முல்லைத்தீவிலும் திறந்து வைக்கப்படவுள்ள ‘அம்மாச்சி’ உணவகம்

வட மாகாண விவசாயத்திணைக்களத்தின் ஏற்பாட்டில் வடமாகாணம் எங்கும் ‘அம்மாச்சி’ என்றபேரில் பாரம்பரிய உணவகங்கள் திறக்கப்பட்டுவருகின்றது.

அதன் ஒரு கட்டமாக முல்லைத்தீவு மாவட்டம் மல்லாவி நகரில் அம்மாச்சி உணவகம் ஒன்று எதிர்வரும் வியாழக்கிழமை திறந்துவைக்கப்படவுள்ளது.

முல்லைத்தீவு பிரதி மாகாண விவசாயப்பணிப்பாளர் தலைமையில் இடம்பெறும் இந்த நிகழ்விற்கு முல்லைத்தீவு அபிவிரத்தி ஒருங்கிணைப்பக்குழுத் தலைவரும் முன்னாள் நாடாளுமன்ற உறுப்பினருமான சதாசிவம் கனகரத்தினம் பிரதம விருந்தினராக கலந்துகொண்டு கட்டடத்தினை திறந்துவைக்கவுள்ளார்.

இதன் மூலம் மல்லாவி மக்களுக்கு பாரம்பரிய உணவு வகைகளை பெற்றுக் கொள்வதற்கு சந்தர்ப்பம் கிட்ட உள்ளது.

இதேவேளை அன்றைய தினம் அம்மாச்சி உணவகத்திற்கு அருகில் அமைக்கப்பட்டுள்ள விவசாயப்பயிற்சி நிலைய கட்டடமும் திறந்துவைக்கப்பட உள்ளமை குறிப்பிடத்தக்கது.

http://athavannews.com/முல்லைத்தீவிலும்-திறந்த/

வாழ்த்துக்கள்.. 💐 தனியாரில் விலை ஒப்பிட்டளவில் பார்க்க 1 ரூபாய்க்கு தாராளமா 1 இட்டலி கொடுக்கலாம்.. கொடுத்து விடுங்கப்பா..👌

இரணைமடுக்கு அருகில் ’அம்மாச்சி’ வந்தது

             2019 டிசெம்பர் 29 , பி.ப. 01:34

கிளிநொச்சி - இரணைமடு குளத்துக்கு அண்மையில் நிர்மாணிக்கப்பட்ட அம்மாச்சி உணவகக் கட்டடம், அமைச்சர் டக்கஸ் தேவானந்தாவால், இன்று (29) திறந்து வைக்கப்பட்டது.

உள்ளக, உள்நாட்டலுவல்கள், மாகாண சபைகள் மற்றும் உள்ளுராட்சி அமைச்சின் நிதி ஒதுக்கீட்டிலும் வடக்கு மாகாண விவசாய அமைச்சின் நிதி பங்களிப்பிலுமென, சுமார் 56 இலட்சத்து 68 ஆயிரம் ரூபாய் செலவில் குறித்த கட்டடம் நிர்மாணிக்கப்பட்டுள்ளது.

குறித்த அம்மாச்சி உணவகத்தின் ஊடாக பாரம்பரிய மற்றம் இயற்கையான உணவுகளை உற்பத்தி செய்து, குறைந்த விலையில் மக்களுக்கு வழங்குவதற்காகவும் சுற்றுலா துறையை மேம்படுத்தும் நோக்குடனும் குறித்த பகுதியில் அம்மாச்சி உணவகம் திறக்கப்பட்டுள்ளது.

இந்நிகழ்வில், வடக்கு மாகாண சபையின் முன்னாள் உறுப்பினர் வை.தவநாதன், கிளிநொச்சி மாவட்ட மேலதிகச் செயலாளர் எஸ் சத்தியசீலன், கரைச்சி பிரதேச செயலாளர் டி.முகுந்தன் உள்ளிட்ட பலர் கலந்துகொண்டனர்.

http://www.tamilmirror.lk/வன்னி/இரணைமடுக்கு-அருகில்-அம்மாச்சி-வந்தது/72-243119

 

மன்னாரில் ’அம்மாச்சி உணவகம்’ திறந்து வைப்பு

2019 டிசெம்பர் 23 , பி.ப. 05:56

மன்னார் மாவட்ட செயலகத்துக்கு முன்பாக அமைக்கப்பட்ட அம்மாச்சி உணவகம், இன்று (23) மாலை 3 மணியளவில் திறந்து வைக்கப்பட்டது.

 

மன்னார் பிரதி மாகாண விவசாய பணிப்பாளர் கே.எம்.ஏ.சுகூர் தலைமையில் நடைபெற்ற குறித்த நிகழ்வில், மன்னார் மாவட்டச் செயலாளர் சி.ஏ.மோகன்றாஸ், மன்னார் நகர சபை தவிசாளர் ஞானப்பிரகாசம் அன்டனி டேவிட்சன்,  வடமாகாண விவசாய அமைச்சின் செயலாளர் தெய்வேந்திரன், வடமாகாண விவசாய பணிப்பாளர் எஸ்.சிவகுமார் உள்ளிட்ட பலர் கலந்துகொண்டனர்.

http://www.tamilmirror.lk/வன்னி/மன்னாரில்-அம்மாச்சி-உணவகம்-திறந்து-வைப்பு/72-242898

அம்மாச்சி உணவகங்கள் ஊடாக தரமான உணவு நியாய விலையில் கிடைத்து தாயக உறவுகளுக்கும் வேலை வாய்ப்பு கிடைத்தால் மகிழ்ச்சியே.

இதில் சிங்கள போர்க்குற்ற இராணுவமும் அதன் எடுபிடிகளும் இருக்காது என நம்புவோம்.

On 12/31/2019 at 5:47 PM, தமிழ் சிறி said:

மல்லாவி மக்களுக்கு

முல்லைத்தீவு எங்க இருக்குது? மல்லாவி எங்க இருக்குது?

’வடக்குக்கான அபிவிருத்தியை ராஜபக்ஷ குடும்பமே செய்தது’

வடக்குக்கான அபிவிருத்தியை, மஹிந்த ராஜபக்‌ஷவின் குடும்பமே செய்து கொடுத்ததென்பதை, யாரும் மறந்திருக்க மாட்டார்களென, முல்லைத்தீவு மாவட்ட அபிவிருத்திக்குழுத் தலைவர் ச.கனகரத்தினம் தெரிவித்தார்.

முல்லைத்தீவு - மல்லாவி நகர்ப் பகுதியில் அமைக்கப்பட்ட அம்மாச்சி உணவகம், இன்று (02) திறந்து வைக்கப்பட்டது. இதில் கலந்துகொண்டு உரையாற்றும் போதே, அவர் இவ்வாறு தெரிவித்தார்.

அங்கு தொடர்ந்துரையாற்றிய அவர், இந்த அரசாங்கம், முல்லைத்தீவு மாவட்டத்துக்கான அபிவிருத்தியைச் செய்யக்கூடிய வாய்ப்பைத் தந்துள்ளதாகவும் நல்ல அபிவிருத்தியைச் செய்வதற்கு, எல்லோரும் தயாராக வேண்டுமெனவும் கோரினார்.

அபிவிருத்தி வேலைத்திட்டத்தின் ஒரு பகுதியாகவே, இந்த அம்மாச்சி உணவகம் திறக்கப்பட்டுள்ளதெனவும் தெரிவித்த அவர், இந்த உணவகத்தை, வடமாகாணம் முழுவதும் திறக்க நடவடிக்கை எடுக்கப்பட்டுள்ளதாவும் கூறினார்.

http://www.tamilmirror.lk/வன்னி/வடக்குக்கான-அபிவிருத்தியை-ராஜபக்ஷ-குடும்பமே-செய்தது/72-243381

15 hours ago, Rajesh said:

முல்லைத்தீவு எங்க இருக்குது? மல்லாவி எங்க இருக்குது?

மல்லாவி, முல்லைத்தீவு மாவட்டத்தில்தான் இருக்கிறது. மாங்குளமும் இப்படியே. முல்லைதீவு மாவட்டத்தின் ஒரே ரயில் நிலையம்- மாங்குளம்.

எம் மக்களின் அழிவுக்கு காரணமான இவர்களை வரவழைத்து திறந்து வைப்பதிலும்.. இப்படியானவர்களைக் கொண்டு ஒரு காணொளி செய்தாலே உல்லாசப் பயணத்துறை ஊரில் சிறக்கும்.

 

 

On 1/2/2020 at 8:41 PM, goshan_che said:

மல்லாவி, முல்லைத்தீவு மாவட்டத்தில்தான் இருக்கிறது. மாங்குளமும் இப்படியே. முல்லைதீவு மாவட்டத்தின் ஒரே ரயில் நிலையம்- மாங்குளம்.

ம்ம்ம்.
முல்லைத்தீவு மாவட்டத்தில் .. என்டு தலைபிருந்தால் நல்லாயிருந்திருக்கும்.
மல்லாவிக்கும் முல்லைத்தீவுக்கும் 70 km தூரமிருக்கும்.