Published By: RAJEEBAN

24 MAY, 2023 | 11:51 AM

உயிர்த்தஞாயிறு குண்டுதாக்குதல்களை பலம்பொருந்திய சில சிங்கள அரசியல்வாதிகளே திட்டமிட்டனர் என முன்னாள் ஜனாதிபதி சந்திரிகா குமாரதுங்க தெரிவித்துள்ளார்

அல்சுஹிரியா அரபுக்கல்லூரியில் ஹிஜாஸ் ஹிஸ்புல்லா வழக்கில் சாட்சிகள் என கருதப்படக்கூடியவர்கள் உட்பட பலர் கைதுசெய்யப்பட்டுள்ளமை குறித்த டுவிட்டர் பதிவிற்கு அளித்துள்ள பதிலில் முன்னாள் ஜனாதிபதி இதனை தெரிவித்துள்ளார்.

இது முஸ்லீம்களிற்கு எதிரானநடவடிக்கை  இந்த நடவடிக்கை 2013 இல் அவர்களிற்கு எதிராக மேற்கொள்ளப்பட்ட தாக்குதலை போன்றது அது மீண்டும் நிகழ்கின்றது என அவர் குறிப்பிட்டுள்ளார்

உயிர்த்த ஞாயிறு தாக்குதலை  பலம்பொருந்திய சில சிங்கள அரசியல்வாதிகளே திட்டமிட்டனர்,என அவர் தெரிவித்துள்ளார்.

ஹிஜாஸ் ஹிஸ்புல்லா விவகாரம்,  வைத்தியர் ஷாபி விவகாரம் போன்ற பல விடயங்கள் முஸ்லீம்களை ஆபத்தானவர்களாக சித்தரிப்பதற்காக முன்னெடுக்கப்பட்டன எனவும் முன்னாள் ஜனாதிபதிதெரிவித்துள்ளார்.

https://www.virakesari.lk/article/156029

அந்த தாக்குதலில் இறந்த தமிழருக்கு மறந்தும் அனுதாபம் தெரிவித்து விடாதீர்கள். இத்தனை அவலங்களை சந்தித்த தமிழர் ஆபத்தானவர்கள் உங்களுக்கு? அதுபற்றி கருத்து தெரிவிக்காதீர்கள். உங்களை அரியணை ஏற்றி அழகு பார்த்தவர்களை வஞ்சனையாய் பேசி முதுகில் குத்தியவரல்லவா நீங்கள்.

 திட்டமிட்டுது எல்லாம் சிங்கள பெரிய தலைகள் எண்டது எல்லாருக்கும் தெரிஞ்ச விசயம்தானே மாமி. அது ஆர் ஆக்கள் எண்டதை உடைச்சு சொல்லுங்கோவன் மாமி 😎

இவருக்கு ஏதோ தேவைப்படுகிறது.  என்ன அது?

கண் கெடட பின்னே சூரிய நமஸ்காரம். அம்மணி இரண்டு முறை ஜனாதிபதியாக இருந்தவர். அப்போது எதாவது செய்திருக்கலாம். அப்படி என்றால் இந்த தாக்குதலாவது நடக்காதிருந்திருக்கும். அரசியல் அதிகாரத்தில் இருந்து இறங்கிய பின்னர் எல்லோரும் பொதுவாக தெரிவிக்கும் கருத்துக்கள்தான். அவருக்கு ராஜபக்சக்கள் மீது அரசியல் ரீதியான விரோதமிருப்பதால் இந்த உண்மையை  கூறியிருக்கிறார்.