அமைச்சர்களுக்காக இறக்குமதி செய்யப்பட்ட 239 வாகனங்கள் துறைமுகத்தில் -டிலான் பெரேரா

 

அரச அமைச்சர்களின் பாவனைக்காக அரசாங்கம் 239 வாகனங்களை இறக்குமதி செய்துள்ளதாக சுதந்திர மக்கள் கூட்டமைப்பு குற்றம் சுமத்தியுள்ளது.

அந்த வாகனங்கள் ஏற்கனவே துறைமுகத்தில் பதுக்கி வைக்கப்பட்டுள்ளதாக தகவல் கிடைத்துள்ளதாகவும் கூட்டமைப்பை பிரதிநிதித்துவப்படுத்தும் பாராளுமன்ற உறுப்பினர் டிலான் பெரேரா குறிப்பிட்டுள்ளார்.

சாமானியர்களின் மின் கட்டணத்தை உயர்த்தி அமைச்சர்கள் மகிழ்கிறார்கள் என்று கூறும் அவர், அந்த சுகத்தை அமைச்சர்கள் அனுபவிக்க மக்களே மின் கட்டணத்தைச் செலுத்த வேண்டும் என்றும் கூறுகிறார்.

தேர்தலை நடத்துவதற்கு பணம் இல்லாவிட்டாலும், இவ்வாறான வீண் செலவுகளுக்கு அரசாங்கத்திடம் பணம் இருப்பதாகவும் அவர் கூறினார்.

https://thinakkural.lk/article/241058

4 hours ago, ஏராளன் said:

அமைச்சர்களுக்காக இறக்குமதி செய்யப்பட்ட 239 வாகனங்கள் துறைமுகத்தில் -டிலான் பெரேரா

அடபாவிகளா

மக்கள் அடுத்தவேளை உணவுக்காக ஏங்குகிறார்கள்.

நீங்களோ மக்கள் பணத்தில் உல்லாசம்.

இதுக்கெல்லாம் உலக வங்கிகள் கடன் கொடுக்கும் நாடுகள் எதுவுமே சொல்வதில்லையா?

2 hours ago, ஈழப்பிரியன் said:

அடபாவிகளா

மக்கள் அடுத்தவேளை உணவுக்காக ஏங்குகிறார்கள்.

நீங்களோ மக்கள் பணத்தில் உல்லாசம்.

இதுக்கெல்லாம் உலக வங்கிகள் கடன் கொடுக்கும் நாடுகள் எதுவுமே சொல்வதில்லையா?

அவைக்கும் பிசினஸ் நடக்கணும்தானே..

239 வாகனங்களையும் இறக்குமதி செய்யவில்லை, மருந்துகளும் துறைமுகத்தில் இல்லை – நிதி அமைச்சு விளக்கம்

239 வாகனங்கள் இறக்குமதி செய்யப்பட்டுள்ளதாக எதிர்க்கட்சிகள் முன்வைக்கும் குற்றச்சாட்டுக்கள் உண்மை இல்லை என நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்துள்ளார்.

இராஜாங்க அமைச்சர்களுக்கு வாகனங்கள் இறக்குமதி செய்யப்பட்டதாக எதிர்க்கட்சிகள் தேர்தல் பிரசாரங்களில் தெரிவித்து வந்த நிலையில் நிதி இராஜாங்க அமைச்சர் அதற்கு இவ்வாறு விளக்கமளித்துள்ளார்.

மேலும் 2021 ஆம் ஆண்டிற்குப் பின்னர் எந்தவொரு வாகனத்தையும் இறக்குமதி செய்யப்படவில்லை என்றும் அது குறித்து எந்த கலந்துரையாடலும் இடம்பெறவில்லை என்றும் ரஞ்சித் சியம்பலாபிட்டிய தெரிவித்துள்ளார்.

அத்துடன் இந்திய கடன் உதவித் திட்டத்தின் கீழ் இறக்குமதி செய்யப்பட்ட மருந்துகள், வரி செலுத்தாமையால் துறைமுகத்தில் தடுத்து வைக்கப்பட்டுள்ளன என்ற குற்றச்சாட்டுகளையும் அவர் மறுத்துள்ளார்.

https://athavannews.com/2023/1324972