்களின் வாரிசுகளும் இன்றும் அச்சாரம் பிசகாமல் அடிமைகதைகளை  வெளிநாடுகளுக்கு வந்து விதைக்கின்றது  எங்கள்தலைமுறையுடன் வரும் பலதலைமுறைகளை நட்டாற்றில் விட்டு சென்றதே அவர்களின் அடிமைத்தனமான சிந்தனைகள்  இன்னும் அனுமான் வால்  போல் நீண்டுகொண்டு போகின்றது .
    • இராணுவத்தின் ஜகத் ஜெயசூரிய, கபில எந்தவிதாரண ஆகியோர் உண்மையில் குற்றவாளிகளே - சரத் பொன்சேகா (ஆர்.யசி, எம்.ஆர்.எம்.வசீம்) ஜகத் ஜெயசூரிய, கபில எந்தவிதாரண, கரன்னாகொட ஆகியோர் உண்மையில் குற்றவாளிகளே. இவர்கள் தவறிழைத்தனர், கண்டிப்பாக  இவர்களை தண்டிக்க வேண்டும் என்பதை சபையில் வலியுறுத்திய எதிர்க்கட்சி பாராளுமன்ற உறுப்பினர் பீல்ட் மார்ஷல் சரத் பொன்சேகா, நாம் ஆட்சிக்கு வந்தவுடன் இந்த வழக்குகளை மீண்டும் கையில் எடுப்பதுடன்,  கரன்னாகொடவிற்கு எதிராக நிச்சயமாக நடவடிக்கை எடுக்கப்படும் என்றார். பாராளுமன்றத்தில் வெள்ளிக்கிழமை (3) இடம்பெற்ற பாதுகாப்பு அமைச்சு ,பொதுமக்கள் பாதுகாப்பு அமைச்சு ,அரச பாதுகாப்பு மற்றும் அனர்த்த முகாமைத்துவ இராஜாங்க அமைச்சு, உள்நாட்டலுவல்கள் இராஜாங்க அமைச்சு,சமூக பொலிஸ் சேவைகள் இராஜாங்க அமைச்சு ஆகியவற்றுக்கான  குழுநிலை விவாதத்தில் உரையாற்றுகையிலேயே அவர் இதனை கூறினார்.  அவர் மேலும் கூறுகையில், இலங்கை இராணுவத்திற்கு எதிராக யுத்த குற்றச்சாட்டுகள் முன்வைக்கப்பட்டு ஐக்கிய நாடுகள் மனித உரிமைகள் பேரவையில் முறைப்பாடுகள் முன்வைக்கப்பட்டுள்ளன. இந்த குற்றச்சாட்டுக்கள் குறித்து நாம் நடவடிக்கை எடுக்கவில்லை எனவும் கூறப்பட்டுள்ளது. எமது இராணுவத்தில் ஒருவர் இருவர் தவறிழைத்துள்ளனர் என்பதை நாமும் கூறியுள்ளோம். அதற்காக நானும் விளைவுகளை அனுபவித்துக்கொண்டுள்ளேன். மேற்கத்தேய நாடுகளுக்கு செல்ல எனக்கும் வீசா வழங்குவதில்லை. இராணுவ ஜெனரல்கள் 58 பேருக்கு இந்த தடை விதிக்கப்பட்டுள்ளது. தற்போதைய இராணுவ தளபதி, பாதுகாப்பு செயலாளருக்கும் இத்தடை விதிக்கப்பட்டுள்ளது. இராணுவத்தில் இருந்த ஒருவர் இருவர் செய்த தவறுக்காக நாமும் சேர்ந்து தண்டனை அனுபவித்துக்கொண்டுள்ளோம். ஜகத் ஜெயசூரிய, கபில எந்தவிதாரண ஆகியோர் உண்மையில் குற்றவாளிகளே. இவர்கள் தவறிழைத்தனர், கண்டிப்பாக இவர்கள் குற்றவாளிகளே, இவர்களை தண்டிக்க வேண்டும். இவர்களை தண்டித்து ஏனைய இரண்டு இலட்சம் இராணு வீரர்களையும் தூய்மையாக்குங்கள். இதனை செய்வதன் மூலமாக வெளிவிவகார அமைச்சரும் நெருக்கடியில் இருந்து தப்பிக்கலாம். ஆகவே அதற்காகவேனும் இவர்களுக்கு எதிராக நடவடிக்கை எடுக்க வேண்டும். இராணுவம் குற்றமிழைத்தால் அவர்களை தண்டிப்பது தவறில்லை. அதேபோல் முன்னாள் கடற்படை தளபதி கரன்னாகொட மிகப்பெரிய குற்றமொன்றை செய்துள்ளார். பாடசாலை மாணவர்கள் 11 பேரை கடத்தி  அவர்களின் பெற்றோரிடம் கப்பம் பெற்று இறுதியாக கொலையும் செய்தார். இந்த 11 பேரில் சிங்கள மாணவர் ஒருவரும், முஸ்லிம் மாணவர் ஒருவரும் இருந்தார்கள். இவர்கள் அனைவரும் பாடசாலை மாணவர்கள். குறிப்பாக பெரேரா என்ற சிங்கள மாணவன் இங்கிலாந்து பல்கலைக்கழகத்திற்கு செல்ல இரண்டு நாட்களுக்கு முன்னர் கொலைசெய்யப்பட்டார். இவர்களை கொலைசெய்து கடலில் வீசியதற்கான சாட்சியங்களும் நிருபிக்கப்பட்டுள்ளன. இவ்வாறான நபர்களை பாதுகாக்க வேண்டாம். நாம் ஆட்சிக்கு வந்தவுடன் இந்த வழக்குகளை மீண்டும் கையில் எடுப்போம். கரன்னாகொடவிற்கு எதிராக நிச்சயமாக நடவடிக்கை எடுக்கப்படும். அதுமட்டுமல்ல நான் பார்த்த மிகத் தகுதியான கடற்படை தளபதியாக சின்னையாவை கூறுவேன். விடுதலைப்புலிகளின் ஒன்பது படகுகளுக்கும் வெடிவைத்து தகர்த்தது அவர்தான். அதுமட்டுமல்ல கடற்படையின் பல தவறான செயற்பாடுகளுக்கு அவர் எதிராக செயற்பட்டார். அதற்காகவே அவர் விரைவாக வெளியேற்றப்பட்டார். கப்பம் பெற்ற பல்வேறு செயற்பாடுகளுக்கு அவர் தடையாக இருந்த காரணத்தினால் தான் அவர் வீட்டுக்கு துரத்தியடிக்கப்பட்டார். ஆனால் கரன்னாகொட அவ்வாறு அல்ல. மேலும், கைது செய்யப்பட்டு சிறையில் நீண்டகாலமாக தடுத்து வைக்கப்பட்டுள்ள விடுதலைப்புலி உறுப்பினர்களை விடுவிக்க நாமும் இணக்கம் தெரிவிக்கின்றோம். அவ்வாறு விடுவிக்கும் வேளையில் என்னை கொலை செய்ய முயற்சித்த மொரிஸ் என்ற நபரை முதலில் விடுதலை செய்யுங்கள் என்றே நானும் கேட்டுக்கொள்கின்றேன். அரசாங்கத்திற்கு இதனை கோரிக்கையாக முன்வைக்கின்றேன் என்றார்.    https://www.virakesari.lk/article/118379
×
×
  • Create New...

Important Information

By using this site, you agree to our Terms of Use.