"2ஜி' ஸ்பெக்ட்ரம் வழக்கில் கைதாகி, டில்லி திகார் சிறையில் உள்ள தன் மகள் கனிமொழியை நேற்று சந்தித்த தி.மு.க., தலைவர் கருணாநிதி, "அப்செட்' ஆனார்.

டில்லியில் இருந்த போதும், நேற்று மாலை நடந்த, ஐ.மு., கூட்டணி கட்சித் தலைவர்களின் கூட்டத்தில் பங்கேற்காமல் புறக்கணித்தார். கனிமொழி, கடைசி முயற்சியாக சுப்ரீம் கோர்ட்டில் தாக்கல் செய்த ஜாமின் மனுவும், நேற்று முன்தினம் நிராகரிக்கப்பட்டது. சிறப்பு கோர்ட்டில் குற்றச்சாட்டு பதிவான பிறகே, மீண்டும் ஜாமின் மனு தாக்கல் செய்ய முடியும் என்பதால், அவர், மேலும், 45 நாட்களுக்கு சிறையில் இருக்க வேண்டிய நிலை ஏற்பட்டுள்ளது.

தி.மு.க., தலைவரான கருணாநிதி, தன் மகளை நேரில் சந்தித்து ஆறுதல் தெரிவிக்க முடிவு செய்தார். நேற்று காலை, சென்னையிலிருந்து, விமானம் மூலம் டில்லி வந்தார். நேற்று மாலை, 4.50 மணிக்கு திகார் சிறைக்கு வந்தார். முதலில் கனிமொழியுடன், கருணாநிதி மற்றும் ராஜாத்தி மட்டும் கொண்ட சந்திப்பு நடைபெற்றது.

இச்சந்திப்பின் போது, கனிமொழியை கண்டதும், கருணாநிதி மிகுந்த உணர்ச்சிவசப்பட்டதாக கூறப்படுகிறது. தன் கறுப்புக் கண்ணாடியை கருணாநிதி கழற்றினார். அப்போது, அவரது கண்களில் இருந்து தாரை தாரையாக கண்ணீர் பெருக்கெடுத்ததைக் காண முடிந்ததாக, தகவல்கள் தெரிவிக்கின்றன.

கனிமொழியைப் பார்த்து கருணாநிதி கண்ணீர்

கனிமொழிக்கு கண்ணீர் மல்க ஆறுதல் கூறிய கருணாநிதி, அடுத்ததாக முன்னாள் அமைச்சர் ராஜா மற்றும் கலைஞர், "டிவி' நிர்வாகி சரத்குமார் ரெட்டியையும் சந்தித்தார். அவர்களுக்கும், ஆறுதல் வார்த்தைகளை கூறினார். இச்சந்திப்புக்கு பின், திகார் சிறையில் இருந்து, ஓட்டலுக்கு சென்ற கருணாநிதி, மிகுந்த வருத்தத்துடன் காணப்பட்டார்.

திகார் சிறைக்கு செல்லும் முன், மாலை வரை ஓட்டலில் ஓய்வு எடுத்த கருணாநிதியை, காங்கிரஸ் தலைவர்கள் யாரும் சந்திக்கவில்லை. கனிமொழியை சந்தித்து விட்டு வந்த பிறகும், யாரும் அவரை சந்திக்க வரவில்லை. லோக்பால் மசோதா குறித்து மத்திய அரசுக்கும் அன்னா ஹசாரே தரப்புக்கும் நடைபெற்ற கடைசிக்கட்ட பேச்சுவார்த்தை நேற்று தோல்வியடைந்தது.

தொடர்ந்து, ஐ.மு., கூட்டணியின் ஆலோசனை கூட்டம் நேற்று மாலை நடைபெற்றது. தி.மு.க., தலைவர் கருணாநிதி, டில்லியில் இருந்த சூழ்நிலையில் அவர் இக்கூட்டத்திற்கு போவாரா என்ற கேள்வி நேற்று மாலை முழுவதும் பரபரத்தது. ஆனால், கருணாநிதி அந்த கூட்டத்திற்கு செல்லாமல் புறக்கணித்துவிட்டார். வழக்கம் போல், தி.மு.க., சார்பில் டி.ஆர்.பாலு எம்.பி., அனுப்பி வைக்கப்பட்டார். கனிமொழியை காப்பாற்ற, காங்கிரஸ் தரப்பில் எந்த முயற்சியும் எடுக்காததால், கருணாநிதி மிகவும், "அப்செட்' ஆனார் என, தி.மு.க., வட்டாரங்கள் தெரிவித்தன. அந்த கோபத்தில் தான் ஐ.மு., கூட்டத்தில் கலந்து கொள்ளாமல் புறக்கணித்தார்.

நன்றி தினமலர்.

மேலும் செய்திகளுக்கு....

http://www.thedipaar.com/news/news.php?id=29915

அந்தக் கண்ணகியின் கண்ணீர் மதுரையை எரித்தது, உடன் பிறப்பே!

இந்தக் கருணாநிதியின் கண்ணீரோ கறுத்தக் கண்ணாடியைக் கூடக் கழுவும்!

சிந்திக்க வேண்டும் நீ!

அந்தக் கண்ணகி எங்கே?

இந்தக் கருணாநிதி எங்கே என்று!!!

போனமுறை, இராசாத்தி கண்ணீர் விட்டார்.

இந்த முறை, கருணாநிதி கண்ணீர் விட்டார்.

ஹ்ம்ம்.... எப்படியிருந்த குடும்பம், அழுகுணி குடும்மாயிட்டுது.

போனமுறை, இராசாத்தி கண்ணீர் விட்டார்.

இந்த முறை, கருணாநிதி கண்ணீர் விட்டார்.

ஹ்ம்ம்.... எப்படியிருந்த குடும்பம், அழுகுணி குடும்மாயிட்டுது.

மெகாசீரியல்களாகப் போட்டு தாய்க்குலங்களை அழவிட்டவர்களுக்கே சீரியல் போட்டுக் காட்டிட்டாங்களே..!

அலையென தமிழர் கை நீட்டி அவலக்குரல் எழுப்பி காப்பாற்று என ஓலமி;ட்டபோது காணாதிருந்து. அவலத்தின் முடிவில் இனவழிப்பின் பின்பு..... எமது நெஞசமெல்லாம் இனம்புரியாத வெறமை படர்ந்து... எமை இப்போதும் வாட்டிடும் துயரிலும்பார்க்க உனது துயர் பெரிதோ! இன்னமும் தொடர் துயர் உனைச்சூழ என எப்போதே ஈழத்தமிழ் மகள் உனக்கு சாபம் கொடுத்திட்டாள் இது எதுவரையெனில் உன் ஏழேழு சந்ததிவரைகும்........ தொடரும்

மெகாசீரியல்களாகப் போட்டு தாய்க்குலங்களை அழவிட்டவர்களுக்கே சீரியல் போட்டுக் காட்டிட்டாங்களே..!

கருணாநிதிக்கே.... சீரியல் போட்டுக் காட்டியது, இத்தாலி தாய்க்குலம் என்னும் போது.....

நெஞ்சை விம்மி, அழுகை வரப் பாக்குது.