நாடாளுமன்றத்தில் பொன்சேகா: மறைந்திருந்து பார்த்தார் மகிந்தா

சிறீலங்காவில் கடந்த வாரம் நடைபெற்ற நாடாளுமன்ற அமர்வில் அதிகம் பேசப்பட்ட விடயம் ஓய்வுபெற்ற ஜெனரல் சரத் பொன்சேகா தொடர்பானது. பொன்சேகாவை நாடாளுமன்றத்திற்கு செல்லவிடாமல் தடுக்கும் அரசின் முயற்சிகள் தோல்வியில் முடிவடைந்தாலும் மகிந்தா ராஜபக்சா மங்கலான வெளிச்சத்தை உடைய ஒரு அறையில் அமர்ந்து நாடாளுமன்ற நிகழ்வுகளை உன்னிப்பாக அவதானித்ததாக கொழும்பு ஊடகம் ஒன்று தெரிவித்துள்ளது.

அதில் மேலும் தெரிவிக்கப்பட்டுள்ளதாவது:

சிறீலங்காவில் கடந்த வாரம் நடைபெற்ற நாடாளுமன்ற அமர்வில் அதிகம் பேசப்பட்ட விடயம் ஓய்வுபெற்ற ஜெனரல் சரத் பொன்சேகா தொடர்பானது. பொன்சேகாவை நாடாளுமன்றத்திற்கு செல்லவிடாமல் தடுக்கும் சட்டங்கள் ஏதும் உண்டா என அரசு இரவு பகலாக ஆராய்ந்திருந்தது. ஆனால் அவ்வாறான சட்டங்களை காணமுடியாததால் இறுதியில் பொன்சேகா நாடாளுமன்றம் செல்லலாம் என தெரிவித்திருந்தது.

அவர் கடற்படை தலமையகத்தில் இருந்து இராணுவ பாதுகாப்புடன் அழைத்து வரப்பட்டிருந்தார். பழைய ஒரு பஜுரோ வாகனத்தில் பொன்சேகா நாடாளுமன்றம் வந்தபோது இருக்கையின் நடுப்பகுதியில் பொன்சேகா அமர்ந்திருந்தார். அவருக்கு அருகில் இரு பாதுகாவலர்கள் இருபுறமும் அமர்ந்திருந்தனர்.

அப்போது, நீங்கள் ஏன் எனக்கு இருபுறமும் இருக்கிறீர்கள் என பொன்சேகா பாதுகாவலர்களிடம் கேள்வி எழுப்பியிருந்தார். அதற்கு உங்கள் மீது துப்பாக்கி குண்டுகள் பாய்ந்துவிடாது தடுப்பதற்கே நாம் அருகில் இருக்கிறோம் என அவர்கள் தெரிவித்திருந்தனர்.

அவ்வாறு எனில் எனக்கு குண்டு துளைக்காத வாகனம் ஒன்றை வழங்க சொல்லுங்கள் என பொன்சேகா அவர்களிடம் தெரிவித்திருந்தார். அதன்பின்னர் அவர் காரில் அனுராகுமார திஸாநாயக்காவுடன் நாடாளுமன்றத்திற்கு வந்திருந்தார்.

நாடாளுமன்றத்திற்கு வந்த பொன்சேகா மங்களா சமரவீராவை கட்டியணைத்து தனது அன்பை வெளிப்படுத்தியதுடன், ரணில் விக்கிரமசிங்காவுக்கு அருகில் அமர்ந்து தனது உரையாடலை ஆரம்பித்திருந்தார்.

நாடாளுமன்ற நிகழ்வுகளை சிறீலங்கா அரச தலைவர் மகிந்தா ராஜபக்சா மங்கலான வெளிச்சமுடைய ஒரு அறையில் அமர்ந்து உன்னிப்பாக அவதானித்துக் கொண்டிருந்தார். அதனால் நாடாளுமன்றத்தை சுற்றி பலத்த காவல் போடப்பட்டிருந்தது.

அதேசமயம் மங்களா சமரவீராவை இடைமறித்த அரச தலைவர் பாதுகாப்பு படையினர் அவரை தீவிரமாக சோதனையிட்டதுடன், அவரின் கறுப்பு நிற நாட்குறிப்பையும் வாங்கி பக்கம் பக்கமாக ஆராய்ந்திருந்தனர்.

அதன் பின்னர் நடைபாதையில் மங்களா சமரவீரவை சந்தித்த பசில் ராஜபக்சா, நீங்கள் மாத்தறை பகுதியில் பெரும் வெற்றி பெற்று இருக்கிறீர்கள், உங்களால் எவ்வாறு அதனை பெறமுடிந்தது? என புன்முறுவலுடன் தெரிவித்திருந்தார் என அதில் தெரிவிக்கப்பட்டுள்ளது.

http://www.puthinamnews.com/?p=9140#more-9140

மறைந்திருந்து பார்ப்பதற்கு அவர் என்ன பெண்ணா

பொன்சேகாவுக்கு தன்னுடைய ஆட்களில் எத்தனை பேர் கை கொடுக்கின்றார்கள் என அறிவதற்காக இந்த வேலையோ?

வாத்தியார்

.............

மறைந்து இருந்து பார்த்தன் மர்மம் என்ன?

காதலாகத்தான் இருக்கும்...... அதுதான் சிலவேளைகளில் ஊடலோ?