மரணம் வரையில் அதிகாரத்தில் இருக்க ராஜபக்ஷ ஆட்சி மீண்டும் முயற்சி: ஹர்ஷன ராஜகருணா

[பிழம்பு]

(எம்.மனோசித்ரா)
மஹிந்த ராஜபக்ஷ ஆட்சி காலத்தில் 18 ஆவது அரசியலமைப்பு திருத்தத்தினைக் கொண்டு வந்து அதன் மூலம் மரணம் வரையில் அதிகாரத்தில் இருக்கலாம் என்ற தீர்மானத்தை எடுப்பதற்கே பாராளுமன்றத்தில் மூன்றில் இரண்டு பெரும்பான்மை பயன்படுத்தப்பட்டதேயன்றி மக்களின் சேவைகளுக்காக அல்ல.

அதே போன்ற முயற்சியே தற்போதும் முன்னெடுக்கப்படுகின்றது என்று ஐக்கிய தேசிய கட்சியின் பாராளுமன்ற உறுப்பினர் ஹர்ஷன ராஜகருணா தெரிவித்தார்.



அத்தியாவசிய பொருட்களின் விலை அதிகரிப்பால் மக்களின் வாழ்வாதாரம் பாதிக்கப்பட்டுள்ளது. கடந்த அரசாங்கத்தால் வழங்கப்பட்டுள்ள நிவாரணங்களும் நிறுத்தப்பட்டுள்ளன.

பல்கலைகழக மாணவர்களுக்கு புலமை பரிசில் கடந்த இரண்டு மாதங்களாக வழங்கப்படவில்லை. இதற்கு எதிர்ப்பு தெரிவித்து கடந்த வாரம் ஆர்பாட்டத்தில் ஈடுபட்ட மாணவர்களை அழைத்து தீர்வு தருவதைப் போன்று ஊடகங்களுக்கு முன்னாள் பாசாங்கு காண்பிக்கின்றனர். உண்மையில் அந்த மாணவர்களுக்கான தீர்வு வழங்கப்படவில்லை. அரச ஊழியர்களுக்கான சம்பள அதிகரிப்பும் நிறுத்தப்பட்டுள்ளது.

கடந்த அரசாங்கத்தின் மீது மக்களிடையே அதிருப்தியை ஏற்படுத்துவதற்காக அரச மருத்துவ அதிகாரிகள் சங்கம் உள்ளிட்ட சில அமைப்புக்களும் தொழிற்சங்கங்களும் திட்டமிட்டு அரசியல் நோக்கத்திற்காக செயற்பட்டன. அவர்களது நோக்கம் நிறைவேறிய பின்னர் தற்போது அமைதியாக இருக்கின்றனர்.

வாக்களிக்கதாவர்களும் நாட்டில் மாற்றங்களை எதிர்பார்த்தனர். ஆனால் அவர்கள் எதிர்பார்த்த மாற்றங்களுக்கு பதிலாக முன்னரைப் போன்று குடும்ப ஆட்சியும் சகோதர நியமனங்களுமே இடம்பெற்றுக் கொண்டிருக்கின்றன. அரச திணைக்களங்களுக்கும் குடும்ப நியமனங்களே வழங்கப்படுகின்றன.

எதிர்க்கட்சி தலைவர் அலுவலகத்தில் இன்று திங்கட்கிழமை நடைபெற்ற ஊடகவியலாளர் சந்திப்பின் போதே ஐக்கிய தேசிய கட்சியின் பாராளுமன்ற உறுப்பினர் ஹர்ஷன ராஜகருணா தெரிவித்தார்.

 

https://www.virakesari.lk/article/73175

[Vankalayan]

இவர் சொல்வது உண்மையாக இருந்தாலும் மக்களுக்கு வேறு வழி இல்லை। உங்களுக்கு ஒரு சரியான தலைமை இல்லை। தவறு செய்தவர்களை தண்டிக்கவில்லை। களவு மோசடிகளில் கையும் களவுமாக பிடிப்படிடீர்கள்। இப்போது உங்களின் உரையாடலால் வெளிவந்து கொண்டிருக்கும் செய்திகளை பார்க்கும்போது எப்படி நீங்கள் சடடத்தை வளைத்து நல்லாட்சி செய்தீர்கள் என்று தெரிகிறது। இன்னும் என்னென்ன வெளி வருமோ தெரியாது। எனவே மக்களுக்கு வேறு வழி இப்போதைக்கு இல்லை। நீங்கள் உங்களை நேர்மையானவர்கள் என்று நிரூபிக்கும் வரையும்  இதே நிலைமைதான்। அதட்காக இந்த ஆட்சி நல்லாட்சியோ , ஊழலற்ற ஆட்சி என்றோ அர்த்தமல்ல।