கடந்துவிட முடிந்தாலும் 

தொடர்கின்றன 

ஒருபகல் நிலவைப்போல

இறந்துபோன நேசிப்புகளும் காயங்களும்,

 

சப்தங்களை பிரிந்த 

சங்குகளாய் வெதும்புகின்றன

இன்றைய பொழுதுகளில் - இந்த 

இதயத்தின் துடிப்புக்கள்..

 

விழிகரைந்துருகி 

விடை கொடுத்தும்,

கரைந்துமழிந்திடாத 

நதிக்கரை படுக்கைகளாய்

உள்நிறைந்து போகிறது நேசிப்புக்கள். 

 

நல்ல நிலக்காலங்களிலும்,

சில அதிகாலைகளிலும்,

தேவதைகள் இறங்கிஅலங்கரிக்கின்றனர் 

நேசிப்பு மீதான கனவுகளை,

 

நேசிப்பின் கொடிமரங்களில்

அலங்கரிக்கப்பட்ட கனவுகள் 

அறைந்துகொள்கின்றன தங்களை, 

நிதர்சனங்களின்

வலிகளை சுமந்து மௌனமாக,

 

இந்த 

மௌனங்கள் திரண்டொரு பெரும் 

ஒலிக்குறிப்பாய் எழும்!

அது ஒரு, 

நேசிப்புக்கான  மரணத்தை  

உங்கள் முகங்களில் அறையும். 

 

சப்தங்களை பிரிந்த 

சங்குகளாய் வெதும்புகின்றன

இன்றைய பொழுதுகளில் - இந்த 

இதயத்தின் துடிப்புக்கள்..

 

 

 

கவிதைக்கு நன்றிகள், நேற்கொழுதாசன்!

கவிதை நன்றாக இருக்கிறதுதான் இருந்தாலும் எதோ குறைகிறது.

விழிகரைந்துருகி 

விடை கொடுத்தும்,

கரைந்துமழிந்திடாத 

நதிக்கரை படுக்கைகளாய்

உள்நிறைந்து போகிறது நேசிப்புக்கள்.

 

நேசிப்புகளும் எதிர்பார்ப்பு என்ற அரசியில் சுழலில் சிக்கினால் மிஞ்சுவது வெறுமையே என்பதை அழகாகக் கொழுவி இருக்கின்றீர்கள் கொழுவன் . உங்கள் கவிதைக்குப் பாராட்டுங்கள் . நீங்கள் பட்டிமன்றத்தில் கலந்து கொள்ளாத்து எனக்கு குறையே கொழுவா .......

கவிதை வலிகளைச் சொன்னாலும்,  

                                                                            வார்த்தைகளும் அதைக்கோர்த்து அளித்த விதமும் 

                                                                           அருமை 

 

 

 

கவிதைக்கு நன்றிகள், நேற்கொழுதாசன்!

நன்றிகள் பல புங்கை அண்ணா. 

கவிதை நன்றாக இருக்கிறதுதான் இருந்தாலும் எதோ குறைகிறது.

நிச்சயமாக அம்மா, என்னாலும் உணர முடிந்தது, 

அந்த ஆழத்தினை வெறுமையினை எட்டவில்லை என, இனி வரும் பதிவுகளில் அதிக கவனம் எடுப்பேன். 

விழிகரைந்துருகி 

விடை கொடுத்தும்,

கரைந்துமழிந்திடாத 

நதிக்கரை படுக்கைகளாய்

உள்நிறைந்து போகிறது நேசிப்புக்கள்.

 

நேசிப்புகளும் எதிர்பார்ப்பு என்ற அரசியில் சுழலில் சிக்கினால் மிஞ்சுவது வெறுமையே என்பதை அழகாகக் கொழுவி இருக்கின்றீர்கள் கொழுவன் . உங்கள் கவிதைக்குப் பாராட்டுங்கள் . நீங்கள் பட்டிமன்றத்தில் கலந்து கொள்ளாத்து எனக்கு குறையே கொழுவா .......

நீங்கள் பட்டிமன்றத்தில் கலந்து கொள்ளாத்து எனக்கு குறையே கொழுவா .......////////என்னை மன்னிக்க வேண்டும் ஐயா, வேலை நேர பிரச்சனைகள்,மற்றும் சில பிரச்சனைகளால் தொடர்ந்தும் இயங்கமுடியவில்லை. இனி வரும் காலங்களில் கட்டாயம் இணைவேன். 

நன்றி ஐயா உங்களின் அன்புக்கும் அரவணைப்புக்கும் 

கவிதை வலிகளைச் சொன்னாலும்,  

                                                                            வார்த்தைகளும் அதைக்கோர்த்து அளித்த விதமும் 

                                                                           அருமை 

நன்றி உறவே ..... உங்களின் வரவுகளாலும்  கருத்துப்பகிர்வுகளாலும் என் இருத்தல் இன்னும் இன்னும் பூரணப்படுத்தப்படும், நன்றிகள் 

எப்போதும் போல அருமை ..

உங்களுடைய எழுத்துக்களில் பிடித்ததே வார்த்தைகளின் கோர்வைகளும், தேர்ந்தெடுத்த சொற்களுமே

கண்ணை மூடி ரசிக்கத் தோன்றும் கவிதைகளப்பா..

 

தொடர்ந்து எழுதுங்கள் அண்ணா.. வாழ்த்துக்கள்.

 

உங்கடை கவிதை நல்ல அழகா வலிய இருக்கு தொடர்து எழுதுங்கோ .