இக்குறும்படம், இவ்வளவு விவாதங்களையும் பார்ப்பவர்களிடையே உருவாக்கும்போதே, வெற்றிபெற்றதாக அர்த்தப்படுகின்றது. தொழில்நுட்பமும் ஒன்றும் குறைவில்லை.

 

வாழ்த்துக்கள்.

இந்தக் காணெளியின் கதைக்கும்,தலைப்பிற்கும் சம்மந்தமே இல்லை.முயற்சிக்கு பாராட்டுக்கள்.மேலும் முன்னேற வாழ்த்துக்கள்.ஒரு விண்ணப்பம் ஓவர் அக்டிங் மாதிரி எனக்குத் தெரியுது

மிக அருமையான நடிப்பு .

எம்மவர் முயற்சிக்கு வாழ்த்துக்கள் .

அண்மையில் "தீரமும் துயரும் சேர்ந்த திருநாடு நாடு" என்ற கவிதை மூலம் 25-30 ஆண்டுகளுக்கு முன்னர் தமிழ் மக்கள் பட்ட அவதியை சொல்ல முயன்றவன் நான் என்ற முறையில், இதில் சொல்லப்படும் செய்தியை கிரகிக்க முயல்கிறேன்.

 

Talent எனப்படும் திறமை ஒரு பக்கம்.  பல்கலைகழக மாணவர்கள். நிச்சயமாக ஒரு செய்தியை, அறிவிப்பைத்தான் சொல்ல வருகிறார்கள். புலம் பெயர் நாடுகளில் இருப்பவர்களுத்தான் இது அவசியம் தேவை.

 

வடக்கில் ஊடகங்கள் செய்யத்தக்கது ஆளுனராலும், படை த்தளபதியாலும் மட்டுப்படுத்தப்படுகிறது. உரிமை ஒன்று கிடையாத வரைக்கும் கூட்டமைப்பின் மாநகர, நகர சபைகள் வலி வடக்கில் மின் விளக்கு போடுவதை விளம்பரப்படுத்தும் நிலைக்கு தள்ளப்பட்டிருக்கின்றன.

 

 போரால், உழைக்கும் குடும்பத் தலைவர்கள் அழிக்கப்பட்டு, பிரதான அங்கத்தவர்கள் மனநோயாளிகளாக முடங்களாக ஆக்கப்பட்டு, பெண்கள் சித்திரவதை செய்யப்பட்டு அவர்களின் தன்நம்பிக்கையும் துணிச்சலும் அழிக்கப்பட்டு வெறும் உயிர்வாழும், உணர்வுகள் மரத்துப்போன கற்சிலைகளாக மாற்றபட்ட  நிலையில், உருவாக்கப்படும் தொழில்களை சிங்கள, சீன கம்பனிகள் திருடிக்கொள்ள, புலம்பெயர் உறவுகளின் உதவி கிடைப்போர் உணவுப் போட்டியில் முந்திக்கொள்ள,  கழித்துவிடப்பட்டவர்கள் நாடு முழுக்க ராக்கெட்டாக பாயும் விலைவாசியில் சிக்கித் தவிக்கிறார்கள். 

 

 

"கல்தோன்றி மண் தோன்றாக்காலத்துக்கு முன் தோன்றி, மனித குலத்திற்கு நாகரிகத்தை கொண்டுவந்த இனம், திருடி தின்று உயிரை கையில் பிடித்து வைத்திருக்கும்படி சிங்களப் புத்த தர்மத்தால் பணிக்கப்பட்டிருக்கிறது"

 

எனது கவிதையை திருத்தி தற்கால நியமங்கள் இணைத்து வடிக்கபட்ட புதிய கவிதை இது.

Edited June 10, 201312 yr by மல்லையூரான்

ஒரு விடயத்தை சொல்லியிருக்கின்றார்கள். இதில் நடிப்பையும் தலைப்பையும் எதிர்பார்க்கக்கூடாது. நன்றி நந்தன்.

குறைகளை எடுத்து சொல்வதே அவர்கள் இன்னும் சாதிக்க வைப்பதற்கான டொனிக் தான் அண்ணா

Edited June 10, 201312 yr by நந்தன்

அண்ணியின் சொந்த அண்ணா ஒருவர் கொழும்பில் வீடு வாங்கி மனைவி இரண்டு பிள்ளைகளுடன் இருக்கிறார் கொழும்பில் பிரபல பாடசாலையில் கணித ஆசிரியராக இருக்கிறார். குடும்பம் நடத்த போதிய வருமானம் இல்லை என்று மலேசியாவுக்கு போய் நான்கு மாதங்கள் கடையில் வேலை செய்திருக்கிறார் மாத வருமானம் 60,000 தான் வருகிறது என்று திரும்ப ஊருக்குப் போய் இப்ப எப்படியாவது தன்னை வெளிநாட்டுக்கு கூப்பிட சொல்லி அண்ணியிடமும், சகோதரர்களிடமும் கேட்டிருக்கிறார்.

யாழ் பல்கலைக்கழக விஞ்ஞான பீட பட்டதாரி ஆசிரியருக்கே இந்த நிலை எனும்பொழுது சாதாரண மக்களின் நிலையை சொல்லவும் வேண்டுமா?

 

நல்லதொரு பதிவு.. முக்கியமாக எம்முறவுகளின் முயற்சி பாராட்டப்பட வேண்டியதே...!!

நந்தன் அண்ணா,

காணொளிகளை ஒரே தலைப்புக்கு கீழ் இணைக்காமல் தனித்தனி தலைப்புக்களில் புதுத்திரி திறந்து இணைத்தால் அதிக பார்வையாளர்களைச் சென்றடையும், முடிந்தால் கவனத்தில் எடுங்கள். நன்றி...

சப்பாத்து கேட்கும் போது குடுக்க வழியில்லை
குடுத்த பின் போட முடியவில்லை..கொடுமை...

 

 

 

 

பி.கு.ஜீவா சொல்வது உண்மை தான் அந்த,அந்த படங்களின் தலைப்புக்களோடையே இணைத்துக்கொண்டால் நிறையப் பேர்  ஆவலோடு பார்ப்பார்கள்...

Edited June 10, 201312 yr by யாயினி

சப்பாத்து குறும்படம் இப்பொழுது தான் பார்த்தேன். முடிவு மிகவும் கவலையாகி விட்டது. இணைப்பிற்கு நன்றி நந்து அண்ணா.