ராஜீவ்-ஜெயவர்த்தனே ஒப்பந்தம் அமல்படுத்துவதே இலங்கை பிரச்சனைக்கு தீர்வு:

on 30-12-2008 15:59

ராஜீவ்-ஜெயவர்த்தனே திட்டத்தை நடைமுறைப்படுத்துவதன் மூலமும் பேச்சுவார்த்தை மூலமுமே இலங்கைப் பிரச்னைக்கு தீர்வு காண முடியும் என்று இந்தியா கருதுவதாக வெளியுறவுத்துறை அமைச்சர் பிரணாப் முகர்ஜி கூறியுள்ளார்.

அவர் இன்று தில்லியில் செய்தியாளர்களுக்கு அளித்த பேட்டியில் கூறியதாவது:

'எனது கொழும்பு பயணம் எப்போது என்பது குறித்து இன்னும் முடிவு எடுக்கப்படவில்லை. அதிகாரத்தைப் பகிர்வது தொடர்பான குழு அளிக்கும் அறிக்கையை அமல்படுத்துவதே நீண்டகால இலங்கை பிரச்னைக்கு உறுதியான தீர்வாகும்.

இந்த பிரச்னையை ராணுவ நடவடிக்கை மூலம் தீர்க்க முடியாது. 1987ல் ராஜீவ் காந்தி - ஜெயவர்த்தனே ஆகியோரால் உருவாக்கப்பட்ட இந்திய இலங்கை அமைதித் திட்டத்தை நடைமுறைப்படுத்துவது மற்றும் பேச்சுவார்த்தை மூலமே தீர்க்க முடியும் என இந்தியா கருதுகிறது.

இலங்கையின் இறையாண்மை மற்றும் எல்லைகள் பாதிக்கப்படாத வகையில் தமிழர்கள் அதிகாரம் பெறுவது குறித்து உயர்மட்டக் குழுவின் பரிந்துரைகளை அமல்படுத்துவதே சரியான தீர்வாகும். அந்த நிலையை நாம் எட்ட வேண்டும்.''

இவ்வாறு பிரணாப் முகர்ஜி தெரிவித்துள்ளார்.

அதிகாலை

இல்லாமற் செய்யப்பட்ட ஒன்றை எப்படி அமுல்படுத்துவது. இனியொரு புதிதான ஒப்பந்தத்தை ஏற்படுத்த வேண்டும். இலங்கையரசின் இயலாத் தன்மையின் போதுதான் அதனைக் காப்பாற்ற முகர்ஜி வருவார் என்பது தெரியும். அப்போது ஒப்பந்தங்கள் ஏதும் ஏற்படுவதை பேரினவாதம் விரும்பாது. அவரது வருகைக்கு எதிரான கருத்துக்களும் ஆர்ப்பாட்டங்களும் இலங்கையில் நடைபெறுமென எதிர்பார்க்கலாம்.

இந்திரா காங்கிரஸ் ஆட்சியில் இருக்கும்போதே வடக்கும் கிழக்கும் தனித் தனித் நிர்வாக அலகாகக் மகிந்த அரசாங்கம் பிரித்து விட்டது. அப்புறம் ராஜீவிவ் - ஜெயவர்த்தனே ஒப்பந்தத்துக் பிரணாப்முகஜி உயிர்ப்பிக்க ஆலோசனை வழங்குகிறார்.

பென்மன்

நண்பரே, இந்திரா காந்தி இறந்தது 1984 இல் என்று நினைக்கிறேன். ஆனால் மகிந்த ஆட்சிக்கு வந்ததோ 2005 இல். 1987 ஆம் ஆண்டு ஒப்பந்தப்படி தற்காலிகமாக இணைக்கப்பட்ட வடக்கும் கிழக்கும் மகிந்தவினால் 2006 - 7 இல் பிரிக்கப்பட்டது என்பதே சரி என்று நினைக்கிறேன்.

நடமுறை சிக்கலை சரியாக விளாங்கினவங்கள் ஆரப்பா?....

கிளிநொச்சியை பிடிக்கட்டும், புலிகளை முடிக்கட்டும் அதுக்குப்பிறகு ஆறுதலா போய் இதை சொல்லலாமெண்றிருந்திருப்பார