யாழில் ஏற்பட்ட கடும் சூறாவளி – எவருக்கும் பாதிப்பு இல்லை

யாழ்ப்பாணம் பொய்ன்ட் பெட்ரோ கடல் எல்லையில் நேற்று (ஞாயிற்றுக்கிழமை) கடும் சூறாவளி வீசியதாகவும் இதனால் எவருக்கும் பாதிப்பு ஏற்படவில்லை எனவும் மீனவர்கள் தெரிவித்துள்ளனர்.

பொய்ன்ட் பெட்ரோ கடற்பகுதியில் ஏற்பட்ட சுழற்காற்று சுமார் 30 நிமிடங்களுக்கு நீடித்ததாகவும் சுழல் காற்று காரணமாக பாரிய நீர்மட்டம் வான்வெளியில் வீசியதாகவும் மீனவர்கள் தெரிவித்தனர்.

யாழ்ப்பாணக் கடல் எல்லையில் பல தடவைகள் இவ்வாறான சுழற்காற்றுகள் ஏற்பட்டுள்ளதாகவும் இந்த நாட்களில் நிலவும் சீரற்ற காலநிலை காரணமாக கடல் எல்லையில் சூறாவளி ஏற்பட்டிருக்கலாம் எனவும் பொய்ன்ட் பெட்ரோ மீனவர்கள் மேலும் தெரிவித்தனர்.

https://athavannews.com/2022/1307951

Edited October 31, 20223 yr by தமிழ் சிறி

ஆதவன் நியூஸுக்கு பருத்தித்துறை என்று எழுதத்தெரியாதோ??😡

யாழ்.பருத்தித்துறை கடல் பகுதியில் பதிவான அரிய காட்சி

By T. SARANYA

31 OCT, 2022 | 12:20 PM

யாழ்ப்பாணம், வடமராட்சி பருத்தித்துறை கடல் பகுதியில் நேற்று (30) இயற்கையின் அரிய காட்சியொன்று இடம்பெற்றுள்ளது.

யாழில் நேற்று ஞாயிற்றுக்கிழமை கன மழைபெய்து வந்த நிலையில், வடமராட்சி பருத்தித்துறை கடலில் காலை 9.30 மணியளவில் மேகம் கீழிறங்கி கடல் நீரை மேலே எடுக்கும் அரிய காட்சி பதிவாகியுள்ளது.

இது ரொனாடோ எனப்படும் ஒருவகைச் சுழல் காற்றாகும். இந்த அரிய காட்சியானது  குறித்த கடற்பரப்பில் சுமார் 20 நிமிடங்கள் வரை நீடித்ததாக மக்கள் தெரிவித்தனர்.

குறித்த காட்சியை ஏராளமானவர்கள் தங்களது கைத்தொலைபேசியில் காணொளியாக பதிவு செய்து சமூக வலைத்தளங்களிலும் பதிவேற்றினர்.

திரண் முகல்களிலிருந்து தோற்றம் பெற்று கீழ் நோக்கி  மூர்க்கத்தனமாக சுழன்று வீசுகின்ற காற்றினையே ரொனாடோ என்பர். இது முகில்களிலிருந்து கீழ் நோக்கி வரும் போது புனல் வடிவத்தில் தோற்றமளிக்கும் நிலப்பகுதியில் இச்சுழல் காற்றின் விட்டம் ஏறக்குறைய 100 மீற்றர்களாகும். இதன் வேகம் மணித்தியாலத்திற்கு 160 - 480 கிலோ மீற்றர் என்ற அளவில் வேறுபடும் என்பது குறிப்பிடத்தக்கது.

https://www.virakesari.lk/article/138773

5 hours ago, Eppothum Thamizhan said:

ஆதவன் நியூஸுக்கு பருத்தித்துறை என்று எழுதத்தெரியாதோ??😡

நல்ல காலம்... @Kapithan இன்னும் இதை பார்க்கவில்லை.
ஆதவனுக்கு இண்டைக்கு, நல்ல  திட்டு இருக்கு.

பொய்ன்ட் பெட்ரோ 😁 🤣

எல்லா புலம்பெயர் தமிழ் ஊடகங்களும் இப்போ தமிழ்நாட்டில் இருந்து கொண்டே.. ஆக்களை எடுத்து நிகழ்ச்சிகளை அங்கிருந்தே தொகுத்து வழங்கினம். 

தமிழ்நாட்டில்.. பெயரில் மட்டும் தான் தமிழ் உருப்படியா இருக்குது. மற்றும்படி.. திராவிட ஆட்சிகளால்.. தமிழ் அங்கு சீரழிஞ்சு குட்டிச்சுவராகி இருக்குது. இதில் வேடிக்கை என்னவென்றால்.. பெரும் பெரும் எழுத்தாளர்கள் என்று சொல்லுற தமிழக ஆக்களே தூய தமிழாக்கங்களை வெளியிடுவதில்லை. இதில் இவர்களுக்கு விருதுகள் வேற.

எல்லாம் காசாப் போச்சு. உண்மையான மொழி அறிவு மதிப்பு என்பதன் பொருள் பலருக்கு தெரிவதில்லை.

மேலும்.. சுழல் காற்றை.. அல்லது புனல் காற்றை.. ஒருத்தன் சுறாவளி என்றான்.. இன்னொருத்தன்... பருத்தித்துறையை பொயின்ட் பெட்ரோ என்றான்..

மேலும் வீரகேசரி.. இதுக்கு கொடுத்திருக்கிற விஞ்ஞான விளக்கமிருக்கே சொல்லி வேலையில்லை.  தெரியாட்டில் தெரியாது என்றிருக்கனும். மக்களை கேணயன்கள் ஆக்கப்படாது.