“முல்லைத்தீவு வட்டுவாகல் பாலத்துக்கும் பெருங்கடலுக்கும் இடைப்பட்ட பகுதியில், பெருமளவு மீன்கள் உயிர் இழப்பதற்கு அதிக வெப்பமே காரணம்” என, முல்லைத்தீவு மாவட்ட கடற்றொழிலாளர் சங்கங்களின் சமாசத் தலைவர் அந்தோனிப்பிள்ளை மரியராசா தெரிவித்துள்ளார்.

“அதிக வெப்பமே குறித்த பகுதியின் நீரினை பச்சைநிறமாக மாற்றி பெருமளவு மீன்கள் உயிர் இழப்பதற்கு காரணமாக அமைந்து விட்டது. வழமையாக இவ்விடத்தில் நீல நிறத்திலே நீர் காணப்படும்.

“அதிகரித்த வெப்பம் காரணமாக நீர் பச்சை நிறமாக மாற்றமடைந்து பெருமளவு மீன்கள் உயிர் இழந்ததன் காரணமாக, இப்பகுதியில் மீன்பிடியில் ஈடுபடும் பெருமளவு கடற்றொழிலாளர்களின் வாழ்வாதாரம் பாதிக்கப்பட்டுள்ளது.

“நந்திக் கடல் பெருங்கடலுடன் இணையும் பகுதியிலேயே மீன்களின் உயிர் இழப்புகள் ஏற்பட்டுள்ளன. கடந்த காலங்களில் நந்திக் கடலினை ஆழமாக்குங்கள். அப்போதுதான் மீன்களின் பெருக்கம் அதிகரிக்கும் என மாவட்டச் செயலகத்தில் நடைபெற்ற கூட்டங்களில் வலியுறுத்தி வந்திருக்கின்றோம்.

“நந்திக் கடல் ஆழமாக்கல் இதுவரை இடம் பெறவில்லை. இந்நீரேரியில் குறைவான நீர் மட்டம் உள்ளமையும் மீன்களின் உயிர் இழப்புக்குக் காரணமாக அமைந்து விட்டது. தற்போது வரட்சியினைக் காரணங்காட்டினாலும் கூட நந்திக் கடல் ஆழமாக்கலில்தான் எதிர்கால மீன் பெருக்கம் இடம் பெற வாய்ப்புள்ளது எனவும் தெரிவித்தார்.

“இறந்த மீன்களை அகற்றும் பணியில் கடற்றொழிலாளர்கள் ஈடுபட்டுள்ளனர். மீன்களின் உயிரிழப்பு கடற்றொழிலாளர்களைப் பாதித்துள்ளது” எனவும் கூறினார்.

http://www.tamilmirror.lk/வன்னி/’மீன்களின்-உயிரிழப்புக்கு-அதிக-வெப்பமே-காரணம்’/72-197937

வெப்பமயம் நல்ல சாட்டு

நன்றி ஆதவன்இ நீர் பச்சை நிறமாக மாறியது என்றால் இரசாயன உரங்களின் கலப்பு காரனமாக இருக்கலாம். போர் முடிவின்பின்னர் அதிகரித்த கட்டற்ற விவசாய நடவடிக்கைகளால் கடல் ஏரிகளில் இரசாயன உரங்களின் விகிதாசாரம் அதிகரிக்க வாய்ப்புகள் உண்டு. இரசாயன உபயோகம் கட்டுப்படுத்தப்பட வேண்டும்.  போரில் நெடுங்காலமாக  விவசாயம் செய்யபடாமலிருந்த  நிலங்களில் உள்ளூர் நுகர்வு மற்றும்  ஏற்றுமதிக்கானஇரசாயனமற்ற  இயற்க்கை வேழான்மையை வடக்கு கிழக்கு மாகான சபையும் ஈழ மற்றும்  புலம்பெயர்ந்த தமிழ் ஆர்வலர்களும் வர்த்தகர்களும்  முன்னெடுத்துச் செல்லவேண்டும் .