இலங்கையின் பிரபல கலைஞரான ”உபாலி” செல்வசேகரன் அவர்கள் தனது 64 வது வயதில் கொழும்பில் மாரடைப்பால் காலமானார்.

 

 

இலங்கையில் திரைவானில் எழுபதுகளில் பிரபலமாகப் பேசப்பட்ட கோமாளிகள் என்னும் ஒருமைப்பாட்டை விளக்கும் வகையில் எடுக்கப்பட்ட திரைப்ப்படத்தில் சிங்கள பாணியில் தமிழ் பேசும் ”உபாலி” என்ற பாத்திரத்தில் நடித்து, பிரபலமாகி, பலராலும் மெச்சப்பட்டவர் செல்வசேகரன்.
‘உபாலி என்ற பாத்திரத்தின் மூலம் ஜனரஞ்சக கலைஞனாக அனைவராலும் அறியப்பட்ட செல்வசேகரன் உண்மையில் ஒரு பல்துறைக் கலைஞர்.’

 

வானொலி, மேடை, தொலைக்காட்சி முதல் திரைப்படம் வரை இலங்கையின் அனைத்து ஊடகங்களிலும், இலங்கையின் இரு மொழிகளிலும் முத்திரை பதித்த செல்வசேகரன், தினகரன் நாளிதழின் சிறந்த நடிகருக்கான விருது மற்றும் சரசவிய விருது போன்ற பெருமைக்குரிய விருதுகளைப் பெற்றவர் என்று நினைவு கூர்கிறார் அவரது சக கலைஞரும், நெருங்கிய நண்பருமான பிரபல அறிவிப்பாளர் பி எச் அப்துல் ஹமீத்.

 

நூற்றுக்கணக்கான வானொலி நாடகங்களில் நடித்த இவர் இலங்கையில் ஏறாத மேடையில்லை என்றும் ஹமீத் கூறுகிறார்.

 

தமிழ், சிங்கள திரைப்படங்களில் நடித்ததன் மூலம் இரு மொழி ரசிகர்களையும் இவர் வெகுவாக கவர்ந்திருந்தார்.

 

தனது இறுதிக் காலத்தில் புலம்பெயர் தமிழர்கள் வாழும் நாடுகளில் பல மேடைகளில் ஏறி அனைவருக்கும் இவர் நகைச்சுவை விருந்து வழங்கியிருக்கிறார்.

 

 

புலம் பெயர் தமிழர் வாழும் நாடுகளெல்லாம் சென்று முத்திரை பதித்துள்ளார், சிங்களத் திரைப்படத்தில் நடித்து சிறீலங்கா அரசின் அதி உயர் விருதையும் பெற்றுள்ளார்.

 

 

இவருடைய திறமை நாடகத் துறைக்கு மட்டுமல்ல தமிழ் மொழியின் சிங்களப்பாஷையூடான வளர்ச்சிக்கு நல்லதோர் பதிவாக இருந்துள்ளது.

 

http://www.alaikal.com/news/?p=119756

 

இவரின் பெயரை பிறர் சொல்லக் கேட்டிருக்கிறேன்.

 

ஆழ்ந்த இரங்கல்கள்..!

தனது சக கலைஞர்களுடன் செல்வசேகரன்

 

 

உபாலி செல்வசேகரன் குறித்து அப்துல் ஹமீத்

 

http://www.bbc.co.uk/tamil/multimedia/2012/12/121229_hameedonupali.shtml

உபாலி செல்வசேகரன், சிங்களப் பாசையிலும்...
முன்னாள் இலங்கை வானொலி அறிவிப்பாளரும், தற்போதைய... தமிழக அறிவிப்பாளர் நட்சத்திரமாக விளங்கும்... பி.எச். அப்துல் ஹாமீட் பிராமணராக... ஐயர் ஆத்துப் பாசையிலும், அப்புக்குட்டி என்னும் பெயரில்... யாழ்ப்பாணத் தமிழ் பேசிய ராஜகோபாலையும்... இலங்கை வானொலி ரசிகர்கள்... என்றுமே.. மறக்க மாட்டார்கள். எனக்கு... கொஞ்சம் வானோலி ஈடுபாட்டை ஏற்படுத்தியவர்கள். இந்தப் புண்ணியவான்கள்.
அவர்களின்... நகைச்சுவையை.. கேட்டு ரசித்தவர்கள்... பலர் இவ்வுலகில், இல்லாதிருந்தாலும்... அவர்களை, என்றும் மறக்க முடியாது.
மறைந்த... உபாலிக்கு, கண்ணீர் வணக்கங்கள்.

மேடை நாடகம், வானொலி, தொலைக்காட்சி, தமிழ் சிங்கள திரைப்படங்கள் ஆகியவற்றில் நடித்து புகழ்பெற்ற நடிகர் உபாலி செல்வசேகரன் நேற்று காலமானார்.

 

இவருக்கு வயது 64. அன்னாரது பூதவுடல் பொரளை லங்கா மலர்ச்சாலையில் கலைஞர்கனிதும் பொது மக்களினதும் அஞ்சலிக்காக வைக்கப்பட் டுள்ளது. இவரது பூதவுடல் நாளை ஞாயிற்றுக்கிழமை பிற்பகல் 4.00 மணிக்கு பொரளை மயானத்தில் நல்லடக்கம் செய்யப்படும்.

கொழும்பு சென். பெனடிக் கல்லூரியில் கல்வி பயின்ற இவர் வானொலியில் ஒலிபரப்பான “கோமாளிகள்” நாடகத் தொடரில் சிங்கள மொழியில் பேசி நடித்து புகழ்பெற்றதையடுத்து உபாலி செல்வசேகரன் என அழைக்கப்பட்டார்.

 

கே. எம். வாசகரின் சுமதி, எஸ். ராமதாஸின் காதல் ஜாக்கிரதை, கலாட்டா காதல் போன்ற மேடை நாடகங்களில் நடித்த இவர், கோமாளிகள், ஏமாளிகள், நாடு போற்ற வாழ்க போன்ற திரைப் படங்களில் நடித்தார்.

நடிகர் வி. பி. கணேசனுக்கு புதிய காற்று, நான் உங்கள் தோழன், நாடு போற்ற வாழ்க போன்ற படங்களில் பின்னணி குரல் கொடுத்தவர் இவரே. இதனால் இவர் நாடு போற்ற வாழ்க படத்தில் நடித்த போது இவருக்கு எஸ். என். தனரத்தினம் குரல் கொடுக்க நேர்ந்தது.

 

புஞ்சி சுரங்கனாவ, மச்சான், மாபா, சூரியஹரன போன்ற சிங்களத்திரைப் படங்களில் நடித்த இவருக்கு, புஞ்சி சுரங்கனாவ சிங்களத் திரைப்படத்தில் நடித்தற்கு சிறந்த துணை நடிகருக்கான விருது வழங்கப்பட்டது.

இலங்கை வானொலியின் வர்த்தக சேவையில் எஸ். ராமதாஸின் கோமாளிகள் கும்மாளம் தொடரிலும், எஸ்.எஸ். கணேச பிள்ளையின் இரைதேடும் பறவைகள் தொடரிலும் கே.எஸ். பாலச்சந்திரனின் கிராமத்து கனவுகள் தொடரிலும் முக்கிய பாத்திரங்களில் நடித்தவர். இவர் ரூபவாஹினியில் எதிர்பாராதது என்ற நாடகத்திலும் நடித் தவர் என்பது குறிப்பிடத்தது.

 

http://www.thinakaran.lk/2012/12/29/?fn=n1212296

ஆழ்ந்த இரங்கல்கள்!

"புளுகர் பொன்னையா" என்னும்... இவர்கள் நடத்திய நாடகம், யாழ்ப்பாண விரசிங்கம் மண்டபத்தில்.... பலமுறை மக்கள் நிரம்பி வழியும் படியாக.. நடந்தது. இவர்களுடன்... சில்லையூர் செல்வராஜனும், கமலினி செல்வராஜனும்... மனதில் வந்து போகின்றார்கள்.
மக்கள் வங்கி அனுசரணையில், இலங்கை வானொலி நாடாத்திய ஒரு தொடர் நாடகத்தில்.. தான், இவர்கள் புகழ்பெற்றார்கள் என நம்புகின்றேன்.

ஆழ்ந்த இரங்கல்கள்.

 

புலம் பெயர் தமிழர் வாழும் நாடுகளெல்லாம் சென்று முத்திரை பதித்துள்ளார், சிங்களத் திரைப்படத்தில் நடித்து சிறீலங்கா அரசின் அதி உயர் விருதையும் பெற்றுள்ளார்.

 

 

இவருடைய திறமை நாடகத் துறைக்கு மட்டுமல்ல தமிழ் மொழியின் சிங்களப்பாஷையூடான வளர்ச்சிக்கு நல்லதோர் பதிவாக இருந்துள்ளது.

 

http://www.alaikal.com/news/?p=119756

 

 

 

எல்லாம்... சரி, அலைகள் இணையம், மேல் உள்ள தடித்த நீல‌ எழுத்தில் சுட்டிக் காட்டியுள்ளதை எப்படி, தீர்மானித்தது. ஏதாவது... ஆராய்ச்சி மையம் வத்திருக்கிறார்களா? என்று... அறிய, ஆவலாக உள்ளது.

ஆழ்ந்த இரங்கல்கள்.

ஆழ்ந்த இரங்கல்கள்...

ஆழ்ந்த இரங்கல்கள்.