நல்ல காலம் பிறக்குது நல்ல காலம் பிறக்குது....

எங்கயோ கேட்டமாதிரி இல்ல? இது நான் சொல்லலைப்பாருங்கோ... தமிழ் மக்கள் சொல்லுரகாலம் வந்துட்டுது பாருங்கோ. அப்பிடி என்ன புதுசா... எல்லாமே புதுசு.. புதுசு மட்டும் இல்ல புத்துணர்ச்சியோட பாருங்கொ...

புயலொனத் தென்றலின் ஒளிப்பாய்ச்சல். முதலில நானும் கொன்பியூஸ் ஆகீட்டன்பாருங்கொ. அது என்ன தென்றல் பிறகு புயல்...அதுல பாய்ச்சல் வேற...

தொலைபேசியில இலவச நிமிசத்தையும் கரைக்கவேணும் தானே... அப்படியே என்ர நண்பர் சிலரோடு அலசும்போதுதான் எனக்கு தெரியவந்தது புதுசா தொலைக்காட்சி ஒண்டு வரப்போகுதுதாம். நானும் இந்த ஊடகத்துறை பக்கம் சார்ந்தா ஆள் என்டதால கொஞ்சம் கிண்டிப்பர்க்கலாம் எண்டு ஜோசிச்சன்.

அப்படி என்ன புதுசா? முந்தி "புதுப்பொலிவுடன்" எண்டால் இந்த மூலையில இருகிற எழுத்தை அடுத்தமூலைக்கு மாத்தீட்டு இது தான் புதுப்பொலிவு எண்டு சொல்லுர சிலரும் இருந்தவை. அதுமாதிரித்தான் இதுகும் புதுக் கவர்போட்ட பழைய புத்தகமோ எண்டு ஜோசிச்சன். சரி விசயத்தக் கிண்டிக் குதறுறதுதான் கைவந்தகலையாச்சே... ஆராயத்தொடங்கினன்.

ஐரிரிஎன் . அனைத்துலக தமிழ்த் தொலைக்காட்சி இணையம். இது தான் அந்த தொலைக்காட்சியின்ர பெயர்.

முதல்முதலாக தமிழ் தொலைக்காட்சி கோவில் தலைவர்களாலயோ இல்லாட்டி எக்கவுண்டன்ஸ்களாலயோ நடத்தப்படாம துறைசார் வல்லுணரால நடத்தப்படப்போகுதுபாருங்கொ. பாதுகாப்புக்காரணங்களால அவரின்ட பெயர் சொல்லவிரும்பல்ல... முந்தி இவர் ரிரின்ல வேலைசெய்யுற காலத்தில இருந்து எனக்குத் தெரியும். ஊடகத்துறையில் என்ர அனுபவம் இவரின்ர வயசவிடக் கூட. ஆனா நான் இவரிட்ட கனதடவை பல காரியங்களுக்கு உதவி கேட்டு இருக்கிறன். பல சர்வதேச ஊடகங்களில பெரிய பதவியில இருந்தவர், அதுமட்டும் இல்ல, தொலைக்காட்சித்துறையில மாஸ்ரர் டிகிரி முடிச்சவர். தெரிஞ்சவர் எண்டதால கோல் செய்து மேலும் விசாரிச்சன்.

ஒரு ஊடகம் எப்படி இருக்கவேணும் எண்ட வரையறைக்கு கொஞ்சம் கூட மாறாம சர்வதேச தரத்தில ஆயத்தங்கள் நடக்குது. “அண்ண, ஊடகம் எண்டால் சும்மா படம் பாக்குறதுக்கும் பாட்டுக் கேக்குறதுக்கும் மாத்திரம் இருக்கக்கூடாது. ஊடகம் எண்டால் ஒரு இனத்தின் உயிர். ஊடகம் எங்கட குரல். அது எங்கட நிழல்...எங்கட குரல் சர்வதேச அரங்கில கேட்கவேணும் எண்டால் எங்கட ஊடகமும் சர்வதெச ஊடகங்களுக்கு நிகரா இருக்கவேணும்” இப்படி அவர் சொன்னது பலகாலம் பட்டினியா இருந்தவனுக்கு உணவுபோல என்ர காதில தேன் போல இனிச்சுது.

கிட்டத்தட்ட 3 மணித்தியாலங்களுக்கு மேல கதைச்சிருப்பம். தொலைபேசி வைக்கும்போது எனக்கு மனதுக்குள்ள ஒரு நிம்மதி. ஒரு சந்தோசம்.

ரிரின், பிபிசி, சன்ரிவி, இப்படி பல தொலைக்காட்சிகளில வேலை செய்தவங்க பலர் ஐரிரிஎன்ல சேர்ந்து வேலைசெய்யினம். அப்ப எப்ப வரும் எண்டதற்கு " எப்ப என்ரது முக்கியம் இல்ல.. எப்படி என்ரதுதான் முக்கியம்" என்ர பதில் கிடைச்சுது.... ஆனா ஒன்டுமட்டும் உறுதி... கெதியா ஐரிரிஎன் இன்ர ஒளிப்பாய்ச்சல் தமிழரின்ர ஊடகத்துறையின் இருட்டை நீக்கும்.

இப்படியான ஒரு திட்டத்துக்கு, நாங்க எல்லோரும் சேர்ந்து உதவ வேணும் பாருங்கொ. எங்களால ஏலுமான உதவிகளை அந்தத் தம்பிக்கும் ஐரிரின் இக்கும் குடுக்கவேணும். இங்க பல துறைசார்ந்த வல்லுணர்கள் இருக்குறீங்க. உங்களாலான உதவிகளை செய்யவேணும். இது தான் என்ற வேண்டுகோள்.

கரங்கள் இணைந்தால் களம் பல கண்டு எமது இலக்கினை அடையலாம்.

இப்படி ஒரு தொலைக்காட்சி பொங்கல் அன்று வரப்போவதாக வதந்தி உலவுகிறது.

இந்த தொலைக்காட்சியை நாங்களும் ஆவலுடன் எதிர்பார்க்கிறோம்...

தொலைக்காட்சி தொடங்க முதலேயே உள்வெட்டு குத்து தொடங்கிட்தாவும் கதை உலாவுது. ஏதோ இந்த தொலைக்காட்சியையாவது உரியமுறையில் சட்டப்படி எல்லாம் செய்து சரியாக நிருவகித்தால் சரி பிறகு தங்களுக்கு தாங்களே இது புலி முத்திரை குத்தி வழக்கு போடாமல் விட்டால் சரி

காற்றுல பயணம் செய்பவர் வணக்கம்,

முதலில சொல்லிறதா கோவிக்ககூடாது, நீங்கள் யாழுக்கு புதியவர் மாதிரி தெரிய இல்ல. ஏற்கனவே இதுக்க படுத்து எழும்பினவர் மாதிரி இருக்கு.

இப்ப நாங்கள் என்ன செய்யவேணும் எண்டு சொல்லிறீங்கள்? அப்ப ஜெயா ரீவி, சன் ரீவிய என்ன செய்யுறது?

உங்கட புது ரீவியில நல்ல புது தழிப்படங்கள் எல்லாம் போடுவீங்கள் தானே? பறந்து, பறந்து அடிபடுற சண்டைக்காட்சிகள், மற்றது ஒவ்வொரு நாளும் ஓடுற சீரியல் எல்லாம் இருக்கவேணும். அப்பத்தான் நாங்கள் ஆதரவு தருவது பற்றி பரிசீலனை செய்யமுடியும்.

உள்வெட்டுக்குத்து எங்கு தான் இல்லை. ஆனால் அப்படி ஒண்டும் இருகிறதுக்கு சான்ஸ் இல்லைப்பாருங்கொ. ஏனென்றால் இளையோர்கள் மத்தியில் இப்படியான சிக்கல்கள் இருக்காது. சட்டப்படி எல்லாம் செய்யினம்.

புலி முத்திரை..

நாங்க மனுசரா? இல்லை எங்கட பெற்றோருக்குப் பிள்ளைகளா? இல்லாட்டி எங்கட பிள்ளைகளுக்குப் பெற்றோர்களா ? இல்லை, தமிழரா?

எல்லாக் கேள்விக்கும் பதில் ஆம்.

அதேபோல தமிழரின்ட விடுதலைக்குப் போராடுவது யார்? பக்கத்து நாட்டுக்காரன் வந்து போராடுவானா? ஒரு இனதின்ட விடுதலைக்கு அந்த இனத்தினரே போராடவேண்டும். அப்படியென்டால் தமிழரின்ட விடுதலைக்குப் போராடுவதும் தமிழரே! முன்னர் கூறியதுபோல எங்களுக்கு பல பெயர்கள் இருந்தாலும் நாங்கள் ஒருவரே. அதேபோல விடுதலைப்புலிகள் என்டால் அவயள் பக்கத்து நாட்டுக்காரங்களே இல்லாட்டி வானத்தில இருந்து குதிச்சவங்களோ இல்ல. தமிழரின்ட இன்னொரு பெயர்தான் விடுதலைப்புலிகள். அதனால புதுசா என்ன முத்திரை குத்துறது. சுயமானம் உள்ள தமிழர் எல்லோரும் விடுதலைப்புலிகள் தான்..

கலைஞன் அண்ணாவிற்கு.....

அப்ப ஜெயா ரீவி, சன் ரீவிய என்ன செய்யுறது? உங்கட புது ரீவியில நல்ல புது தழிப்படங்கள் எல்லாம் போடுவீங்கள் தானே? பறந்து, பறந்து அடிபடுற சண்டைக்காட்சிகள், மற்றது ஒவ்வொரு நாளும் ஓடுற சீரியல் எல்லாம் இருக்கவேணும். அப்பத்தான் நாங்கள் ஆதரவு தருவது பற்றி பரிசீலனை செய்யமுடியும்.

அது ஒண்டும் என்ர ரிவி இல்லப்பாருங்கொ. இருந்தாலும் எங்கட ரிவி என்ட உரிமை இருக்கு. நிச்சயமா எல்ல வயதினருக்கும் நிகழ்ச்சிகள் இருக்கும் என நம்புகிறன். ஜெயா ரிவி, சன் ரிவி உங்கட காசை வாங்கி நல்ல இலாபம் அடைஞ்சு இந்திய அரசுக்கு வரி கூடக் கொடுப்பினம். அதை இந்திய அரசு சிறீலங்க ஆமியிடம் ஆயுதமா கொடுப்பினம். மிச்சம் உங்களுக்கு செய்தியில வரும். அப்பாவிப் பொதுமக்கள் கிபீர் விமானக் குண்டு வீச்சில் பலி என்டு

Edited November 21, 200718 yr by Wind-Rider

வைன் றைடர்.உங்கடை விளக்கம் எல்லாம் நல்லாத்தான் இருக்கு ஆனாலும் எனக்கு ஒரு சந்:தேகம் இந்த வருட மாவீரர் தின உரை ஜரோப்பாவிலை எந்த தொலைக்காட்சியிலை வரும்;.??? தரிசனத்திலையா தீபத்திலையா?? இல்லாட்டி உங்கடை பதில் வரேக்கை பாருங்கோ என்பதா? ஏன் உங்களிடம் கே;கிறன் என்றால் நீங்கள் தானே முதல் பலவருட ஊடகத்துறையிலை இருக்கிறன் எண்டு எழுதியிருந்தனீங்கள் அதுதான் உங்களுக்கு சிலவேளை தெரிஞ்சிருக்கும். அதோடை வேறு பல விடயங்களும் தெரிந்திருக்கும். எது எப்பிடியோ இலசமா விட்டால் பாத்திட்டு போறம்

Edited November 21, 200718 yr by sathiri

அட குசும்பு.. என்ட பெயர வைன் ரய்டர் ஆ மாத்தீட்டீங்கப்பா.... அது வின்ட்... காற்று...

ஊடகத்துறை என்டு தானே சொன்னன்.... உளவுத்துறை என்டு சொல்லலப்பாருங்கொ.

என்னைப்பொறுத்தவரை... மாவீரர் நாள் உரை என்பது அனைவருக்கும் சொந்தம். .. எதில வந்தாலும்.... வராட்டாலும் அது தமிழருக்குச் சொந்தம்.

உணர்வுள்ள தொலைக்காட்சி எல்லாம் செயலில காட்டும். பொறுத்திருந்து பார்ப்போம்.

வின்ட் றயிடர் யாழில் யாரையோ ஞாபகபடுத்துகிறார்.

வின்ட் றயிடர் யாழில் யாரையோ ஞாபகபடுத்துகிறார்.

இன்னா இது புதுசு புதுசா.. யாருப்பா அது? யென் ஊரு பய புள்ளங்களா? யார ஞாபகப் படுத்துறன்?