வணக்கம், ஆறு கனேடிய தமிழ் இளைஞர்கள் டொரண்டோவில் இருந்து மிகநீண்டதூர நடைபயணமாக Oprah அம்மையாரின் நிகழ்ச்சியில் கலந்துகொள்ள சந்தர்ப்பம் கேட்டு அமெரிக்கா சென்றவிடயம் நீங்கள் யாவரும் அறிந்ததே. மேற்குறிப்பிட்ட இளைஞர்களின் நடைபயணம் நேற்று சிக்காகோவில் உள்ள Oprah அம்மையாரின் கலையகத்தை சென்று அடைந்தது.

சிக்காகோ வாழ் தமிழர்கள், மற்றும் கனேடிய தமிழர்கள் இறுதி நடைபயணத்தில் இளைஞர்களுடன் இணைந்துகொண்டார்கள். அமைதியான முறையில் சென்ற பேரணி Oprah அம்மையாரின் கலையகத்தை அண்மித்தபோது கோசங்கள் வானைப்பிழந்தது. சுமார் பதினைந்து நிமிடங்கள் கலையகம் முன்பாக நின்று Oprah Give us a Voice Oprah Give us a Voice Oprah Give us a Voice என்று அனைவரும் கோசம் எழுப்பினார்கள். இதன்பின்னர் சுமார் அரைமணித்தியாலங்கள் Oprah Give us a Voice என கோசம் எழுப்பியபடி கலையத்தை பல தடவைகள் சுற்றி வந்தார்கள். இறுதியில் மீண்டும் சுமார் பத்து நிமிடங்கள் கலையகம் முன்பாக நின்று கோசம் எழுப்பியபின்னர் கவனயீர்ப்பு பதாகைகளுடன் நடைபேரணி அது ஆரம்பித்த city hallஐ சென்று அடைந்து நிறைவுபெற்றது. காவல்துறையினர் பேரணி சரியான முறையில் நடைபெறுவதற்கு மிகுந்த உதவிகளை செய்து இருந்தார்கள்.

நேற்று வெள்ளிக்கிழமை Oprah அம்மையாரின் நேரடி நிகழ்ச்சி ஒன்று நடந்துகொண்டு இருந்தமையால் அவர் கலையகத்தில் இளைஞர்களை வரவேற்கவரவில்லை. ஆனால்.. அம்மையாரின் நிகழ்ச்சிக்கு பொறுப்பானவர்கள் நிகழ்ச்சியில் கலந்துகொள்ள வாய்ப்புகொடுப்பது பற்றி கதைப்பதற்கு இளைஞர்களுடன் தொடர்புகொள்வதாக தெரிவித்து இருக்கின்றார்கள்.

இளைஞர்களில் ஒருவரான ரமணன் தமது நடைபயணம்பற்றி கருத்து கூறியபோது... தாம் தமது நோக்கத்தில் வெற்றிபெறும்வரை கனடாவிற்கு திரும்பி வரப்போவதில்லை என்று உறுதியுடன் கூறினார். இதற்காக கிழமைகள், மாதங்கள், வருடங்கள் அங்கு தொடர்ந்து காத்து நிற்பதற்கும் தாங்கள் தயாராகவே இருப்பதாக கூறினார். தவிர, தமது நோக்கம் அம்மையாரின் நிகழ்ச்சியில் கலந்துகொள்வது மட்டுமல்ல எனவும்... அமெரிக்காவில் உள்ள முக்கிய பிரமுகர்கள், மற்றும் முக்கிய ஊடகங்களை சந்தித்து எமது பிரச்சனைகளை வெளியில்கொண்டு சென்று தாயக மக்களிற்கு உதவிபுரிய உள்ளதாக கூறினார். ஒவ்வொரு படிமுறைகளாகவே பிரச்சனைகள் கொண்டுசெல்லப்பட முடியும் எனவும் தமது முதலாவது படிமுறையின் நோக்கம் தாயகத்தில் அல்லல்படுகின்ற மக்களின் அவலத்தை உடனடியாக நிறுத்துவது ஆகும் எனவும் தெரிவித்தார்.

இளைஞர்களில் இன்னொருவரான விஜய் தமக்கு உலகெங்கும் வாழும் தமிழ்மக்கள் தரும் ஆதரவுகளிற்கு மிகுந்த நன்றிகளை தெரிவித்ததோடு.. மக்களின் தொடர்ச்சியான ஆதரவு தமக்கு தேவை எனவும் கூறினார். அனைத்து இளைஞர்களும் மீண்டும் மீண்டும் தமது போராட்டத்திற்கு மக்கள் தருகின்ற ஆதரவிற்காக தமது நன்றிகளைத் தெரிவித்துகொண்டார்கள். மிகநீண்ட நடைபயணம் செய்து இருந்தபோதிலும் அனைத்து இளைஞர்களும் மிகவும் உற்சாகமாக காணப்பட்டார்கள். அவர்களது முகத்தில் சோர்வைக் காணவில்லை. போராடி வெற்றிபெறவேண்டும் என்ற மனஉறுதியைமட்டுமே காணக்கூடியதாக இருந்தது.

இளைஞர்களுடன் உரையாடி அவர்கள் தனிப்பட்ட வாழ்க்கைபற்றி கேட்டுஅறிந்தபோது, தாயக மக்களிற்காக, எமக்காக - தமிழ் மக்களிற்காக அவர்கள் தமது தனிப்பட்ட வாழ்வில் கடந்த சில மாதங்களில் எவ்வளவு தியாகங்களை செய்து இருக்கின்றார்கள், துன்பங்களை, பிரச்சனைகளை எதிர்கொண்டு இருக்கின்றார்கள் என அறியமுடிந்தது. மேற்குறிப்பிட்ட இளைஞரின் பெற்றோருடன் உரையாடியபோது அவர்கள் தமது பிள்ளைகளின் சேவைகளிற்கு தமது பரிபூரண ஆதரவை தெரிவித்து இருந்தார்கள்.

இளைஞர்களின் தளராத முயற்சிகள் வெற்றிபெற, தாயகத்திற்கான அவர்களது சேவைகள் தொடர இதயபூர்வமான வாழ்த்துகள்!

Edited April 25, 200916 yr by கலைஞன்

பனி ,வெய்யில் ,மழை என்று பாராது கடந்த ஒரு மாதத்திற்கும் மேலாக நடைப்பயணம் மேற்கொண்ட இளைஞர்களின் முயற்சி வெற்றி பெற வேண்டும் .

மிக நீண்ட பயணத்தை கால்நடையாக மேற் கொண்ட சகோதரர்களுக்கு பாராட்டுக்கள். உங்கள் முயற்சி வெற்றி பெற வாழ்த்துக்கள்.

இந்த ஆறு இளைஞர் களின் மன உறுதிக்கும் கொள்கைக்கும் பாராடுக்கள். வெற்றியுடன் திரும்புவார்கள். எமது வாக்களிப்புகள் கேட்கப்படும் வாழ்த்துக்கள். வெற்றியுடன் திரும்புங்கள் வீரர்களே ...

பாராட்டுக்கள் நண்பர்களே உங்கள் மனவுறுதி வியக்கவைக்கிறது

முயற்ச்சி திருவினையாக்கும்! பாராட்டுக்கள் நண்பர்களே.