பல வருடங்களுக்கு முன்னர் எழுதிக் கைவிடப்பட்ட கவிதையொன்று இன்று தட்டுப்பட்டது. உங்கள் பார்வைக்கு.

 

உயிர்த்தேன்

 

வ.ஐ.ச.ஜெயபாலன்

 

காலப் பாலை நடுவினிலே

வினோதங்கள் வற்றி

உயிர்ப் பம்பரம் ஓய்கையிலே

வாழும் கனவாக என் முன்னே

வளரும் சிறு நதியே.

உன் தோழமையின் பெருக்கில்

துயர்கள் கரையுதடி

வாழத் துடிக்குதடி கண்ணம்மா

என் வார்த்தைகள் காவியமாய்

*

 

கூதிர் இருட் போர்வை உதறி

குவலயம் கண் விழிக்க

போதியோடு இலை உதிர்த்த இருப்பும்

புன்னகைத்தே துளிர்க்க

மனிதருக்கிடையே நாணற்றுச் சூரியன்

மண்ணைப் புணருகின்றான்.

மூதி எழுந்திடென்றாய் கண்ணம்மா

மூச்சால் உயிர் மூட்டி.

*

 

கடைசித் துளியும் நக்கி

காலி மதுக் கிண்ணம் உடைத்து

என் வாழ்வின் ஆட்டம் முடிந்ததென்றேன்.

நீ கள்நதியாக நின்றாய்.

உயிர்த்தும் புத்துயிர்த்தும்

இந்த உலகம் தொடர்வதெல்லாம்

உன் பொற்கரம் பற்றியன்றோ .

மாண்டவர் மீள்வதெல்லாம் பெண்ணே நின்

மந்திரத் தொடுகையன்றோ .

*

 

பெண்களே பூமியர்கள்

ஆண்கள் நாம் பிற கோளால் வந்தவர்கள்

உன்னைப் புரியாமல் கண்ணம்மா

இந்த உலகம் புரிவதில்லை

மனிதருக்கிடையே நாணற்றுச் சூரியன்

மண்ணைப் புணருகின்றான்.

 

கடைசித் துளியும் நக்கி

காலி மதுக் கிண்ணம் உடைத்து

என் வாழ்வின் ஆட்டம் முடிந்ததென்றேன்.

நீ கள்நதியாக நின்றாய்.

 

 

உன்னைப் புரியாமல் கண்ணம்மா

இந்த உலகம் புரிவதில்லை

 

 

வைர வரிகள், பாராட்டுகள் கவிஞரே!

நன்றி seyon yazhvae ndhan

 

இந்தக்க்விதை என் தொகுப்பில் இல்லை. கைவிட்ட இந்த க்லவிதையை நான் திரும்ப கொண்டுவந்ததே அதனை மீழ மினுக்கி எடிற் பண்ண த்தான். . யாழ் குடும்பக் கவிஞர்கள் ஒரிருவருக்காவது நான் எப்படி ஒரு கவிதையின் முதல் வரைவை எடிற் பணுக்றேன் என அறிவதில்  ஆர்வம் இருக்கக் கூடும் என கர்துகிறேன். ஆர்வம் இருக்கா? ஆர்வம் உள்ளவர்கள் கருதெழுதுங்கல். எடிற்பண்னுவது தொடர்பான உங்கல் ஆலோசனையையும் எழுதலாம்

எழுதுங்கள் கவிஞரே! வாசிக்கக் காத்திருக்கின்றோம்...!

நன்றி சுவி,

முதலில் மண்டபத்துக்களவசியமற்ற ஐந்தாவது தூண்போல மேலதிகமாக இருக்கிற அடிகளை அவை எத்தனை அழகாக இருந்தாலும் அகற்றப்போகிறேன்.

 

குறிப்பிட்ட ஒரு அடி இல்லாமலும் கவிதை நிற்க்குமென்றால் முதலில் கவிதையை தாங்காத அந்த அடி எவ்வளவு அழகாய் இருந்தாலும் நீக்கிவிட வேண்டும். இளய கவிஞர்கள் பலரது கவிதைகள் அனாவசியமான மேலதிக  அடிகளால்தான் பிந்தள்ளப்படுகின்றான.

கவிதை  எடிற்றிங் மெருகூட்டுதல் தொடர்பான கலந்துரையாடலில் சுவி தவிர யாருக்கும் ஆர்வம் இருப்பதாக தெரியவில்லை. கலந்துரையாடலை நிறுத்திவிடுகிறேன். சுவி என்னுடைய மின்னஞ்சலுக்கு தொடர்புகொள்ளுங்கள் visjayapalan@gmail.com

வணக்கம் ஐயா !   முந்தநாள் எழுதிய தங்கள் கவிதையை 130 க்கும் அதிகமானோர் பார்த்துள்ளனர். மேலும் மூன்று நாலு நாட்கள் விடுமுறையான படியால் பலர் இனி செவ்வாய் கிழமைதான் வந்து வாசிப்பினம்.  அதனால் நல்ல செயல்முறைகளை இங்கு பதிவது பலருக்கும் பயன்தரும் . தங்களின் அனுபவங்களில் பாடம் கற்றுக் கொள்ள பாக்கியம் செய்திருக்க வேண்டும்..!

அப்படி தெரியவில்லையே சுவி. பார்க்கலாம்

 

வணக்கம் பொயட்!

 

எனக்கும் உங்களிடமிருந்து நிறையப் படிக்க வேண்டும் என்று ஆசை!

 

மற்றவர்கள் கருத்தெழுதாமல் இருப்பதற்கு பல காரணங்கள் இருக்கக் கூடும்!

 

ஆனால் அனைவரிடமும் ' ஆர்வம்' நிச்சயமாக இருக்கும்!

 

எனவே தொடருங்கள்!

கருத்துக்கும் ஆர்வத்துக்கும் நன்றி புங்கையூரான். நேர்முள்ளபோது அழையுங்கள். 0091 9941484253 

Edited May 5, 201510 yr by poet