போர்க்குற்றச்சாட்டு சுமத்தப்படும் படையினருக்கு இலவச சட்ட ஆலோசனை வழங்கப்படும் என பிவித்துரு ஹெல உறுமய கட்சியின் தலைவர் உதய கம்மன்பில தெரிவித்துள்ளார். பிவித்துரு ஹெல உறுமய கட்சியின் தலைமயகத்தில் நேற்று நடைபெற்ற செய்தியாளர் சந்திப்பில் அவர் இதனைத் தெரிவித்துள்ளார்.

போர்க்குற்றச்சாட்டு முன்வைக்கப்படும் படைவீரர்களுக்கு இலவச சட்ட ஆலோசனை வழங்க “படைவீரர் சட்ட நிவாரணம்” என்ற அமைப்பு உருவாக்கப்படும். புலனாய்வுப் பிரிவைச் சேர்ந்த பலர் அழைக்கப்பட்டு விசாரணைக்கு உட்படுத்தப்படுகின்றனர். அறியாமை காரணமாக இவர்கள் ஊரில் இருக்கும் சட்டத்தரணியின் உதவியைப் பெற்றுக்கொள்கின்றனர். தமிழ் பிரிவினைவாதிகளுக்கு சட்ட ஆலோசனை வழங்க சிவா பசுபதி, விஸ்வநாதன் ருத்ரகுமாரன் போன்ற புகழ்பெற்ற சட்ட வல்லுனர்கள் இருக்கின்றார்கள். எனவே, ஜனாதிபதி சட்டத்தரணிகளைக் கொண்ட குழு ஒன்றின் மூலம் படைவீரர்களுக்கு இலவசமாக சட்ட ஆலோசனை வழங்கப்பட உள்ளது. இனத்தின் துரதிஸ்டம் காரணமாக படைவீரர்கள் பிரபல சட்டத்தரணிகளின் ஆலோசனைகளை பெற்றுக்கொள்வதில்லை. இதனால் அவர்கள் சட்ட சிக்கல்களை எதிர்நோக்க நேரிடலாம். இதனால் போர்க்குற்றச் செயல் குற்றம் சுமத்தப்பட்ட எந்தவொரு படைவீரருக்கும் இலவசமாக சட்ட ஆலோசனை வழங்கப்படும். போர்க் காலத்தில் கடமையைச் செய்தமை தொடர்பில் குற்றச்சாட்டு முன்வைக்கப்பட்டால் தமது அமைப்பின் சட்ட ஆலோசனைகளை பெற்றுக்கொள்ள முடியும் என கம்மன்பில தெரிவித்துள்ளார்.

http://www.seithy.com/breifNews.php?newsID=140095&category=TamilNews&language=tamil

மனித படுகொலை செய்தவங்களுக்கு மாலை, மரியாதை, இலவச சட்ட ஆலோசனை இப்படி எத்தனையோ சலுகை. இந்த இனத்தில் பிறந்த்திருக்கலாம்  தலைவர். ஈனப்பட்ட இனத்தில் பிறந்ததால் வசை மட்டும்தான் மிச்சம்.