இடுப்பு - தொடை எலும்புகள் சந்திக்கும் இடத்தில் உள்ள மூட்டுப் பகுதி போன்ற மூட்டுக்களில் நிகழும் தேய்மானம் அல்லது முறிவு காரணமாக உள்வாங்கப்படும் நோயாளிகளில் மேற்கொள்ளப்படும் உலோக- உலோக செயற்கை எலும்பு மூட்டு மாற்றீடு என்பது ஆபத்தான பக்க விளைவுகளை உண்டு பண்ணுவது பிரித்தானியாவில் பிரிஸ்டல் பல்கலைக்கழக ஆய்வு ஒன்றில் இருந்து கண்டறியப்பட்டுள்ளது.

நவீன மருத்துவத்தில் இவ்வாறான செயற்கை மூட்டுக்களின் பயன்பாடு பல நோயாளிகள் சாதாரண வாழ்க்கைக்குத் திரும்ப உதவி உள்ள நிலையிலும்.. நீண்ட கால நோக்கில்.. இந்த உலோகங்களில் ஏற்படும் தேய்மானம் காரணமாக உருவாகும் நுண் உலோகத் துகள்கள் தசை.. எலும்பு.. மற்றும் நரம்புப் பாதிப்புக்களுக்கு இட்டுச் செல்வது கண்டறியப்பட்டுள்ளது.

உலோக - உலோக மூட்டுக்களே அதிக தோல்வியை சந்தித்துள்ளன. இதைவிட உலோக- பிளாஸ்ரிக் மூட்டுக்களும்.. செரமிக் - செரமிக் மூட்டுக்களும் பாவனையில் உள்ளன. அவற்றின் தோல்வி வீதம் ஒப்பீட்டளவில் குறைவாகும்.

அதுமட்டுமன்றி பெண்களே ஆண்களை விட இந்த மூட்டு மாற்றீட்டில் அதிக தோல்வியை சந்திக்கும் ஆபத்தைக் கொண்டிருக்கிறனர். இந்த ஆய்வில் ஆண்களும் பெண்களுமாக 402,051 நோயாளிகளின் தரவுகள் பயன்படுத்தப்பட்டுள்ளன.

இதனிடையே இந்தப் பிரச்சனைக்கு நிரந்தரத் தீர்வு காணும் வரை.. மூட்டு மாற்றீட்டு சத்திரசிகிச்சை செய்து கொண்டவர்கள் மற்றும் எதிர்காலத்தில்...செய்து கொள்பவர்கள் எவராயிலும் கிரமமான மருத்துவப் பரிசோதனைகளுக்கு உட்படுத்தப்படுவது அவசியம் என்று பரிந்துரைக்கப்பட்டுள்ளது.

ஏலவே சிலிக்கன் மார்பகங்களை மார்பக எடுப்புக்காக பெண்கள் பொருத்திக் கொள்ளும் நிலையில் அவர்களிலும் ஆபத்தான பக்க விளைவுகள் கண்டறியப்பட்டு அவற்றைப் பொருத்திக் கொள்வதில் இருந்து கட்டாய விலக்களிப்பு பரிந்துரைக்கப்பட்டுள்ள நிலையில்.. இந்த ஆய்வு முடிவு நவீன மருத்துவத்திற்கு சவாலாக வந்துள்ளது.

http://kuruvikal.blogspot.com/

Edited March 16, 201213 yr by nedukkalapoovan

தகவலுக்கு நன்றி.

மூட்டு தேய்மானம் இங்கு பல வயோதிபர்களுக்கு இருப்பதை காணக்கூடியதாக இருக்கின்றது.

நமது ஊரில் இதனைக் கேள்விப்படவே இல்லை. உணவுப் பழக்கங்கள், சூரிய ஒளி உடம்பில் குறைவாக படுவதால்... இது ஏற்படுகின்றது என்று நினைக்கின்றேன். மூட்டுத் தேய்மானம் உள்ளவர்களுக்கு, உலோக மூட்டுக்களே... பெரிதும் உதவியாக இருந்தது. அதுக்கும் ஆபத்தா?

தகவலுக்கு நன்றி நெடுக்ஸ்.

உலோக மூட்டுக்களின் பக்க விளைவு!

:D

உலோக மூட்டுக்களின் பக்க விளைவு!

இந்தக் காணொளி.. ஒரு விளம்பரமாக இருப்பினும்.. ஒரு ஆராய்ச்சிக்குரிய செய்தியையே கொண்டு நிற்கிறது. நம்மவர்களின் விளம்பரங்கள்.. "சூரியா" ஜுவலரிஸ்.. "நிரூ".. கறிப் பவுடர்.. "சென்னை" தோசா.. என்று.. உடல் நலனிற்கும்.. பொருளாதார நலனிற்கும் விரோதமாவே அடிக்கடி அமைஞ்சிருக்கும்..!

பகிர்விற்கு நன்றி புங்கையூரன்.

மூட்டு தேய்மானம் இங்கு பல வயோதிபர்களுக்கு இருப்பதை காணக்கூடியதாக இருக்கின்றது.

நமது ஊரில் இதனைக் கேள்விப்படவே இல்லை. உணவுப் பழக்கங்கள், சூரிய ஒளி உடம்பில் குறைவாக படுவதால்... இது ஏற்படுகின்றது என்று நினைக்கின்றேன். மூட்டுத் தேய்மானம் உள்ளவர்களுக்கு, உலோக மூட்டுக்களே... பெரிதும் உதவியாக இருந்தது. அதுக்கும் ஆபத்தா?

தகவலுக்கு நன்றி நெடுக்ஸ்.

இள வயதில் போதிய உடற்பயிற்சி இன்மை.. சோம்பேறித்தனம்.. உணவு வழக்கம்.. பிறப்புரிமை.. காலநிலை.. மன அழுத்தம் இவை எல்லாம் சேர்ந்து தான்.. நீண்ட மூட்டு வலி உருவாகி.. (arthritis) அது பின்னர் உள்ளூர் கை மருந்தோடு.. கவனிக்காது விடப்பட்ட நிலையில்.. தேய்மானம் நோக்கி தீவிரமாகிறது.

குறிப்பாகVit D மற்றும் கல்சியம்.. சார்ந்த.. மற்றும் தைரொக்சின் (thyroxine) பிரச்சனை எம்மவர்களில் வயதான காலங்களில் அதிகம். இதற்கு பிறப்புரிமைகளும் ஒரு காரணம்.. உணவு வழக்கமும் காரணம். ஒரு 30 வயதில் இருந்தே (அதற்காக அதற்கு முதல் ஏதோ கல்சியம் அவசியம் இல்லை என்று நினைக்கப்படாது. அப்பவும் அது அவசியம் தான். பெரும்பாலும் அதை அவர்கள் உள்ளெடுப்பார்கள் என்பதால் குறிப்பிடுவதில்லையே தவிர..) நல்ல கல்சியம் மற்றும் Vit D (காலைச் சூரிய ஒளி இதன் தொகுப்பில் பங்கெடுக்கிறது..!) உள்ள உணவுகளை உண்டு வந்தால்.. இந்தப் பிரச்சனையை தவிர்க்கலாம். அதேபோல் அயடீன் தைரொயிட் சுரப்பியின் சீரான சுரப்பிற்கு அவசியம். நம்மவர்கள் வெறும் உப்பை அள்ளிப் போட்டு குருதி அழுத்ததை அதிகரிக்கின்றனரே தவிர.. அதில் போதிய அயடீன் உள்ளதா என்று கவனிப்பதில்லை..!

குறித்த வயதை அடையும் போது எமது உடலுக்கு தேவையான அளவு கல்சியம் உள்ளெடுக்கப்படவில்லை என்றால் அதை உடல் எலும்பு.. மற்றும் பற்களில் இருந்து எடுத்துக் கொள்ளும்..! இதனாலேயே பற்களும் எலும்புகளும் பலவீனமாகி விரைந்து தேய்மானம் அடைகின்றன.

வருமுன் காப்பதே.. நோயற்ற வாழ்விற்கு சிறந்தது..!

Edited March 16, 201213 yr by nedukkalapoovan