திருவனந்தபுரம்: கேரளாவில் மலையாளம் தெரிந்தால் மட்டுமே அரசு வேலை என்று அம்மாநில முதல்வர் உம்மன் சாண்டி தெரிவித்துள்ளார். கேரளாவில் உம்மன் சாண்டி முதல்வராக பதவியேற்றதும் மலையாளம் தெரிந்தவர்களுக்கு மட்டுமே அரசு வேலை வழங்கப்படும் என்ற உத்தரவு பிறப்பிக்கப்பட்டது. இதற்கு கேரளாவில் வாழும் தமிழ் மற்றும் கன்னடம் பேசும் சிறுபான்மையின மக்கள் கடும் எதிர்ப்பு தெரிவித்தனர். இதையடுத்து அந்த உத்தரவு கிடப்பில் போடப்பட்டது. இந்நிலையில் மலையாளம் தெரிந்தவர்களுக்கு மட்டுமே அரசு வேலை வழங்க வேண்டும் என்ற உத்தரவை உடனே அமல்படுத்தக் கோரி சில மலையாள அமைப்புகள் அரசை தொடர்ந்து வலியுறுத்தி வந்தன.

இந்நிலையில் மலப்புரத்தில் நடந்த நிகழ்ச்சி ஒன்றில் கேரள முதல்வர் உம்மன் சாண்டி கலந்து கொண்டார். அப்போது அவரிடம் செய்தியாளர்கள் மலையாளம் தெரிந்தால் மட்டுமே அரசு வேலை என்ற உத்தரவு பற்றி கேட்டனர். அதற்கு அவர் கூறுகையில், கேரளாவில் அரசு வேலையில் இருக்க வேண்டுமானால் அவர்களுக்கு நிச்சயம் மலையாளம் தெரிந்திருக்க வேண்டும். இதில் எந்தவித மாற்றமும் இல்லை. காங்கிரஸ் கூட்டணி அரசின் இந்த முடிவு துறை ரீதியான நடவடிக்கைக்குப் பிறகு இது தொடர்பான ஆவணம் அரசு தேர்வாணையத்திற்கு அனுப்பி வைக்கப்பட்டு தேர்வாணயமும் அனுமதி அளித்துவிட்டது. அதனால் இந்த உத்தரவில் மாற்றம் இல்லை என்றார்.

Read more at: http://tamil.oneindia.in/news/2013/08/25/india-proficiency-malayalam-mandatory-govt-job-182024.html

தமிழ் தெரியாதவர்களுக்கு மட்டுமே தமிழ்நாட்டு அரசு வேலையில் முன்னுரிமை - தமிழக ( திராவிடர் ) அரசு

தமிழ் நாட்டில் தமிழரே தமிழ் பேச விரும்புவதில்லை. மற்றவர்களை தமிழ் பேச எப்படிச் சொல்வது??

நல்ல திட்டம் வாழ்த்துக்கள் அரசு வேலை செய்பவர் அந்த மாநில மொழி தெரியா விட்டால் அவருக்கு எதுக்கு அரசு வேலை தீர்க்கமான முடிவுகள் எடுத்து அமுல்ப்படுத்துவதை கேரளா அரசியல் வாதிகளிடம் தமிழக அரசியல் வாதிகள் படிக்க வேண்டும்

தமிழ் பெரும்பானமை கிராமங்களை தமிழ் நாட்டுடன் இணைய விட வேண்டியதுதானே.

இப்படிச் சொன்னாலும் தமிழர் தவிர்ந்த வேறு இனத்தவரை வேலைக்கு எடுப்பார்கள் என்றே நம்புகின்றேன். மலபாரிகளுக்கு தமிழர்களை மட்டும்தான் பிடிக்காது. "பாண்டி ஆளுங்க" என்று நக்கல் வேறு.

இதில் தமிழ்நாடுதான் முன்மாதிரி.. தெலுங்கராக இருந்தாலும் தமிழ் தெரியுமா என்று பார்த்துத்தான் "அவரை" முதல்வராக அமர்த்தினார்கள்..!

தமிழக அரசு வேலைகளிலும் இந்த நிபந்தனை உண்டு...

 

ஆனால் வேலை கிடைத்து அரசு வேலையில் சேர்ந்த பின், தமிழில் தமக்கு கற்றறிவு இருக்கிறது என்பதற்கு துறை சார்ந்த தேர்வுகளை இரண்டாண்டுகளுக்குள் எழுதி நிரூபிக்க வேண்டும். அப்படி நிரூபித்தால் மட்டுமே வேலையில் தொடர இயலும்...இல்லையெனில் படிப்படியாக வேலையை இழக்க நேரிடும் என்ற மென்போக்கு விதி இன்றும் உள்ளது.

அவசியமான ஒரு அறிவிப்பு!

தமிழகத்தை தமிழன் ஆளும்போதுதான் அந்த மாதிரியான ஒரு அறிவிப்பை தமிழ் நாட்டில் பார்க்க முடியும்.