மறைந்த மணிவண்ணன் உடல் சென்னை போரூரில் உள்ள மின் மயானத்தில் தகனம் செய்யப்பட்டது. அவருக்கு திரையுலகினர், அரசியல் பிரமுகர்கள், பொதுமக்கள் உள்ளிட்ட ஏராளமானோர் கண்ணீர் அஞ்சலி செலுத்தினர். கோவை மாவட்டம், சூலூரைச் சேர்ந்த மணிவண்ணன், 30 ஆண்டுகளுக்கும் மேலாக தமிழ் சினிமாவில் வலம் வந்தவர். இயக்குனர் பாரதிராஜாவின் பிரதான சீடர்களில், மணிவண்ணனும் ஒருவர். கோபுரங்கள் சாய்வதில்லை படம் மூலம் இயக்குனர் ஆனார். நூறாவது நாள், அமைதிப்படை போன்ற பல, வெள்ளி விழா படங்களை இயக்கியவர். பாரதிராஜா இயக்கத்தில், ரஜினி நடித்த, கொடி பறக்குது படத்தில், வில்லனாக அறிமுகமானார். இதைத் தொடர்ந்து, வில்லன், குணசித்திரம் மற்றும் நகைச்சுவை நடிகராக, 400க்கும் மேற்பட்ட படங்களில், மணிவண்ணன் நடித்துள்ளார். 

இதய அறுவை சிகிச்சை, முதுகு தண்டுவட அறுவை சிகிச்சைகளை செய்து கொண்ட மணிவண்ணன், சில ஆண்டுகள் திரைப்படங்களில் நடிக்காமல் இருந்தார். நீண்ட இடைவெளிக்குப் பின், அமைதிப்படை படத்தின் இரண்டாம் பாகமான, நாகராஜசோழன் எம்.ஏ., எம்.எல்.ஏ., படம், மணிவண்ணன் இயக்கிய கடைசி திரைப்படம். இப்படம் அவரது, 50வது படம். மேலும், மூன்று படங்கள் இயக்க அவர் ஒப்பந்தம் செய்திருந்தார். நேற்று முன்தினம் இரவு, சென்னை நெசப்பாக்கத்தில் உள்ள அவரது வீட்டில் தூங்கச் சென்றவர், நேற்று காலை, எழவில்லை. மருத்துவர்கள் பரிசோதித்ததில், அவர் மாரடைப்பால் இறந்து விட்டதாக அறிவிக்கப்பட்டது. 

மணிவண்ணனின் திடீர் மரணம் திரையுலகினரை அதிர்ச்சிக்கு உள்ளாக்கியுள்ளது. அவரது உடலுக்கு இளையராஜா, விஜய், பாலா, விக்ரமன், சீமான், சுந்தர்.சி, அமீர், ராம், டி.பி.கஜேந்திரன், பிரமிடு நடராஜன், பாக்யராஜ், அவரது மகன் சாந்தனு, ஷக்தி, பொன்வண்ணன், அவரது மனைவி சரண்யா, மிர்ச்சி சிவா, செந்தில், குமரிமுத்து, சினேகன், ராமகிருஷ்ணன், ஜே.கே.ரித்திஷ், குஷ்பு, இளவரசு, எம்.எஸ்.பாஸ்கர், சரவணன் சுப்பையா உள்ளிட்ட பல திரைநட்சத்திரங்களும், அரசியல் பிரமுகர்கள் விஜயகாந்த், திருமாவளவன், சுபவீர பாண்டியன் உள்ளிட்ட ஏராளமானபேர் நேரில் வந்து அஞ்சலி செலுத்தினர். 

பின்னர் அவரது உடல் ஊர்வலமாக எடுத்து செல்லப்பட்டு போரூரில் உள்ள மின்மயானத்தில் வைத்து உடல் தகனம் செய்யப்பட்டது. ஒரு நல்ல டைரக்டர், நடிகர், சமூக பொறுப்பாளர், தமிழ் உணர்வாளரின் சகாப்தம் முடிந்துவிட்டது. மணிவண்ணனின் இழப்பு அவரது குடும்பத்திற்கு மட்டுமல்ல தமிழ் சினிமாவுக்கும் ‌தான்...!!

 

மணிவண்ணன் உடல் தகனம் - ஆயிரக்கணக்கானோர் இறுதி அஞ்சலி.

 

சென்னை: மறைந்த இயக்குநர், நடிகர் மணிவண்ணனின் உடல் இன்று மாலை தகனம் செய்யப்பட்டது.

 

திமுக பொருளாளர் மு.க.ஸ்டாலின், டி.ஆர்.பாலு உள்ளிட்டோர் அஞ்சலி செலுத்தினர். அதேபோல மணிவண்ணனின் குருவான இயக்குநர் பாரதிராஜாவும் இன்று நேரில் வந்து இறுதி அஞ்சலி செலுத்தினார்.

 

மணிவண்ணன் நேற்று தனது வீட்டில் மாரடைப்பால் மரணமடைந்தார். அவரது உடலுக்கு திரையுலகினர், அரசியல் பிரமுகர்கள், தமிழார்வலர்கள், பொதுமக்கள், ரசிகர்கள் என பல தரப்பட்டவர்களும் அஞ்சலி செலுத்தினர்.

 

திமுக பொருளாளர் மு.க.ஸ்டாலின் இன்று அஞ்சலி செலுத்தினார். அதேபோல தேமுதிக தலைவர் விஜயகாந்த்தும் நேரில் சென்று அஞ்சலி செலுத்தினார். ஆயிரக்கணக்கானோர் மணிவண்ணனுக்கு இறுதி அஞ்சலி செலுத்தினர்.

 

இன்று மாலை உடல் தகனம் நடைபெற்றது. இதற்காக மணிவண்ணனின் உடல் அவரது வீட்டிலிருந்து ஊர்வலமாக போரூர் எடுத்துச் செல்லப்பட்டு அங்கு தகனம் செய்யப்பட்டது.

 

பாரதிராஜா வந்தார்

 

மணிவண்ணனின் குருவான இயக்குநர் பாரதிராஜா இன்று நேரில் வந்து மணிவண்ணனுக்கு அஞ்சலி செலுத்தினார். அதேபோல மணிவண்ணனின் நெருங்கிய நண்பர்களில் ஒருவரான கவுண்டமணியும் நேரில் வந்து கண்ணீர் அஞ்சலி செலுத்தினார்.

 

தற்ஸ் தமிழ்.

கண்ணீர் அஞ்சலி!

ஈழத்தமிழருக்கு ஆதரவாகப்போராடிய சிறந்த மனிதர்.

 

 

கண்ணீர் அஞ்சலி!

 

ஆழ்ந்த இரங்கல்கள்!!!!

கண்ணீர் அஞ்சலிகள்