உக்ரைனின் 2025ம் ஆண்டுக் கனவு தகர்ந்துவிட்டது என்கிறார் ரஷ்ய அமைச்சர்

[ஏராளன்]

உக்ரைனின் 2025ம் ஆண்டுக் கனவு தகர்ந்துவிட்டதாக ரஷ்ய பாதுகாப்புத் துறை அமைச்சா் ஆண்ட்ரேய் பெலூசொவ் தெரிவித்துள்ளார்.

கடந்த 2022ஆம் ஆண்டு ரஷ்யா உக்ரைன் இடையே மோதல் வெடித்தது. நேட்டோ அமைப்பில் உக்ரைன் சேரப் போவதாகத் தகவல் வெளியான நிலையில், இதனால் தனது நாட்டிற்கு ஆபத்து எனச் சொல்லி உக்ரைன் மீது ரஷ்யா போரை ஆரம்பித்தது. கிட்டதட்ட 3 ஆண்டுகளுக்கும் மேலாக இந்த போர் நீடித்து வருகிறது.

இரு நாடுகளுக்கிடையேயான போரை முடிவுக்கு கொண்டுவர மற்ற நாடுகள் எடுத்து வரும் முயற்சிகளும் தோல்வியிலேயே முடிகின்றன. இந்நிலையில், உக்ரைனில் உள்ள ரஷ்ய ராணுவ நிலையை நேரில் பாா்வையிட்ட ரஷ்ய பாதுகாப்பு துறை அமைச்சர் ஆண்ட்ரேய் பெலூசொவ் , அங்கு பணியாற்றும் வீரா்களுக்கு பதக்கங்கள் அணிவித்தார்.

பின்னர், ரஷ்ய ராணுவ அதிகாரிகளிடையே அவர் பேசியதாவது :

“நமது படையினர் மேற்கொண்டு வரும் நடவடிக்கைகள் மிகவும் சிறப்பாக உள்ளன. உக்ரைனின் மிகச் சிறந்த படைப் பிரிவுகள் அனைத்தையும் நமது வீரர்கள் ஒடுக்கிவிட்டனர். தற்போது நமது படையினரின் முன்னேற்றம் வேகப்படுத்தப்படுகிறது. உக்ரைனின் 2025ம் ஆண்டுக் கனவு தகர்ந்துவிட்டது”

இவ்வாறு அவர் தெரிவித்தார்.

முன்னதாக, உக்ரைன் போரின் ஆயிரமாவது தினத்தை முன்னிட்டு அந்த நாட்டு அதிபர் ஸெலென்ஸ்கி ஆற்றிய உரையில், ரஷிய முன்னேற்றத்தை உறுதியுடன் தடுத்து நிறுத்தி 2025-ஆண்டுக்குள் வெற்றிவாகை சூடப்போவதாக சூளுரைத்திருந்தார்.

https://thinakkural.lk/article/312601

[Kadancha]

உக்கிரைன், ரஸ்சியாவின் நீண்ட கால பாதுகாப்பு (மடி) நலன்களை புறந்தள்ளி நேட்டோ, us, மேற்கு சொல்லபடி  முடிவெடுக்கும் போது, கியூபா இப்போதும் அனுபவித்து வருவதை கருத்திலெடுக்கவில்லை. 

ஆகவே, உகிரியினும்,    நேட்டோ, us, மேற்கின் திட்டமான ஆகக்குறைந்தது ருசியாவை பலவீனப்படுத்தல் என்ற நீண்டகால திட்டத்துக்கு ஒத்துக்கொண்டே இவளவு எகிறது உள்ளது.

இது ஒரு காரணம், Trump ஒன்றும் பெரிதாக எதையும் செய்துவிடமுடியாது என்பதற்கு.

இப்பொது நேட்டோ, us, மேற்கு திட்டம்,ரஷ்யாயவை எப்படியவைத்தது வங்குரோத்து அடையச் செய்வது. 

உக்கிரைன் என்ற அரசு வருங்கால இருப்பை வைத்து சூதாடுகிறது.