ரஜினிகாந்த் பயன்படுத்தும் ‘பாபா’ முத்திரைக்கு உரிமை கோரும் மும்பை நிறுவனம்

 

ரஜினிகாந்த் பயன்படுத்தும் ‘பாபா’ முத்திரை தங்களது நிறுவனத்தின் லோகோ போல இருப்பதாக மும்பையை சேர்ந்த நிறுவனம் ஒன்று உரிமை கொண்டாடி வருகிறது. #Rajinikanth #HandSymbol #BABA

 

 

புதுடெல்லி:

அரசியல் கட்சி தொடங்க நடவடிக்கை எடுத்து வரும் ரஜினிகாந்த், பிரத்யேகமான முத்திரை ஒன்றை பயன்படுத்தி வருகிறார். 2 நடுவிரல்கள் மற்றும் கட்டை விரலை மடித்தும், ஆள்காட்டி விரல் மற்றும் சுண்டு விரலை உயர்த்தியும் காண்பிக்கும் அந்த முத்திரையை, தனது ‘பாபா’ படத்திலேயே பயன்படுத்தி இருந்தார்.

இந்த ‘பாபா’ முத்திரை அவரது ரசிகர் சந்திப்பு நிகழ்ச்சிகளில் மேடையில் பொறிக்கப்பட்டு இருந்ததுடன், அவரது ரசிகர்களும் அந்த முத்திரையுடன் கூடிய அட்டைகள், கொடி போன்றவற்றை தயாரித்து வினியோகித்து வருகின்றனர்.

இந்த முத்திரை, தங்களது நிறுவனத்தின் லோகோ போல இருப்பதாக கூறி, ‘வாக்ஸ்வெப்’ எனப்படும் சமூக நெட்வொர்க் செயலியை வடிவமைத்துள்ள மும்பையை சேர்ந்த நிறுவனம் ஒன்று உரிமை கொண்டாடி வருகிறது. இது தொடர்பாக ரஜினிகாந்துக்கும் கடிதம் எழுதியுள்ளதாக அதன் நிறுவனர் யாஷ் மிஸ்ரா கூறியுள்ளார்.

ரஜினிகாந்தின் பாபா திரைப்படம் 2002-ம் ஆண்டிலேயே வெளிவந்துள்ள நிலையில், இந்த நிறுவனம் சுமார் 18 மாதங்களுக்கு முன்புதான் தொடங்கப்பட்டது குறிப்பிடத்தக்கது.  #Rajinikanth #HandSymbol #BABA #tamilnews

 

http://cinema.maalaimalar.com/Cinema/CinemaNews/2018/01/08003651/1138968/Rajinikanth-Hand-Symbol-Similar-Mumbai-Startup-Claims.vpf

 

பாபா முத்திரை யாருக்கு சொந்தம்? - கிளம்பியது புது சர்ச்சை

 

 

 

 

 

 

 

 

புதுடில்லி : ரஜினி மக்கள் மன்றத்தின், 'பாபா முத்திரை' சின்னம், தங்கள் நிறுவனத்தின், 'லோகோ'வைப் பார்த்து, காப்பி அடிக்கப்பட்டு உள்ளதாக, மும்பையைச் சேர்ந்த, ஒரு நிறுவனம் கூறியுள்ளது.

நடிகர் ரஜினிகாந்த் அரசியலுக்கு வரப் போவதாக சமீபத்தில் அறிவித்ததில் இருந்தே, அவரது, 'பாபா முத்திரை' சின்னமும் பிரபலமாகி வருகிறது.
 

 

சின்னம்

அவரது மக்கள் மன்றத்துக்கு கூட, அதையே தான், சின்னமாக பயன்படுத்துகிறார். கடந்த, 2002ல் வெளியான, பாபா திரைப்படத்துக்கு பின், ரஜினி ரசிகர்கள் இந்த சின்னத்தை அதிகம் பயன்படுத்த துவங்கினர். இந்நிலையில், மும்பையைச் சேர்ந்த, 'வொக்ஸ்வெப்' என்ற, சமூக ஊடக நிறுவனம், தங்கள் மொபைல் போன், செயலிக்கு, இந்த பாபா முத்திரையை தான், 'லோகோ'வாக வைத்து உள்ளது.
 

 

பதில் இல்லை

இந்த நிறுவனத்தின் உரிமையாளர் யாஷ் மிஸ்ரா, இதுகுறித்து, நடிகர் ரஜினி தரப்புக்கு எழுதியுள்ள கடிதத்தில்,'ஒன்றரை ஆண்டுகளுக்கு முன், எங்கள் நிறுவனத்தின் லோகோவாக, இதை பயன்படுத்துகிறோம்' என, தெரிவித்து உள்ளார்.

ஆனால், ரஜினி தரப்பிலிருந்து, இதுவரை பதில் எதுவும் வரவில்லை என, அந்த நிறுவனம் தெரிவித்து உள்ளது.

 

http://www.dinamalar.com/news_detail.asp?id=1934696

சொந்த புத்தி இல்லாதவரால் தொடங்கப்பட்ட கட்சி லோகோவை கூட காப்பாற்ற முடியாது இதை விட தினமும் புதுசு பதுசாய் ஊடகங்களுக்கு தீனி மட்டும் விழும் என்பதை நம்பலாம் அந்த கசமுசாவுக்குள் தமிழ்நாட்டு தேசியம் சாகடிககப்ட்டுவிடும் என்று தமிழ் எதிர்ப்பாளர்கள் எண்ணம் .பார்க்கலாம் எப்படி கையாள்கிறார்கள் என்று .

 இஸ்கூலில் மாணவர்கள் ஆசிரியரிடம் அவசரத்திற்கு கேட்பது போல கிடக்கு இந்த முத்தி(7 1/2)ரை

14 hours ago, நவீனன் said:

ரஜினிகாந்த் பயன்படுத்தும் ‘பாபா’ முத்திரைக்கு உரிமை கோரும் மும்பை நிறுவனம்

 

ரஜினிகாந்த் பயன்படுத்தும் ‘பாபா’ முத்திரை தங்களது நிறுவனத்தின் லோகோ போல இருப்பதாக மும்பையை சேர்ந்த நிறுவனம் ஒன்று உரிமை கொண்டாடி வருகிறது. #Rajinikanth #HandSymbol #BABA

 

தலீவர்ட கண்ணிலையும் முகத்திலையும் மரணரக்களை தெரியுது...