பாகிஸ்தான் தலைநகரை நோக்கி இம்ரான் ஆதரவாளர்கள் பேரணி - காவலர்களுடன் மோதல், பதற்றம்

[ஏராளன்]

பட மூலாதாரம்,GETTY IMAGES

படக்குறிப்பு, பாகிஸ்தான் முழுவதும் இருந்து இம்ரான் கான் ஆதரவாளர்கள் தலைநகர் இஸ்லாமாபாத்தில் நோக்கி பேரணியாக செல்கின்றனர்.

8 மணி நேரங்களுக்கு முன்னர்

பாகிஸ்தானில் முன்னாள் பிரதமர் இம்ரான் கானை சிறையில் இருந்து விடுவிக்கக் கோரி அந்த நாடு முழுவதும் இருந்து ஆயிரக்கணக்கான அவரது ஆதரவாளர்கள் தலைநகர் இஸ்லாமாபாத் நோக்கி பேரணியாக செல்கின்றனர். இதனால், அங்கே உச்சக்கட்ட பதற்றம் நிலவுகிறது.

இஸ்லாமாபாத்தில் காவல்துறைக்கும் போராட்டக்காரர்களுக்கும் ஏற்பட்ட மோதலில், அதிகாரிகள் மீது கற்கள் வீசப்பட்டதாகவும், பதிலடியாக காவல்துறை கண்ணீர்ப்புகைக் குண்டுகளை வீசியதாகவும் கூறப்படுகிறது. பாகிஸ்தான் முழுவதும் இருந்து இஸ்லாமாபாத்தில் பல ஆயிரக்கணக்கானோர் திரள்வார்கள் என்பதால் மாலையில் நிலைமை இன்னும் கடினமாகக் கூடும் என எதிர்பார்க்கப்படுகிறது.

ஞாயிற்றுக்கிழமை தொடங்கிய இந்த போராட்டத்தை தடுக்கும் முயற்சியில், தலைநகர் இஸ்லாமாபாத்தில் ஊரடங்கு உத்தரவு பிறப்பிக்கப்பட்டது. நெடுஞ்சாலைகள் மூடப்பட்டன. சில பகுதிகளில் தொலைபேசி சேவை துண்டிக்கப்பட்டுள்ளது.

 

முன்னதாக இம்ரான் கான் தனது ஆதரவாளர்களுக்கு போராட அழைப்பு விடுத்ததைத் தொடர்ந்து, இந்த போராட்டம் தொடங்கியது. அரசாங்கம் தங்கள் கோரிக்கைகளை பூர்த்தி செய்யும் வரை இஸ்லாமாபாத்தில் தொடர்ந்து இருக்குமாறு, தனது ஆதரவாளர்களுக்கு விடுத்த செய்தியில் இம்ரான் கான் கூறியிருந்தார்.

இம்ரான் கான், தற்போது ஊழல் குற்றச்சாட்டிற்காக மூன்று ஆண்டுகள் சிறைத்தண்டனையை அனுபவித்து வருகிறார். அந்தக் குற்றச்சாட்டை அவர் தொடர்ந்து மறுத்து வருகிறார்.

• புலி வேட்டை, பர்தா மறுப்பு: இந்தியாவின் புரட்சிகர முஸ்லிம் இளவரசி மனமுடைந்து பாகிஸ்தான் சென்றது ஏன்?25 நவம்பர் 2024
• கனடா: 1984 சீக்கியர்களுக்கு எதிரான வன்முறை குறித்து தீர்மானம் நிறைவேற்ற திட்டம் - இதன் விளைவுகள் என்ன?24 நவம்பர் 2024

படக்குறிப்பு, இஸ்லாமாபாத்தை நோக்கிச் செல்லும் இம்ரான் கானின் ஆயிரக்கணக்கான ஆதரவாளர்கள்

இம்ரான் கான் சிறையில் உள்ளது ஏன்?

பிரதமராக இருந்த போது கிடைத்த பரிசுப் பொருட்களை விற்றது குறித்து அரசுக்கு முறையாக தெரியப்படுத்தத் தவறியதாக தொடரப்பட்ட வழக்கில், இம்ரான் கான் கடந்த ஆகஸ்ட் மாதம் முதல் சிறையில் அடைக்கப்பட்டுள்ளார்.

முன்னாள் கிரிக்கெட் வீரராக இருந்து அரசியல்வாதியாக மாறிய அவர் 2018இல் பாகிஸ்தானின் பிரதமராக தேர்ந்தெடுக்கப்பட்டார். ஆனால் ராணுவத்துடன் ஏற்பட்ட முரண்பாட்டிற்குப் பிறகு 2022இல் நம்பிக்கையில்லா வாக்கெடுப்பின் மூலம் அவர் வெளியேற்றப்பட்டார்.

71 வயதான இம்ரான் கான், தன் மீதான குற்றச்சாட்டுகள் அரசியல் நோக்கம் கொண்டவை என்று கூறுகிறார். இம்ரான் கான் சிறையில் இருந்தாலும், அவருக்கு எதிராக புதிய வழக்குகள் தொடரப்பட்டாலும், பாகிஸ்தான் அரசியலில் இன்னும் அவர் செல்வாக்கு செலுத்துகிறார்.

பட மூலாதாரம்,GETTY IMAGES

படக்குறிப்பு, கடந்த ஜனவரியில் இம்ரான் கானுடன் புஷ்ராவுக்கும் தண்டனை விதிக்கப்பட்டது

பேரணியில் இம்ரான் கான் மனைவியும் பங்கேற்பு

இம்ரான் கானை விடுவிக்கக் கோரி, இஸ்லாமாபாத்தில் நடைபெறும் பேரணியில், அவரது மனைவியும் முன்னாள் ‘பாகிஸ்தானின் முதல் பெண்மணியுமான’ புஷ்ரா பீபியும் பங்கேற்றுள்ளார்.

கடந்த ஜனவரியில் இம்ரான் கானுடன் புஷ்ராவுக்கும் தண்டனை விதிக்கப்பட்டது. பின்னர் அக்டோபர் மாதத்தின் இறுதியில் ஜாமீனில் விடுவிக்கப்பட்ட புஷ்ரா பீபி, ஞாயிற்றுக்கிழமை அன்று நடந்த ஒரு வாகன அணிவகுப்பில் பங்கேற்றார்.

தனது வாகனத்திற்குள் இருந்தவாறு மைக் மூலம் பேசிய அவர், இஸ்லாமாபாத் செல்லும் வழியில் ஓய்வெடுக்க நின்றிருந்த ஆதரவாளர்களை உற்சாகப்படுத்தினார்.

"உங்கள் வாகனங்களை விட்டு வெளியே வர வேண்டாம், நமது இலக்கை அடைய இன்னும் வேகமாக செல்வோம். நாம் நேரத்தை வீணடிக்கக் கூடாது" என்று அவர் பேசினார்.

"இம்ரான் கானை திரும்ப அழைத்து வர நாம் இங்கு வந்துள்ளோம், அவர் இல்லாமல் நாம் திரும்ப மாட்டோம். உங்கள் வாகனங்களில் ஏறுங்கள், அப்போதுதான் நாம் விரைவாக இலக்கை அடைய முடியும்.” என்று அவர் கூறினார்.

இந்த வாகன அணிவகுப்பு திங்கட்கிழமை காலை இஸ்லாமாபாத்திற்குள் நுழையும் என்று பெஷாவர் பிராந்திய தலைவர் அர்பாப் ஆசிம் தெரிவித்திருந்தார்.

பட மூலாதாரம்,REUTERS

படக்குறிப்பு, ஞாயிற்றுக்கிழமை தொடங்கிய இந்த போராட்டத்தை தடுக்கும் முயற்சியில் இஸ்லாமாபாத்தில் ஊரடங்கு பிறப்பிக்கப்பட்டு, பாதுகாப்பு பலப்படுத்தப்பட்டுள்ளது

டி-சௌக் பகுதியில் திரள திட்டம்

இம்ரான் கான் ஆதரவாளர்களின் இறுதி இலக்கு மத்திய இஸ்லாமாபாத்தில் உள்ள ஒரு மிகப்பெரிய நகர சதுக்கமான டி-சௌக் ஆகும். பாகிஸ்தானின் பிரதமர் அலுவலகம், நாடாளுமன்றம் மற்றும் உச்ச நீதிமன்றம் உட்பட பல குறிப்பிடத்தக்க அரசாங்க கட்டிடங்களுக்கு அருகில் இந்த சதுக்கம் அமைந்துள்ளது.

சில சமயங்களில் ‘டெமாக்ரசி சௌக்’ (Democracy Chowk) என்று குறிப்பிடப்படும் இந்த சதுக்கம் பெரும்பாலும் அரசியல் பேரணிகளுக்கு பயன்படுத்தப்படுகிறது.

இது இரண்டு முக்கிய சாலைகளில் அமைந்துள்ளதால், ‘டி-சௌக்கில்’ நடத்தப்படும் பெரிய கூட்டங்கள், இஸ்லாமாபாத்தில் போக்குவரத்தை பல முறை முடக்கியுள்ளன.

• மெக்கா: முஸ்லிம் புனித தலத்தை ஆயுதக் குழு கைப்பற்றியது எப்படி? சௌதி அரேபியா எவ்வாறு மீட்டது?24 நவம்பர் 2024
• மக்கள் வரி செலுத்த தேவையில்லை; கல்வி, மருத்துவம் இலவசம் - எந்த நாட்டில் தெரியுமா?23 நவம்பர் 2024

‘அதிகாரிகள் மீது கல்வீச்சு’

பட மூலாதாரம்,GETTY IMAGES

படக்குறிப்பு, காவல்துறை மீது கற்களை வீசும் இம்ரான் கான் ஆதரவாளர்

இம்ரான் கான் ஆதரவாளர்களுக்கும் காவல்துறைக்கும் இடையேயான மோதல்கள் பற்றிய தகவல்கள் இரு தரப்பிலிருந்தும் இருந்தும் தொடர்ந்து வெளிவந்து கொண்டிருக்கின்றன.

போராட்டக்காரர்கள் தங்கள் மீது கற்களை வீசுவதாகவும், இதனால் காயமடைந்த 14 அதிகாரிகள் மருத்துவமனையில் அனுமதிக்கப்பட்டுள்ளதாகவும் போலீசார் தெரிவித்துள்ளனர். இதற்கிடையில், இம்ரான் கான் ஆதரவாளர்கள் “போலீசார் தங்கள் மீது கண்ணீர் புகை குண்டுகளை வீசி, தங்கள் மீது தடியடி நடத்துவதாக” குற்றம்சாட்டுகின்றனர்.

திங்கட்கிழமை காலை இஸ்லாமாபாத் முழுவதும் பத்துக்கும் மேற்பட்ட போராட்டக்காரர்கள் கைது செய்யப்பட்டனர் என்று உள்ளூர் அதிகாரிகள் தெரிவித்தனர்.

குறிப்பாக மத்திய இஸ்லாமாபாத்தில், பல முக்கிய அரசாங்க கட்டடங்களுக்கு அருகே உள்ள ‘டி-சௌக்’ (D-Chowk) என்ற மிகப்பெரிய சதுக்கத்தில் குறைந்தது நான்கு பேர் கைது செய்யப்பட்டனர்.

ஞாயிற்றுக்கிழமை பேசிய பாகிஸ்தான் உள்துறை அமைச்சர் மொஹ்சின் நக்வி, “டி-சௌக்கை போலீசார் கண்காணித்து வருவதாகவும், சதுக்கத்தில் நுழையும் எவரையும் போலீசார் கைது செய்வார்கள்” என்றும் கூறினார்.

 

பாகிஸ்தான் வரும் பெலாரஸ் அதிபர்

பட மூலாதாரம்,REUTERS

படக்குறிப்பு, பெலாரஸ் அதிபர் அலெக்சாண்டர் லுகாஷென்கோ, மூன்று நாள் அரசுப் பயணமாக பாகிஸ்தான் வருகிறார்

இஸ்லாமாபாத்தில் பதற்றம் அதிகரித்து வரும் நிலையில், அந்நகரம் இன்று (நவம்பர் 25) பெலாரஸ் அதிபர் அலெக்சாண்டர் லுகாஷென்கோவை வரவேற்கவும் தயாராகி வருகிறது.

அடுத்த மூன்று ஆண்டுகளுக்கான வர்த்தகம் குறித்த புரிந்துணர்வு ஒப்பந்தத்தில் கையெழுத்திட, கடந்த செப்டம்பர் மாதத்தில் இரு நாடுகளும் ஒப்புக்கொண்டதைத் தொடர்ந்து, லுகாஷென்கோவின் இந்த மூன்று நாள் பாகிஸ்தான் பயணம் நடைபெறுகிறது.

எரிசக்தி, போக்குவரத்து, இயற்கை வளங்கள் மற்றும் அவசரகால சூழ்நிலைகளுக்கான பெலாரஸ் அமைச்சர்களும் லுகாஷென்கோவுடன் வந்துள்ளனர்.

போராட்டக்காரர்கள் கலைந்து செல்ல வேண்டும் என்பதற்கான காரணங்களில் ஒன்றாக இந்த அரசு பயணத்தை பாகிஸ்தான் அதிகாரிகள் மேற்கோள் காட்டியுள்ளனர்.

வியாழக்கிழமை (நவம்பர் 21) அன்று இந்த போராட்டம் சட்டவிரோதமானது என்று இஸ்லாமாபாத் நீதிமன்றம் தீர்ப்பளித்தது. நீதிமன்ற உத்தரவில் பெலாரஸ் அதிபரின் பயணம் குறித்தும் குறிப்பிட்டுள்ளது. “பெலாரஸ் தூதுக்குழுவின் பாதுகாப்பு மற்றும் அதன் சுதந்திரம் ‘மிக முக்கியமானது’ மற்றும் ஒரு நட்பு நாட்டுடனான உறவுகளை நேரடியாக உள்ளடக்கியது. எனவே, இது நாட்டின் நலன் சம்பந்தப்பட்டது". என்று அந்த உத்தரவில் கூறப்பட்டுள்ளது.

- இது, பிபிசிக்காக கலெக்டிவ் நியூஸ்ரூம் வெளியீடு

https://www.bbc.com/tamil/articles/cr4lvw26v7go

[nunavilan]

 

இம்ரான் கான் ஆதரவாளர்களின் பேரணியைத் தடுக்க பாகிஸ்தான் தலைநகர் பூட்டப்பட்டுள்ளது | பாகிஸ்தான்

 

 

முன்னாள் பிரதமரின் ஆதரவாளர்களைத் தடுக்கும் முயற்சியில் அரசாங்கம் இணையத்தை முடக்கியது, நெடுஞ்சாலைகளைத் தடுத்தது மற்றும் ஆயிரக்கணக்கான காவல்துறை மற்றும் துணை ராணுவப் படையினரை வரவழைத்ததால் பாகிஸ்தானின் தலைநகர் பூட்டப்பட்டது. இம்ரான் கான் இஸ்லாமாபாத்தில் போராட்டம்.

நூற்றுக்கணக்கான குற்றச்சாட்டுகளை எதிர்கொண்டு ஓராண்டுக்கும் மேலாக சிறையில் இருக்கும் கான், தனது ஆதரவாளர்களுக்கு “இறுதி அழைப்பை” விடுத்து, தன்னை விடுவிக்கக் கோரி இஸ்லாமாபாத்தில் இறங்கி நீதித்துறை மற்றும் அரசியலமைப்புச் சட்டத்தில் சமீபத்திய மாற்றங்களுக்கு எதிர்ப்புத் தெரிவித்திருந்தார்.

தன்னை அதிகாரத்தில் இருந்து விலக்கி வைப்பதற்காக இராணுவத்தினதும் ஆளும் அரசாங்கத்தினதும் அரசியல் நிகழ்ச்சி நிரலின் ஒரு பகுதியாக தான் சிறையில் அடைக்கப்பட்டதாக முன்னாள் பிரதமர் குற்றம் சுமத்தியுள்ளார். பிப்ரவரியில் நடந்த தேர்தலில் பரவலாக முறைகேடு நடந்ததாக அவர்கள் குற்றம் சாட்டியுள்ளனர் பாகிஸ்தான் தெஹ்ரீக்-இ-இன்சாப் (பி.டி.ஐ) கட்சி மக்கள் வாக்குகளை வென்றதாகவும், இப்போது சுதந்திரமான மற்றும் நியாயமான தேர்தல் நடைபெற வேண்டும் என்று கோருவதாகக் கூறுகிறது.

 

சிறைக்குள் இருந்து கானின் அழைப்புக்கு செவிசாய்த்து, பிடிஐயின் பல்லாயிரக்கணக்கான ஆதரவாளர்களின் அணிவகுப்பு வெள்ளிக்கிழமை தொடங்கியது மற்றும் நாடு முழுவதும் உள்ள பகுதிகளில் இருந்து இஸ்லாமாபாத் நோக்கி அணிவகுத்துச் செல்லத் தொடங்கியது.

பிரதம மந்திரி ஷேபாஸ் ஷெரீப் மற்றும் அவரது பாகிஸ்தான் முஸ்லிம் லீக் நவாஸ் (பிஎம்எல்-என்) கட்சி தலைமையிலான கூட்டணி அரசாங்கம், திங்கள் அல்லது செவ்வாய்கிழமை பிற்பகுதியில் தலைநகரை அடையவிருக்கும் பிடிஐ போராட்டத்திற்கு கடுமையான பதிலடி கொடுத்ததாக குற்றம் சாட்டப்பட்டுள்ளது. .

பஞ்சாப், சிந்து மற்றும் கைபர் பக்துன்க்வா பகுதிகளில் மொபைல் இணையம் மற்றும் வாட்ஸ்அப் போன்ற செய்திச் சேவைகளுக்கான அணுகல் தடைசெய்யப்பட்ட நிலையில், அவர்களின் முன்னேற்றத்தைத் தடுக்க நாடு முழுவதும் சாலைத் தடைகள் போடப்பட்டன. . தலைநகரம் கப்பல் கொள்கலன்களின் கோட்டையை ஒத்திருந்தது, மேலும் அனைத்து பாராளுமன்ற கட்டிடங்களையும் உள்ளடக்கிய சிவப்பு மண்டலம் முற்றிலும் தடுப்புகளால் மூடப்பட்டது.

PTI இன் கூற்றுப்படி, கானின் ஆதரவாளர்கள் இஸ்லாமாபாத்தை நோக்கிச் சென்றபோது காவல்துறையினரால் கண்ணீர்ப்புகை மற்றும் தடியடிக்கு இலக்காகியுள்ளனர் மற்றும் 5,000 PTI எதிர்ப்பாளர்கள் மற்றும் தலைவர்கள், முக்கியமாக கானின் கோட்டையான கைபர் பக்துன்க்வாவிலிருந்து வந்தவர்கள் ஏற்கனவே வழியிலேயே கைது செய்யப்பட்டுள்ளனர். இதற்கு பதிலடி கொடுக்கும் விதமாக பிடிஐ ஆதரவாளர்கள் போலீசார் மீது கற்களை வீசியும், அவர்களின் வாகனங்களுக்கு தீ வைத்தனர்.

சமீபத்தில் சிறையில் இருந்து வெளிவந்த கானின் மனைவி பிஷ்ரா பீபியும் அணிவகுப்பில் பங்கேற்றவர்களில் ஒருவர். “இம்ரான் எங்களுடன் இருக்கும் வரை, இந்த அணிவகுப்பை நாங்கள் முடிக்க மாட்டோம், எனது கடைசி மூச்சு வரை நான் அங்கேயே இருப்பேன், நீங்கள் அனைவரும் எனக்கு ஆதரவளிக்க வேண்டும்,” என்று திங்களன்று ஆதரவாளர்களை உரையாற்றிய பீபி கூறினார்.

பிடிஐ தகவல் செயலாளர் ஷேக் வகாஸ் அக்ரம், கைபர் பக்துன்க்வாவிலிருந்து மட்டும் 70,000 க்கும் மேற்பட்ட மக்கள் தலைநகரை நோக்கி அணிவகுத்துச் செல்கின்றனர் என்றும் அவர்கள் இஸ்லாமாபாத்தை மூன்று பக்கங்களிலிருந்தும் அடைக்க விரும்புவதாகவும் கூறினார்.

“பஞ்சாப் மற்றும் பிற இடங்களில் போலீசார் எங்கள் மீது ரப்பர் தோட்டாக்கள், காலாவதியான குண்டுகள் மற்றும் ஸ்டன் கையெறி குண்டுகளை வீசியுள்ளனர். கானின் விடுதலைக்காக அமைதியான முறையில் நடத்தப்படும் போராட்டத்தை நிறுத்த முயற்சிக்கின்றனர்” என்று அக்ரம் கூறினார்.

இருப்பினும், பிடிஐ “முழுமையாக தயாராக உள்ளது” என்று அக்ரம் கூறினார், மேலும் காவல்துறையினரால் சுடப்பட்ட கண்ணீர்ப்புகைகள் மற்றும் ரப்பர் தோட்டாக்களை சிதறடிப்பதற்காக பெரிய மின்விசிறிகள் கொண்ட டிரக்குகளை கொண்டு வந்ததாக கூறினார். அணிவகுப்பாளர்கள் இஸ்லாமாபாத்தை எப்போது அடைவார்கள் என்பது “நம் வழியில் உள்ள தடைகளை எவ்வளவு விரைவாக கடக்க முடியும் என்பதைப் பொறுத்தது”, ஆனால் அதற்கு குறைந்தபட்சம் மற்றொரு நாளாவது ஆகலாம் என்று அவர் கூறினார்.

முன்னாள் பிரதம மந்திரி அணிவகுப்பை கைவிடும் முயற்சியில் மூத்த தலைமை உறுப்பினர்கள் கானை ராவல்பிண்டியின் அடியாலா சிறையில் சந்திக்க வேண்டும் என்று இராணுவம் கேட்டுக் கொண்டதாக அவர் கூறினார். “எங்கள் அனைத்து கோரிக்கைகளும் முக்கியமானவை, ஆனால் கான் உட்பட அனைத்து அரசியல் கைதிகளையும் விடுவிக்க வேண்டும் என்பதுதான் அரசாங்கமும் நிர்வாகமும் உடனடியாக நிறைவேற்றக்கூடிய ஒரே கோரிக்கை” என்று அவர் கூறினார்.

பெலாரஸ் ஜனாதிபதி அலெக்சாண்டர் லுகாஷென்கோவின் அரசுமுறைப் பயணத்துடன் ஒத்துப்போவதால், PTI அணிவகுப்பை “நன்கு யோசித்த சதி” என்று அரசாங்கம் விவரித்தது.

அஹ்சன் இக்பால், மத்திய திட்டமிடல் மந்திரி, கான் சிறையில் இருந்து விடுவிக்கக் கோரி பலத்தைப் பயன்படுத்தி நீதி அமைப்பைத் தவிர்க்க முயற்சிப்பதாக குற்றம் சாட்டினார். “அவரது விடுதலை நீதிமன்றத்தின் அனுமதியைப் பொறுத்தது. அவர் மீது பதிவு செய்யப்பட்ட வழக்குகளில் இருந்து தன்னை விடுவிக்க வேண்டும். இது இல்லாமல், அரசால் அவரை விடுவிக்க முடியாது” என்று இக்பால் கூறினார்.

கடந்த ஆகஸ்ட் மாதம் கான் கைது செய்யப்பட்டதில் இருந்து, PTI இன் ஆதரவாளர்களும் தலைமையும் ஒரு வருடத்திற்கும் மேலாக அரசாங்கத்தின் தொடர்ச்சியான ஒடுக்குமுறையை எதிர்கொண்டுள்ளனர். கான் 2022 வரை ஆட்சி செய்தார், அவர் நாட்டின் சக்திவாய்ந்த இராணுவத் தலைவருடன் சண்டையிட்ட பின்னர் அவரது அரசாங்கம் கவிழ்ந்தது.

இந்த மாதம் கார்டியனுக்கு அளித்த பேட்டியில், சிறையில் இருந்து பேசும் கான் அவர் இராணுவத்துடன் மீண்டும் பேச்சுவார்த்தை நடத்தத் தயாராக இருப்பதாகக் கூறினார், ஆனால் மூத்த இராணுவத் தலைவர்கள் முன்னாள் பிரதமருடன் ஒப்பந்தம் செய்து அவரது விடுதலையை உறுதி செய்வதில் விருப்பம் இல்லை என்று கூறினார்.

https://www.thirupress.com/அரசியல்/இம்ரான்-கான்-ஆதரவாளர்களி/83126/

[குமாரசாமி]

இந்த கெற்றப்போல் சிஷ்டம் வேற எந்த நாட்டிலையும் நான் காணேல்லை....

[ஏராளன்]

இம்ரான் கான் ஆதரவாளர்கள் பேரணியில் மோதல்; போர்க்களமாக மாறிய இஸ்லாமாபாத் - 5 பேர் பலி

26 NOV, 2024 | 11:59 AM

இஸ்லாமாபாத்: பாகிஸ்தான் சிறையில் உள்ள முன்னாள் பிரதமர் இம்ரான் கானை விடுதலை செய்யக்கோரி பஞ்சாப் மாகாணம் ஹசன் அப்தலில் அவரது ஆதரவாளர்கள் நேற்று (திங்கள்கிழமை) இஸ்லாமாபாத்தை நோக்கி பிரம்மாண்ட பேரணி நடத்தினார். இந்தப் பேரணியில் ஏற்பட்ட மோதலில் 5 பேர் உயிரிழந்தனர்.

ஊடகத் தகவலின்படி போராட்டக்காரர்களால் ஒரு காவலர் சுட்டுக் கொல்லப்பட்டார். அதிரடிப் படையைச் சேர்ந்த 4 வீரர்கள் கூட்ட நெரிசலில் சிக்கி உயிரிழந்தனர். இந்தப் பேரணியில் பலர் காயமடைந்தனர். மேலும் போராட்டக்காரர்கள் போலீஸ் வாகனங்களுக்கு தீ வைத்து எரித்தனர். போராட்டக்காரர்கள் மீது போலீஸார் கண்ணீர் புகை குண்டுகளை வீசியும் கூட்டத்தைக் கட்டுப்படுத்த முயற்சித்தனர். இதனால் அப்பகுதியே போர்க்களம் போல் காட்சியளித்தது.

போராட்ட பின்னணி என்ன? பாகிஸ்தான் முன்னாள் பிரதமர் இம்ரான் கான் மீது ஊழல் வழக்கு உட்பட ஏராளமான வழக்குகள் பதிவு செய்யப்பட்டுள்ளன. அதனால் அவர் சிறையில் அடைக்கப்பட்டார். பாகிஸ்தான் தலைவர்களுக்கு வெளிநாட்டு தலைவர்கள் அளிக்கும் பரிசு எல்லாம் அரசு கருவூலத்துக்கு சென்று விடும். அவ்வாறு வழங்கப்பட்ட விலை உயர்ந்த ஆபரணம் ஒன்றை, இம்ரான் கான் பிரதமராக இருந்தபோது அரசு கருவூலத்துக்கு குறைந்த பணம் செலுத்தி முறைகேடான வழியில் எடுத்துக் கொண்டதாக ஊழல் வழக்கு பதிவு செய்யப்பட்டது. இந்த வழக்கில் இஸ்லாமாபாத் உயர்நீதிமன்றம் இம்ரான் கானுக்கு கடந்த நவ.20 ஜாமீன் வழங்கியது.

இந்த ஜாமீன் கிடைத்த சில மணி நேரத்தில், தீவிரவாதம் மற்றும் இதர வழக்குகளில் இம்ரான் கானை ராவல்பிண்டி போலீஸார் கைது செய்தனர். ராவல்பிண்டியில் உள்ள அடியலா சிறையில் இம்ரான் கான் இருந்தபோது, கடந்த செப்டம்பர் 28-ம் தேதி போராட்டத்துக்கு அழைப்பு விடுத்ததாக அவர் மீது வழக்கு பதிவு செய்யப்பட்டிருந்தது. இந்த வழக்கில் இம்ரான் கான் தற்போது கைது செய்யப்பட்டுள்ளார். தீவிரவாத தடுப்பு சட்ட விதிமுறை மீறல், அரசு தடையை மீறி பொது இடத்தில் கூடுதல், போலீஸாரை கடமையை செய்யவிடாமல் தடுத்தது, போலீஸ் வாகனங்கள் மற்றும் பொது சொத்துக்களை சேதப்படுத்தியது என பல குற்றச்சாட்டுகள் இந்த வழக்கில் இம்ரான் கான் மீது சுமத்தப்பட்டுள்ளன.

லாகூர், ராவல்பிண்டி மற்றும் இஸ்லாமாபாத் ஆகிய நகரங்களில் உள்ள பல்வேறு காவல் நிலையங்களில் இம்ரான் கான் மீது 62 வழக்குகள் பதிவு செய்யப்பட்டுள்ளன. பஞ்சாப் மாகாணத்தில் அவர் மீது 54 வழக்குகள் உள்ளன. அனைத்து வழக்குகளிலும் இருந்தும் இம்ரான் கானுக்கு ஜாமீன் வழங்க வேண்டும் என இம்ரான் கானின் சகோதரி நூரின் நியாசி தாக்கல் செய்த மனுவை லாகூர் நீதிமன்றம் தள்ளுபடி செய்துவிட்டது. இதனால் இம்ரான் கான் இப்போது விடுதலையாவதற்கான வாய்ப்புகள் எதுவும் இல்லை என கூறப்படுகிறது.

அரசியல் உள்நோக்கம் கொண்டவை.. இம்ரான் கான் மீதான வழக்குகள் அனைத்தும் அரசியல் உள்நோக்கம் கொண்டவை என இம்ரான் கானின் பிடிஐ கட்சி தெரிவித்து வருவது குறிப்பிடத்தக்கது. பாகிஸ்தான் சிறையில் உள்ள முன்னாள் பிரதமர் இம்ரான் கானை விடுதலை செய்யக்கோரி பஞ்சாப் மாகாணம் ஹசன் அப்தலில் அவரது ஆதரவாளர்கள் நேற்று (திங்கள்கிழமை) இஸ்லாமாபாத்தை நோக்கி பிரம்மாண்ட பேரணி நடத்தினார். இந்தப் பேரணியில் ஏற்பட்ட மோதலில் 5 பேர் உயிரிழந்தனர்.

https://www.virakesari.lk/article/199710