மாலைத்தீவு ஜனாதிபதியை கொலைசெய்ய முயற்சி

1/8/2008 4:40:45 PM

வீரகேசரி இணையம் -

மாலைத்தீவு ஜனாதிபதி மௌமூன் அப்துல் கயூமை கொலை செய்ய மேற்கொள்ளப்பட்ட முயற்சியிலிருந்து தப்பியுள்ளார்.

இன்றைய தினம் இளைஞரொருவர் ஜனாதிபதி மௌமூன் அப்துல் கயூமை கத்தியால் குத்தி கொலை செய்ய முயற்சித்துள்ளனர்.

இவ் இளைஞன் கத்தியை தேசிய கொடியால் சுற்றி மறைத்து வைத்து குத்த முயற்சித்துள்ளார்.எனினும் ஜனாதிபதி பாதுகாப்பாக தப்பியுள்ளதாக ஜனாதிபதியின் பேச்சாளர் தெரிவித்தார்.

Edited January 10, 200817 yr by கறுப்பி

நானும் பாக்கிறன் எல்லா நாட்டிலும் அரசுத் தலைவர்கள் மாறீனம். ஆனால் நான் பிறந்த காலம் தொட்டு மாலைதீவில மட்டும்.. அரசுத் தலைவர் மாறவே இல்ல.

என்னைப் போல எத்தனை பேர் மாலைதீவிலும் எதிர்பார்ப்போட இருப்பாங்க...!

20 வயது வேலையில்லாத இளைஞன் பெடப்பில கத்தியால் குத்தப் போக 15 வயசுப் பொடி.. மறிச்சுப் போட்டான். அதால ஆள் எஸ்கேப்.

Edited January 8, 200817 yr by nedukkalapoovan

நான் அறிந்தவரையில் கடாபியும் அப்படித்தான் எண்டு நினைக்கிறேன்.

72 ல் இருந்து தொடர்ந்து இருக்கிறார்.

மாலைதீவு ஜனாதிபதி மாமூன் அப்துல் கையும் கொலை முயற்சியொன்றிலிருந்து இன்று உயிர் தப்பியதாக மாலைதீவு அரசாங்கம் அறிவித்துள்ளது. அரசாங்கத்தின் இணையத்தளம் ஒன்று இச்செய்தியை வெளியிட்டுள்ளது.

மாலைதீவின் வடக்குப் பிரதேச தீவொன்றில் இன்று இடம்பெற்ற வைபவம் ஒன்றில் ஜனாதிபதி மாமூன் அப்துல் கையும் கலந்துகொண்டவேளை இளைஞரொருவர் அவரைக் கத்தியால் குத்தி கொலை செய்ய முயற்சித்துள்ளார். இவ்விளைஞன் கத்தியை தேசிய கொடியால் சுற்றி மறைத்து வைத்தே குத்த முயற்சித்துள்ளார்.

எனினும் ஜனாதிபதி பாதுகாப்பாக உயிர் தப்பியுள்ளதாகவும் ஒரு சிறுவன் இச்சம்பவத்தில் காயமடைந்ததாகவும் மாலைதீவு அரசாங்கம் அறிவித்துள்ளது.

paraparappu.com

மாலைதீவு ஜனாதிபதியின் உயிரை காப்பாற்றிய துணிச்சல்மிக்க சிறுவன்

1/10/2008 8:56:18 AM

வீரகேசரி நாளேடு - படுகொலை முயற்சியிலிருந்து உயிர் தப்பியுள்ள மாலைதீவு ஜனாதிபதி மௌமூன் அப்துல் கயூமை, சாரணர் குழுவைச் சேர்ந்த 15 வயது சிறுவனே வீரதீரமாகச் செயற்பட்டு காப்பற்றியதாக ஜனாதிபதியின் பேச்சாளர் தெரிவித்தார்,

ஜனாதிபதியை படுகொலை செய்யும் இலக்கில் பெரிய சமையலறைக் கத்தியுடன் இளைஞன் ஒருவன் அவரை நெருங்கிய சமயம், மொஹமட் ஜெய்ஷாம் எனும் சிறுவன் இடையில் பாய்ந்து கொலைகாரனை தடுத்ததாக ஜனாதிபதியின் பேச்சாளர் மொஹமட் ஷரீப் தெரிவித்தார். எனினும் மேற்படி இளைஞனின் கத்திக்குத்தால் அச்சிறுவனின் கையில் பாரிய காயமேற்பட்டுள்ளதாக தெரிவிக்கப்படுகிறது.

இது தொடர்பில் மாலைதீவு ஜனாதிபதி கயூம் குறிப்பிடுகையில், ""என்னைக் காப்பாற்றிய அல்லாவுக்கும் மொஹமட் ஜெய்ஷாமிற்கும் நன்றி செலுத்துகிறேன்'' என்று கூறினார்.

மாலைதீவு சாரணர் இயக்கத்தின் தலைவர் என்ற கௌரவத்தை கயூம் பெற்றுள்ளமை குறிப்பிடத்தக்கது.

வட மாலைதீவில் சுமார் 3000 பேர் வசிக்கும் ஹோராபுஷி தீவில் மீள்புதுப்பிக்கப்பட்டு மின்சக்தித்திட்டமொன்றை ஆரம்பித்து வைத்த பின், ஆதரவாளர்களைச் சந்தித்து ஜனாதிபதி கைகுலுக்கிக் கொண்டிருந்த வேளையிலேயே இச்சம்பவம் இடம்பெற்றுள்ளது. ஜனாதிபதியை கத்தியால் குத்த முயன்ற இளைஞனுக்கு 20 வயது வரை இருக்கலாம் எனத் தெரிவிக்கப்படுகிறது. சம்பவத்தையடுத்து இளைஞன் கைது செய்யப்பட்டுள்ளார். இந்த இளைஞன் தீவிர மதவாத போக்குகளைக் கொண்ட ஒருவர் எனத் தெரிவிக்கப்படுகிறது.

இந்திய ரோவின் விளையாட்டாகத்தான் இருக்கும். முன்னும் ஒருமுறை உமா மகேச்வரனை வைத்து மாலைதீவையே பிடிக்கப் பாத்தவையள். புளொட்டின் சோத்துப்பானை மூளையால் ரோவின் கனவு கெட்டது. இப்போது இன்னுமொருமுறை முயன்றிருக்கலாம்.

வேணுமெண்டால் சித்தார்த்தனைக் கேட்டுப் பாக்கலாம். ஆளும் இப்ப ஒன்றும் இல்லாமல் சும்மாதானே இருக்கிறார். அப்பப்ப மகிந்த துப்புகிற எலும்புத்துண்டைக் கவ்விக் கொண்டு இந்தியாவுக்கு காவடி எடுக்கிறதைத் தவிர அவருக்கு வேறு என்ன வேலை.