பெரம்பலூர்: விபத்தில் சிக்கி உயிருக்கு போராடிய எண்ணெய் லாரி டிரைவர், கிளீனரை காப்பாற்றாமல், லாரியில் இருந்து கொட்டிய எண்ணெய்யை பொதுமக்கள் பிடித்து சென்ற சம்பவம் பெரம்பலூரில் பரபரப்பை ஏற்படுத்தியுள்ளது.

நேற்று இரவு சென்னையிலிருந்து தனியார் டேங்கர் லாரி ஒன்று பாமாயில் எண்ணெய்யை ஏற்றிக் கொண்டு, திருச்சி நோக்கி சென்று கொண்டிருந்தது. அந்த லாரி பெரம்பலூர் மாவட்டம், துறைமங்களம் அருகே வந்துக்கொண்டிருந்த போது திடீரென ஓட்டுநரின் கட்டுபாட்டை இழந்து. நெடுஞ்சாலைத்துறை டிவைடரில் ஏறி, தலைகீழாக கவிழ்ந்து விபத்துக்குள்ளானது.

இந்த விபத்தில், டிரைவருக்கு தலையில் பலத்த காயம் ஏற்பட்டது. மேலும் கைகளிலும் காயம் ஏற்பட்டது. அதேபோல், கிளீனருக்கும் பல்வேறு இடங்களில் காயம் ஏற்பட்டது. இருவரும் உயிருக்கு போராடிக் கொண்டிருந்தனர்.

அதேநேரத்தில், விபத்தில் சிக்கிய லாரியின் டேங்கரில் இருந்து பாமாயில் எண்ணெய் ரோட்டில் கொட்டியது. இதனைக் கண்ட அப்பகுதி பொதுமக்கள், உயிருக்கு போராடிய டிரைவர் மற்றும் கிளீனரைப் பற்றி கவலைப்படாமல், தங்கள் வீடுகளில் இருந்து குடம் மற்றும் கேன்களை கொண்டு வந்து, பாமாயிலை பிடித்துச் சென்றனர். இதனால், இன்னும் மூன்று, நான்கு மாதங்களுக்கு அவர்கள் சமையல் எண்ணெய் வாங்க தேவையில்லை என்கின்றனர் சம்பவத்தை நேரில் பார்த்தவர்கள்.

இந்த விபத்து குறித்து தகவல் அறிந்த காவல்துறையினர் விரைந்து வந்து, விபத்தில் சிக்கி உயிருக்கு போராடிய டிரைவர் மற்றும் கிளீனரை சிகிச்சைக்காக மருத்துவமனைக்கு அனுப்பி வைத்தனர். அங்கு டிரைவர் உயிருக்கு ஆபத்தான நிலையில், தீவிர சிகிச்சைப் பிரிவில் அனுமதிக்கப்பட்டு சிகிச்சை பெற்று வருகிறார்.

விபத்தில் சிக்கி, உயிருக்கு போராடியவர்களைப் பற்றி சிறிதும் கவலைப்படாமல், தங்களுக்கு தேவையான எண்ணெய்யை மட்டும் பொதுமக்கள் பிடித்துச் சென்ற சம்பவம் சமூக ஆர்வலர்களிடையே வேதனையை ஏற்படுத்தியுள்ளது.

ரத்த வெள்ளத்தில் கிடந்தவர்களை காப்பாற்றவேண்டும் என்ற ஈவு, இரக்கம் கொஞ்சம் கூடஇல்லாமல், நம் மக்களின் மனம் இப்படி கல்நெஞ்சாக மாறிவிட்டதே என ஆதங்கப்படுகின்றனர் அவர்கள்.

-எம்.திலீபன்

 

http://news.vikatan.com/article.php?module=news&aid=37944

எண்ணையை மக்கள் உடனடியாக நீக்கியதால் பாரிய தீவிபத்து தடுக்கப்பட்டுள்ளது (அது பனை எண்ணையாக இருந்தாலும் எரியும்தானே.. ). மேலும் அந்த மக்களில் யாரும் முதலுதவி சிகிச்சை செய்வதற்கான பயிற்சியை எடுத்திருக்கவில்லை. ஆகவே அவசர உதவி 100க்கு தகவல் அனுப்பிவிட்டு தீவிபத்து ஏற்படுவதை தடுப்பதில் குறியாக இருந்தார்கள்.

அத்துடன் இன்னொரு விடயத்தையும் கவனிக்க வேண்டும். உடனடியாக எண்ணையை எடுத்துவிட்டதால் மண்ணுக்குள் ஊறி கிணற்றுநீர் பாழ்படுவதையும் தடுத்துவிட்டார்கள்.

மக்கள் தீர்ப்பு வழங்கி விட்டார்கள்.

லாரி தடம்புரண்டால் அதன் ஓட்டுனர்கள் இறந்துபோக வேண்டும்.

மக்களை இனி யாராலும் ஏமாற்ற முடியாது ..... மக்கள் சிந்திக்க தொடக்கி விட்டார்கள்.

 

பெரம்பலூர் கூட்டணியினர் இனி எங்காவது லாரி அடிபட்டால் அந்த இடத்திற்கு சென்று 

ஒடுனரை உடனேயே -------------

Edited January 29, 201510 yr by நிழலி
தவிர்க்க வேண்டியது

தாய்நாடு சென்றுவந்த ஒரு குடும்பத்திடம், சொந்தங்கள் கொடுத்தனுப்பிய பொருட்களைப் பெற்றுக்கொள்வதற்காகப் போயிருந்தேன். குடும்பத் தலைவர் நண்டுக்காலுடன் உணவைச் சுவைத்தபடி தொலைக்காட்சி பார்த்துக்கொண்டிருந்தார்.தொலைக்காட்சியில் மனிதர்கள் துண்டுகளாகச் சிதறிக்கிடக்கும் காட்சி ஓடிக்கொண்டிருந்தது.   

உயிருக்கு போராடிய டிரைவர்... எண்ணெய் பிடித்து சென்ற பொதுமக்கள்!

 

இன்றைய  யதார்த்த உலகை இது பிரதிபலிக்கிறது...

எதற்கு நாடகம்....??

 

அவரது அவதியை  படம் எடுத்து ஒருத்தரும் விற்கவில்லை என பெருமை கொள்க..