இலங்கையின் கொழும்பில் எதிர்வரும் நவம்பர் மாதம் நடைபெறவுள்ள பொதுநலவாய நாடுகளின் தலைவர்கள் மாநாட்டில் கலந்து கொள்ளப்போவதில்லை என்று கனடாவின் பிரதமர் ஸ்டீபன் ஹார்பர் தெரிவித்துள்ளார்.

இலங்கையின் தற்போதையை நிலைமைகளைக் கருத்திற்கொண்டே தான் மேற்கண்ட தீர்மானத்தை எடுத்துள்ளதாகவும், தனக்கு பதிலாக கனடாவின் சர்வதேச மனித உரிமைகளுக்கான வெளிவிவகார அமைச்சரின் பாராளுமன்ற செயலாளர் தீபக் ஒபராய் கலந்து கொள்ளவுள்ளதாகவும் அறிவித்துள்ளார்.

இலங்கை 2013ஆம் ஆண்டுக்கான பொதுநலவாய நாடுகளின் தலைவர்கள் மாநாடு நடத்துவதற்காக தேர்ந்தெடுக்கப்பட்ட போது, அதனை தனது மனித உரிமை நிலைமைகளை மேம்படுத்தவும், நல்லிணக்கத்தை நோக்கி பயணிப்பதற்காகவும் இலங்கை பயன்படுத்தும் என்று நம்பியதாக தெரிவித்துள்ள கனடாவின் பிரதமர், ஆனால், இலங்கை அந்த இலக்குகளை எட்ட முயற்சிக்கவில்லை என்று குறிப்பிட்டுள்ளார்.

இலங்கையில் நடைபெறவுள்ள பொதுநலவாய நாடுகளின் தலைவர்கள் மாநாட்டில் கலந்து கொள்ளப் போவதில்லை என்பதை ஊடகங்களுக்கு அறிவிக்கும் முகமாக கனடாவின் பிரதமர் ஸ்டீபன் ஹார்பர் வெளியிட்டுள்ள அறிக்கையிலேயே மேற்கண்ட விடயங்களை சுட்டிக்காட்டியுள்ளார்.

http://4tamilmedia.com/newses/srilanka/17755-stephen-harper-to-boycott-commonwealth-meeting-in-sri-lanka

ஒபராய் போய் சர்மாவுடன் கதைத்து என்ன கூத்து நடக்கப்போகுதோ தெரியேல்ல..

நாங்களே எங்களை 65 வருசமாக் கொல்லுற.. சிங்களவர்களோடு.. சகோதரர்கள் ஆகிட்டம். நீங்கள் மட்டும் ஏன் எங்களுக்காக வருந்துகிறீர்கள்.. அப்படின்னு.. விக்னேஸ்வரன் கேட்பார். அதற்கும் பதில் வைச்சிருங்கோ.. கார்பர்.

இதற்காக உழைத்த  கனடிய  உறவுகளுக்கும்

புலம் பெயர் உறவுகளுக்கும்  நன்றிகள்

 

இதற்காக உழைத்த  கனடிய  உறவுகளுக்கும்

புலம் பெயர் உறவுகளுக்கும்  நன்றிகள்

நான் எழுத நினைத்ததை நீங்கள் எழுதிவிட்டீர்கள். நன்றி.