வணக்கம்

அன்பின் கதாசிரியர்களிற்கான அன்பான வேண்டுகோள். உங்கள் ஆக்கங்களை உங்கள் உரிமையுடன் வானலை வழியாக இசையும் கதையுமாக ஒலிபரப்ப எண்ணியுள்ளேன் . அதற்கு தங்கள் ஓத்துழைப்பு மிகமகி அவசியம். இதுவரை எழுதிய கதைகளை உங்கள் பெயர்களுடன் எனக்கு ஈமெயில் செய்யலாம். கதைக்கு உகந்த பாடல்களையும் உங்கள் விருப்பிற்கேற்ப தெரிவுசெய்து அனுப்பலாம். நிகழ்ச்சி மாதத்தில் இரு தடவைகள் எண்ணியுள்ளேன். எனக்கு வழங்கப்பட்ட நேரம் 30 நிமிடங்கள் மாத்திரமே என்பதையும் அறியத்தருகின்றேன்.

எனது ஈமெயில் nparaneetharan@gmail.com

இப்படிக்கு நட்புடன் உங்கள் பதிலை ஆக்கங்களுடன் விரைவில் எதிர்பார்த்து பரணீதரன்

நல்ல முயற்சி. வாழ்த்துகள்.

எந்த வானலை வழியாக வர இருக்கிறது.?

உங்களின் நல்ல முயற்சிக்கு வாழ்த்துக்கள். இதன் மூலம் கதைகள் மேலும் மெருகு பெறும்.

நிச்சயமாக பரணிதரன் அவர்களே,

ஆனால் எந்த வானலை என்று நீங்கள் குறிப்பிடவில்லையே?

நல்ல விடயம். வாழ்த்துகள் பரணி.

முயற்சிக்கு வாழ்த்துக்கள். இணைய வானொலியா?. ஒத்துழைப்பு எப்போதும் உண்டு.

வணக்கம் பரணி,

நல்ல முயற்சி,

என்னுடைய ஓரிரு சிறுகதைகளை அனுப்பி வைக்கிறேன். ஆனால் திரைப்படப் பாடல்கள் குறித்து எனக்கு அதிக பரீட்சயம் இல்லாத காரணத்தால் நீங்களே பொருத்தமான பாடல்களை இணைத்துக் கொள்ளுங்கள்.

அன்புடன்

மணிவாசகன்

பரணியுடைய இந்த நல்ல முயற்சிக்கு எனது வாழ்த்துக்கள். நண்பர் பரணி அண்மையில் நோர்வேயில் உள்ள தமிழ்முரசம் வானொலியில் பணிபுரிய ஆரம்பித்திருக்கிறார். ஆகவே எங்கள் வானொலியில் யாழ்கள உறவுகளின் படைப்புகள் இசையும் கதையுமாக வருமென எதிர்பார்க்கின்றேன். யாழ்களத்தை ஒரு ஆரோக்கியமான ஆக்கும் களமாகவும், தளமாகவும் மாற்றி இலக்கியத்தரம் வாய்ந்த உன்னத தளமாக மாறும் நாளை எதிர்பார்த்துக் காத்திருக்கின்றேன்.

யாழ்களத்தில் இருக்கின்ற உறவுகளுக்கு ஓர் அன்பான வேண்டுகோள். இங்கு இணைந்திருக்கின்ற ஒவ்வொரு உறவுகளும் உங்களுடைய சொந்த ஆக்கங்களை பதிவு செய்வதற்கான தளமாக அடுத்த ஆண்டில் இருந்து முயற்சிக்கவும். "வெட்டி ஒட்டுதல் தவிர்ப்போம் சொந்தமாகவே புதியன படைப்போம்" ஆரோக்கியமான நல்ல விமர்சனங்களை முன்வைத்து எங்கள் இனத்திற்கான நிறைவான படைப்பாளிகளை உருவாக்குவோம். உங்கள் வாழ்க்கையின் ஒவ்வொரு நிமிடத்தில் துளிர்கின்ற அனுபவங்கள் எல்லாமே ஓர் அற்புதமான படைப்பிற்கு அடிக்கல் நாட்டும்.

நோர்வே தமிழ்முரசம் வானொலியின் இணையத்தள முகவரி: http://www.tamilmurasam.com/

Edited December 17, 200817 yr by Tamizhvaanam

வணக்கம் பரணி,

நல்ல முயற்சி,

என்னுடைய ஓரிரு சிறுகதைகளை அனுப்பி வைக்கிறேன். ஆனால் திரைப்படப் பாடல்கள் குறித்து எனக்கு அதிக பரீட்சயம் இல்லாத காரணத்தால் நீங்களே பொருத்தமான பாடல்களை இணைத்துக் கொள்ளுங்கள்.

அன்புடன்

மணிவாசகன்

மணிவாசகனின் கதைகளை கேட்கவும் ஆவலாய் இருக்கிறேன்

நல்லதொரு முயற்ச்சி.பரனியின் புதிய பணி சிறப்படைய வாழ்த்துக்கள்.மற்றது உந்த ஆக்கிற விசயம் தான் உதைக்குது.ம்ம்ம் சரி பார்ப்பம்

உறவுகளின் ஓத்துழைப்பிற்கு மிக்க நன்றி.

வளரும் கலைஞர்களை வளர்த்தெடுக்க முனைவதில் எனது பங்கும் சிறிதளவேனும் இருக்கவேண்டும் என்று விரும்புவன் நான். தாயகத்தோடு ஈடுபாடுடைய கதைகள் தற்போதைய எமது வலியையும் துடைக்க முயலும் என நம்பிக்கையுடன் உங்கள் ஆக்கங்களை எதிர்பார்த்து . . .

நட்புடன் பரணீதரன்