இலங்கை பெற்ற கடனை திரும்பப் பெறுவதற்கு கால அவகாசம் வழங்கிய பங்களாதேஷ்!

By T. Saranya

06 Feb, 2023 | 11:51 AM

இலங்கைக்கு வழங்கிய கடன் தொகையை செலுத்துவதற்கு பங்களாதேஷ்  அரசாங்கம் செப்டம்பர் மாதம் வரை கால அவகாசம் வழங்கியுள்ளதாக பங்களாதேஷ் வெளிவிவகார அமைச்சர் கலாநிதி அப்துல் மொமன் தெரிவித்துள்ளார்.

கடன் தொகையை செலுத்துவதற்கு இதுவே கடைசி கால அவகாசம் எனவும் அவர் குறிப்பிட்டுள்ளார்.

அந்நியச் செலாவணி வசதியின் கீழ், பங்களாதேஷ் 2021 ஆம் ஆண்டில் இலங்கைக்கு 200 மில்லியன் அமெரிக்க டொலர்களை  கடன் தொகையை வழங்கியதுடன்   அதனை திருப்பிச் செலுத்துவதற்கு மேலதிகமாக 6 மாத கால அவகாசத்தையும் பங்களாதேஷ் அரசாங்கம்  வழங்கியது.

இந்நிலையில், இலங்கை எதிர்கொண்டுள்ள பொருளாதார நெருக்கடி காரணமாக கடன் காலத்தை மேலும் நீடிக்குமாறு கோரப்பட்டுள்ளதுடன், அதன்படி கடன் காலத்தை எதிர்வரும் செப்டம்பர் மாதம் வரை நீடிக்க பங்களாதேஷ் அரசாங்கம் தீர்மானித்துள்யதாகவம் அவர் கூறியுள்ளார்.
 

 

https://www.virakesari.lk/article/147505

சில்லறைக்கடன்காரனுக்குத்தான் எவ்வளவு தாராள மனம். இருந்தாலும் எவ்வளவு கால அவகாசம் கொடுத்தாலும் கடலில போட்டதாக எண்ணி விடுங்கள், அது திரும்ப கிடைக்கப்போவதில்லை. மீண்டும் கடன் கேளாமல் இருந்தாலே போதும் என்று இருந்து நிம்மதியடையுங்கள்.

 பங்காளதேஷ் காரன்  இன்னுமா நம்பிரான்  கொடுத்த கடன் திரும்ப வரும் என்று  சிங்களம் தமிழர் எதிர்ப்பு இனவாதம் கக்கி  கொண்டு இன்னும் உள்ளதற்க்கு இப்படி ஏமாந்த சோனகிரிகள் இருப்பதால்தான் .