கோயம்பத்தூரில் சுற்றிப்பார்க்க எதுவுமே இல்லை என்று பலர் குறைபட்டு கொண்டாலும் வேறெந்த மாவட்டங்களில் வசிப்பவர்களுக்கும் வாய்க்காத ஒரு வசதி கோயம்பத்தூர் வாசிகளுக்கு உண்டு. ஊட்டி, கொடைக்கானல் என்ற தமிழ் நாட்டில் இருக்கும் இரண்டு அழகான மலைவாச ஸ்தலங்களுக்கு நினைத்த மாத்திரத்தில் சென்று வர முடியும். விடுமுறை நாட்களில் அதிகாலை நண்பர்களுடன் வண்டியில் கிளம்பி ஊட்டிக்கு டீ குடிக்க மட்டுமே செல்லும் இளைஞர்கள் கோயம்பத்தூரில் உள்ளனர். அதே போல தான் கொடைக்கானலுக்கும். சுற்றிப்பார்க்க நல்ல நல்ல இடங்களை கொண்டிருக்கும் கொடைக்கானலுக்கு ஒரு சின்ன சுற்றுலா சென்று வரலாம் வாருங்கள். நாம் பொள்ளாச்சி மற்றும் பழனி வழியாக கொடைக்கானலை நோக்கி பயணிப்போம்.

 

கோயம்புத்தூர் - பொள்ளாச்சி: 

 

 

பயணத்தின் முதல் கட்டமாக நாம் கோயம்பத்தூரில் இருந்து 43கி.மீ தூரத்தில் இருக்கும் பொள்ளாச்சியை அடைய வேண்டும். பசுமை நிறைந்த பொள்ளாச்சியில் நாம் சுற்றிபார்க்க நல்ல இடங்கள் உண்டு. ஆழியார் ஆணை, டாப் ஸ்லிப், வால்பாறை போன்றவை பொள்ளாச்சிக்கு பக்கத்தில் இருக்கும் சுற்றுலாத்தலங்கலாகும். இந்த சாலை போக்குவரத்து நெரிசல் அற்றது என்பதால் நாம் பொள்ளாச்சியை 40 நிமிடத்தில் அடைந்து விட முடியும்.

 

பொள்ளாச்சி - பழனி:

 

 

 

பொள்ளாச்சியை அடைந்த பிறகு அங்கிருந்து உடுமலைபேட்டை வழியாக நாம் பழனியை அடைய வேண்டும். 65 கி.மீ தூரம் கொண்ட இந்த பயணத்தை நாம் ஒரு மணிநேரத்தில் கடந்து விடலாம். முடிந்தால் அப்படியே முருகனின் அறுபடை வீடுகளில் முதன்மையானதும், தமிழ் நாட்டின் முக்கிய கோயில்களில் ஒன்றான பழனிக்கு சென்று முருகனை தரிசனம் செய்து விட்டு பயணத்தை தொடரலாம்.

 

பழனி - கொடைகானல்:

 

 

 அடுத்ததாக நாம் பழனியில் இருந்து கொடைக்காணல் நோக்கி செல்லவிருக்கிறோம். பழனியில் இருந்தே கொண்டை உசி வளைவு சாலைகள் ஆரம்பமாகி விடுகின்றன. பழனியில் இருந்து கொடைகானல் 64 கி.மீ தொலைவில் அமைந்திருக்கிறது. இந்த பயணம் குறைந்தது இரண்டரை மணி நேரமாவது ஆகும். கொஞ்சம் ஆபத்தான இந்த சாலையில் கூடுதல் கவனத்துடன் வாகனத்தை செலுத்துவது நல்லது.

 

கொடைக்கானல்:

 

 

 

திண்டுக்கல் மாவட்டத்தில் அமைந்திருக்கும் இந்த அழகிய நகரம் ஆங்கிலேயர் காலத்தில் அவர்கள் கோடை வெப்பத்தை சமாளிக்க மற்றும் உயர் அதிகாரிகள் ஓய்வெடுக்க உருவான நகரம் தான் இந்த கொடைக்கானல். இன்று தமிழ்நாட்டின் முக்கிய சுற்றுலாத்தலங்களில் ஒன்றாக விளங்கும் இந்த நகரம் தேனிலவு வரும் புது மணதம்பதியரிடையே மிகப்பிரபலம். அருமையான சீதோஷனதையும், சுற்றிபார்க்க நல்ல நல்ல இடங்களும் இங்கே உண்டு. வாருங்கள், கொடைக்கானலில் ஒரு இன்ப உலா வரலாம்.

 

கொடைகானல் ஏரி:

 

 

கொடைக்கானலின் முக்கியமான சுற்றுலா இடம் என்றால் அது கொடைகானல் ஏரி தான். செயற்கையாக மனிதனால் உருவாக்கப்பட்ட இந்த ஏரியில் படகு சவாரி மிகப்பிரபலம் ஆகும். இது ஒரு நட்சத்திர வடிவில் அமைக்கப்பட்டுள்ளது. காதலர்களுக்கு என்றே உருவாக்கப்பட்டது போல உள்ளது இந்த ஏரி.

 

பேரிஜம் ஏரி:

 

 

கொடைக்கானலில் இருக்கும் இடங்களிலேயே அழகானது என்றால் அது பேரிஜம் ஏரி தான். இந்த ஏரியை அடைய வனத்துறையிடம் சிறப்பு அனுமதி பெற வேண்டியது அவசியம். கொஞ்சம் கடினமான பாதையை தாண்டியே இந்த ஏரியை அடைய முடியும். இந்த பகுதியில் பல அரியவகை பறவைகளும், விலங்குகளும் வசிக்கின்றன. இந்த ஏரியின் நீரும் மிகுந்த சுவை நிறைந்தது. எந்தவித தொந்தரவும் இல்லாமல் இயற்கையை ரசிக்க நினைப்பவர்கள் வர கண்டிப்பாக வேண்டிய இடம் இந்த பேரிஜம் ஏரி. இவை தவிர குணா குகை, பொட்டனிக்கல் கார்டென் சூசைட் பாயின்ட் போன்ற இடங்களும் இங்கே உண்டு.

 

 http://tamil.nativeplanet.com/travel-guide/a-trip-from-coimbatore-kodaikkanal-000306.html

நண்பர்கள் ஆறெழு மோட்டார் சைக்கிளில் ஊட்டிக்கு சென்று மதிய உணவு சாப்பிட்டு வந்தோம் மூன்று வருடங்களின் முன்

கோவையிலிருந்து ஊட்டி, கொடைக்கானல், வால்பாறை போன்ற மலைபிரதேசங்கள் மிக அருகாமையே. மேற்கு தொடர்ச்சி மலைகளும், கேரள மலைகளும் சுற்றியிருப்பதால காலநிலை இதமாக இருக்கும். உலகின் மிக சுவையான இரண்டாவது நன்னீர் சிறுவாணியே எங்களின் பிரதான குடிநீர். இப்போ தெரிகிறதா கோயமுத்தூர்காரனுக்கு எதனால் குசும்பு கூட என்று..!

கோயமுத்தூர் தமிழ் மற்ற வட்டார வழங்கு தமிழை விட தனித்த உச்சரிப்பும், மரியாதையும் கொண்டது. நானெதுக்கு மெனக்கெட்டு இத்தனையும் இங்க சொல்லுரேனு உங்க எல்லாருக்கும் புரியுது தானுங்க? ஏன்ன என்ர ஊரு கோயமுத்தூருங்க

நண்பர்கள் ஆறெழு மோட்டார் சைக்கிளில் ஊட்டிக்கு சென்று மதிய உணவு சாப்பிட்டு வந்தோம் மூன்று வருடங்களின் முன்

கோவையிலிருந்து ஊட்டி, கொடைக்கானல், வால்பாறை போன்ற மலைபிரதேசங்கள் மிக அருகாமையே. மேற்கு தொடர்ச்சி மலைகளும், கேரள மலைகளும் சுற்றியிருப்பதால காலநிலை இதமாக இருக்கும். உலகின் மிக சுவையான இரண்டாவது நன்னீர் சிறுவாணியே எங்களின் பிரதான குடிநீர். இப்போ தெரிகிறதா கோயமுத்தூர்காரனுக்கு எதனால் குசும்பு கூட என்று..!

கோயமுத்தூர் தமிழ் மற்ற வட்டார வழங்கு தமிழை விட தனித்த உச்சரிப்பும், மரியாதையும் கொண்டது. நானெதுக்கு மெனக்கெட்டு இத்தனையும் இங்க சொல்லுரேனு உங்க எல்லாருக்கும் புரியுது தானுங்க? ஏன்ன என்ர ஊரு கோயமுத்தூருங்க

 

 

அது புரியுதுங்க

ஏன்ன என்ர தம்பீங்க நீங்க....  

நல்ல தகவல். பாப்பம் போக சந்தர்பம் கிடைக்குதா எண்டு

பழனியிலிருந்து கொடைக்கானல் செல்லும் மலைப்பாதை மிகவும் குறுகியதும், சீரற்ற, ஆபத்து நிறைந்த கொண்டை ஊசி வளைவுகளையும் கொண்டதாகும்..

 

அதற்குப்பதில் நிலக்கோட்டை, வத்தலக்குண்டு வழியாக செல்லும் மலைப்பாதையே பாதுகாப்பானதும், இயற்கை எழில் கொஞ்சும் மலைவழியும் ஆகும்.. இப்பாதை ஆங்கிலேயர் காலத்தில் அமைக்கப்பட்டது..

 

ஊட்டியை விட கொடைக்கானல் அடர்த்தியான வனப்பகுதிகளைக் கொண்டதும், வியாபார நோக்கில் துஸ்பிரயோகங்கள் குறைவாக(Heavy urbanization) உள்ள நகரமாகும்.

 

ஊட்டியின் ஒரே கவர்ச்சி, மலைப்பாதை ரயில் மற்றும் மலையின் உயரம்.