"சம்பந்தனுக்கு எதிர்கட்சி தலைவராக இருக்க முடியாது"

 

 

(இராஜதுரை ஹஷான்)

அரசாங்கத்தின் பங்காளியாக இருந்துக் கொண்டு இரா.சம்பந்தன் எதிர்கட்சி தலைவர் பதவியில் ஒருபொழுதும் இருக்க முடியாது. எனவே அவரை உடனடியாக பதவியில்  இருந்து நீக்க வேண்டும் என தெரிவித்த  முன்னாள் ஜனாதிபதி மஹிந்த ராஜபக்ஷ, ஸ்தீரமற்ற அரசாங்கத்தினால் நாட்டுக்கு எவ்வித பயனும் இல்லை. ஆகவே  நாட்டின் நலன் கருதி காலதாமதமின்றி பாராளுமன்றத்தை கலைத்து புதிய ஆட்சி அதிகாரத்தை உருவாக்க வேண்டும் எனவும் அவர் வலியுறுத்தியுள்ளார். 

தற்போது எதிர்கட்சி பதவி தொடர்பில் பாரிய கருத்து வேறுப்பாடுகள் காணப்படுகின்றது. தமிழ் தேசிய கூட்டமைப்பினர் பதவியை கூட்டு எதிர்கட்சிக்கு வழங்குவது பாராளுமன்ற சம்பிரதாயங்களுக்கு முரணானது என்று குறிப்பிடுவது, வேடிக்கையாகவே காணப்படுகின்றது. தேசிய அரசாங்கத்தின் பங்காளியாக மாத்திரம் செயற்படும் எதிர்கட்சி தலைவர் தனது பதவியின் கடமைகளை கடந்த மூன்று வருடகாலமாக மேற்கொள்ளாமல் ஒருதலைபட்சமாகவே செயற்படுகின்றார்.

கடந்த அமைச்சரவை கூட்டத்தில் கூட்டு எதிர்கட்சியை 50வீதமான மக்கள் கடந்த ஜனாதிபதி மற்றும் பாராளுமன்ற தேர்தலில் நிராகரித்துள்ளனர் என குறிப்பிட்டார். நாட்டு மக்களில் 93 வீதமானோல் தமிழ் தேசிய கூட்டமைப்பினை நிராகரித்ததை அவர் மறந்து விட்டார்.

 

எதிர்கட்சி தலைவர் என்ற பதவியானது அரசாங்கத்திற்கு எதிராகவே செயற்படவேண்டும் அப்போது தான் ஆளும் அரசாங்கம் நிர்வாகத்தினை முறையாக கொண்டு செல்ல முற்படும். ஆனால் இலங்கையில் அவை சாத்தியமற்றதாகவே காணப்படுகின்றது. பாராளுமன்றத்தில் எதிர்கட்சி பதவி ஒன்று உள்ளதா என்பது தொடர்பில் மக்கள் மத்தியில் பாரிய சந்தேகமாகவே காணப்படுகின்றது எனவும் அவர் தெரிவித்தார்.

கண்டி தலதா மாளிகையில் இன்று வழிபாடுகளை மேற்கொண்டதன் பின்னர் ஊடகவியலாளர்களுக்கு கருத்து தெரிவிக்கையில் அவர் மேற்கண்டவாறு தெரிவித்தார்.

http://www.virakesari.lk/article/30996

முழு நாட்டையும் பிரதிநிதித்துவப்படுத்தும் ஒருவரை எதிர்க்கட்சி தலைவராக்க வேண்டும்! மகிந்த

 

எதிர்க்கட்சி தலைவர் சம்பந்தன் தமிழீழத்தை கோருவதை தவிர வேறு எதினையும் செய்வதில்லை எனவும் இதனால் முழு நாட்டின் பிரச்சினையையும் கதைக்கும் எதிர்க்கட்சி தலைவர் ஒருவரை தெரிவு செய்ய வேண்டும் எனவும் முன்னாள் ஜனாதிபதி மகிந்த ராஜபக்‌ஷ தெரிவித்துள்ளார்.
கண்டியில் கெட்டம்பே விகாரையில் வைத்து ஊடகவியலாளர்களின் கேள்விகளுக்கு பதிலளிக்கும் போதே இவ்வாறு தெரிவித்துள்ளார்.
எதிர்க்கட்சியில் யார் அதிகமாக இருக்கின்றார்கள் என பார்க்க வேண்டும். 16 பேரா , 54 பேரா அதிகம். என பார்க்க வேண்டும். இதற்கு முன்னர் தமிழர்கள் எதிர்க்கட்சி தலைவராக இருந்துள்ளார்கள். அவர்கள் முழு நாட்டையுமே பிரதிநிதித்துவப்படுத்தினர். காலியில் பிரச்சினை என்றால் அங்கும் சென்று போராட்டங்களை நடத்தியுள்ளனர். இது போன்று முழு நாட்டுக்கும் உரிய பிரச்சினைகளை பேசுவார்கள். ஆனால் தற்போதுள்ளவர் ஈழத்தை கேட்பதை விட வேறு எதனையும் செய்வதில்லை. என அவர் தெரிவித்துள்ளார். -(3)

http://www.samakalam.com/செய்திகள்/முழு-நாட்டையும்-பிரதிநித/

இதை கேட்டு சம்பந்தன் ஐயா கோபப்பட போறார் எதிர்க்கட்சி பதவி வந்ததில் இருந்து தான் வாயே திறப்பதில்லை மகிந்த பொய் சொல்றார் என்று வெகு காட்டமா இருக்கிறார்ஆம் .

2 hours ago, பெருமாள் said:

இதை கேட்டு சம்பந்தன் ஐயா கோபப்பட போறார் எதிர்க்கட்சி பதவி வந்ததில் இருந்து தான் வாயே திறப்பதில்லை மகிந்த பொய் சொல்றார் என்று வெகு காட்டமா இருக்கிறார்ஆம் .

https://www.yarl.com/forum3/topic/209155-போக்கிலித்தனமான-மகிந்த-லாஜிக்/