பாடசாலையில் ஒன்றாக படித்தவன்,ஆறாம் வகுப்பு முதல் க.பொ.த உயர்தரம் வரை ஒரே தரத்தில் வெவ்வேறு பிரிவுகளிள் படித்தோம் அதாவது அவன் "ஏ" பிரிவிலும் நான் "பீ" பிரிவிலும்.பின்பு உயர்தரம் நான் உயிரியல் பிரிவிலும் அவன் கணக்கியல் பிரிவிலும் படித்தோம் என்றாலும் இருவரும் நண்பர்கள் பாடசாலையில் படிக்கும் போது பட்ட பெயர் வைப்பது வழமை உடற்தோற்றத்திற்கு ஏற்றபடி அதாவது மெலிந்து உயர்ந்த தோற்றம் உடையவராகின் ஓட்டகம் என்றும் கொஞ்சம் மொத்தமாகவும் கொஞ்சம் கட்டையாகவும் இருந்தால் தக்காளி என்றும் வைப்பதும் வழமை.அவனது உயரத்திற்கும் மெல்லிய தோற்றத்திற்கும் உரிய பட்டதினை வழங்கி இருந்தோம்.

பாடசாலை படிக்கும் போது விளையாட்டு போட்டிகளிள் மிகவும் ஆர்வமாக ஈடுபடுவான் படிப்பிலும் அதே ஆர்வம்.கல்லுண்டாய் (மானிப்பாயிற்கு அருகில் உள்ள கடற்கரை) ஒவ்வொரு நாளும் சென்று நீச்சல் பழகுவான்.நாங்கள் அரசியல் கதைத்தால் கண்டு கொள்ளமாட்டான் தனது உடற்பயிற்சியில் முக்கிய கவனம் செலுத்துவான்.

நகைசுவை உணர்வு அதிகம் உடையவன்.உயர்கல்வி கற்பதிற்கு பாடசாலையை விட்டு பிரிந்து சென்று விட்டோம்.நான் இந்தியா சென்று விட்டேன்.ஒரு நாள் நான் தங்கி இருக்கும் விடுதிக்கு வந்தான்.பரஸ்பரம் இருவரும் சுகம் விசாரித்து உரையாடி கொண்டு இருக்கும் போது ரட்டி (லட்டு ரோட்டி எனது பட்டபெயர்) நீ சொன்ன ஜோக்கை நான் இப்பவும் நினைத்து சிரிக்கிறனான் என்றான் அது (ஒரு ஆசிரியரின் மகளை பற்றியது).அன்று தான் நான் அவனை இறுதியாக நேரில் கண்டது 1985 ம் ஆண்டளவிள்.பிறகு தான் கேள்விபட்டேன் அவன் புலி இயக்கத்தில் சேர்ந்து இருப்பதாக,நானும் எனது ஏனைய நண்பர்களும் அரசியல் கதைத்து கொண்டு காலத்தை வீணடிக்கும் பொழுது கண்டு கொள்ளாத அவன் இயக்கத்தில் சேர்ந்து இருபது வருடங்களிற்கு மேலாக மண்மீட்பிற்காக போராடி மே மாதம் முள்ளிவாய்காலில் வீரமரணம் அடைந்த தளபதிகளிள் அவனும் ஒருவன்.

நான் சமாதானகாலத்தில் முல்லைதீவிற்கு சென்றபோது அவனை சந்திக்க வேண்டும் என்ற் இருந்தேன் ஆனால் அவனது இயக்க பெயர் தெரியாதபடியால் சந்திக்க முடியவில்லை பின்பு உறவினர்கள் மூலம் தான் அறிந்தேன் அவனது இயக்க பெயர் சசிமாஸ்டர் (சசிகுமார்) என்று.

புலிகளிள் தளபதிகள் பலர் புதுகுடியிருப்பில் வீரசாவடைந்த போது மனம் தளர்ந்தது இருந்தாலும் ஒரு சிறு நம்பிக்கை இருந்தது இன்னும் பெயர் சொல்ல கூடிய தளபதிகள் இருக்கிறார்கள் என்று இவனை நினைக்கும் பொழுது.ஆனால் மே மாதம் பத்தாம் திகதி அளவிள் சசி மாஸ்டர் இறந்தார் என்று "டிவின்ஸ்.கொம்" அறிவித்தார்கள்.நம்பவில்லை இரு நாட்களின் பின்பு எனது நண்பன் இலண்டனில் இருந்து தொடர்பு கொண்டு தான் மித்திரனின் (சசிமாஸ்டரின் இயற்பெயர்)மனைவி இச் செய்தியை உறுதிபடுத்தியதாக களமாடி வீரமரணம் அடைந்த சகமாணவன்,பள்ளி தோழன் எனது வீரவணக்கத்தை தெரிவித்து கொள்கிறேன்.

மு.கு - மித்திரனின் தாயார் மூலம் எனது நண்பர் எனக்கு தந்த செய்தியின்படி தான் நான் எனது நண்பனிற்கு வீரவணக்கத்தை தெரிவித்து கொள்கிறேன்.

மண் மீட்புக்காய் மர னித்தவீரனுக்கு அஞ்சலி .புத்தனின் துயரில் பங்கு கொள்கிறேன்.

அன்னை மண்ணிற்காய் களமாடி மாவீரர் ஆகிய அந்த புனிதமான உறவிற்கு எனது கண்ணீர் அஞ்சலி.

யாயினி.

நம் விடுதலைப் போரில் வீரமரணமடைந்து தம் இன்னுயிரை இந்த மண்ணுக்கு ஆகுதியாக்கிய அனைத்துத் தளபதிகள், போராளிகள் மற்றும் வீரப்பெருமக்கள் அனைவருக்கும் எனது வீரவணக்கத்தினையும் இதய அஞ்சலிகளையும் தெரிவித்துக் கொள்கின்றேன்.

வீர வணக்கங்கள்.

வீர வணக்கம்

மாவீரர் தளபதி சசிகுமார் மாஸ்ரருக்கு வீரவணக்கங்கள்..! நண்பனின் இழப்பில் வருந்தும் புத்தனுக்கு எனது ஆழ்ந்த அனுதாபங்கள்..!

Edited July 16, 200916 yr by Danguvaar

வீரச்சாவை உறுதிப்படுத்தி விட்டார்கள்...?

வணக்கங்கள்...

சசிகுமார் மாஸ்ரர் எண்று வர வேண்டும் புத்தன் அண்ணா...!! நீங்கள் சொல்வது போல அவர் நல்ல உயரம் ஆனால் உடல் பருமன் போட்டு விட்டு இருந்தது...!

வட பிராந்திய கட்டளை தலைமையகமான "கொப்பே கடுவ" கூட்டம் கொல்லப்பட்ட நடவடிக்கையில் முக்கிய பங்காற்றி தலைவரிடம் விசேட பரிசல் பெற்றார்...

விசேட வேவுப்பிரிவின் முதலாவது கட்டளை தளபதியாக இருந்தார்... தோற்று வித்தார்....

(இன்னும் சொல்ல ஆசை ஆனால் சொல்ல வெளிக்கிட நான் ஏதோ என்னை விளம்பர படுத்துவதாக சொல்லி திட்ட ஒரு கூட்டம் அலைவதால் தொடர விருப்பம் இல்லை)

Edited July 16, 200916 yr by தயா

சசிகுமார் மாஸ்ரர்க்கு வீரவணக்கங்களும்... குடும்பத்தாருக்கும், நண்பர்களுக்கும் ஆழ்ந்த அனுதாபங்கள்...

சசிகுமார் மாஸ்ரருக்கு வீரவணக்கங்கள் . குடும்பத்தாருக்கும், நண்பர்களுக்கும் ஆழ்ந்த அனுதாபங்கள்...

இந்த படத்தில் உயரமாக நடுவில் நிற்பவர்...

Edited July 16, 200916 yr by தயா

வீர வணக்கங்கள்.