பாதாள உலகத் தலைவன் அங்கொட லொக்கா இந்தியாவில் படுகொலை ; இலங்கையிலிருந்து சென்ற பெண் பானத்தில் விஷம் கலந்து கொலை செய்துள்ளதாக தகவல்

( எம்.எப்.எம்.பஸீர்)

 பாதாள உலகத் தலைவன் அங்கொட லொக்கா இந்தியாவில் படுகொலை செய்யப்பட்டுள்ளதாக பாதுகாப்புத் தரப்பின் தகவல்கள் தெரிவித்தன.

இலங்கையில் இருந்து சென்றுள்ள பெண் ஒருவரே அவரை சக்தி பானம் ஒன்றில் விஷம் கலந்து கொலை செய்துள்ளதாக அந்த தகவல்கள்  தெரிவித்தன.

பாதுகாப்புத் தரப்பின்  உள்ளக தகவல்கள் பிரகாரம் அறிய முடிவதாவது,

கடந்த 2019 பெப்ரவரி மாதம் 27 ஆம் திகதி பாதாள உலகக்கோஷ்டியின் தலைவர்களில் ஒருவரான சமயங் உள்ளிட்ட சில கைதிகளை ஏற்றிச்சென்ற சிறைச்சாலை பஸ் மீது துப்பாக்கிப் பிரயோகம் மேற்கொள்ளப்பட்டு அவர்கள் கொலை செய்யப்பட்ட சம்பவத்தை அடுத்து, அதன் பிரதான சூத்திரதாரியாக கருதப்படும் அங்கொட லொக்கா இந்தியாவுக்கு தப்பிச் சென்றிருந்தார்.

இந் நிலையிலேயே இந்தியாவில் அங்கொட லொக்கா மறைந்திருந்த நிலையில், இலங்கையில் இருந்து அங்கு சென்று அங்கொட லொக்காவுடன் இருந்ததாக கூறப்படும்  அழகுக் கலை நிலைய பெண் ஒருவர் இவ்வாறு சக்தி பானம் ஒன்றில் விஷம் கலந்து அங்கொட லொக்காவை கொலைசெய்துள்ளதாக பாதுகாப்புத் தரப்பின் உள்ளக தகவல்கள் தெரிவித்தன.  

இந்த விஷம் கலந்த பானத்தை அருந்தி அங்கொட லொக்கா வைத்தியசாலையிலும் சுமார் ஒரு வாரம் வரை இருந்த நிலையிலேயே உயிரிழந்துள்ளதாகவும், அவரது இறுதிக் கிரியைகள் கூட அங்கேயே இடம்பெற்றுள்ளதாகவும் கூறப்படும் நிலையில் அது தொடர்பில் உளவுத் துறையினர் விசாரணைகளை ஆரம்பித்துள்ளனர்.

 இது தொடர்பில் பொலிஸ்  ஊடகப் பேச்சாளர்  சிரேஷ்ட பொலிஸ் அத்தியட்சர் ஜாலிய சேனாரத்னவிடம் வீரகேசரி வினவிய போது, தமக்கு உத்தியோகபூர்வமாக அத்தகைய தகவல்கள் எதுவும் கிடைக்கவில்லை என கூறினார்.

 எனினும் இது தொடர்பில் பொலிஸ் உயர் அதிகாரி ஒருவர்  தகவல் தருகையில், தமக்கு உத்தியோகபூர்வ தகவல்கள் கிடைக்காத போதும், அவ்வாறான தகவல் ஒன்று கிடைத்ததாகவும் அது தொடர்பில் தொடர்ந்து விசாரணைகள் இடம்பெறுவதாகவும் கூறினார்

 

https://www.virakesari.lk/article/86505

 

அங்கொட லொக்கா விஷம் வைத்து கொலை!

 

பாதாளக் குழுத் தலைவர் சந்தன லசந்த பெரேரா எனும் அங்கொடை லொக்கா இந்தியாலில் விஷம் வைத்து கொல்லப்பட்டுள்ளார் என்று சிங்கள ஊடகங்கள் இன்று (23) செய்தி வெளியிட்டுள்ளன.

இந்தியாவில் லொக்காவுடன் வசித்து வரும் முல்லேரிய ரஹ்மான் என்பவரின் மனைவி உணவில் விஷம் கலந்து லொக்காவை கொன்றதாக அந்த செய்திகளில் கூறப்பட்டுள்ளனர்.

இதனையடுத்து குறித்த செய்தியின் உண்மைத்தன்மை தொடர்பில் பொலிஸ் விசாரணைகள் ஆரம்பிக்கப்பட்டுள்ளது.

அங்கொட லொக்காவுக்கு பல்வேறு போதைப் பொருள் கடத்தல்கள், கொலைகள் மற்றும் சிறைச்சாலை பஸ் மீது தாக்குதல் மேற்கொண்ட சம்பவங்களில் தொடர்புள்ளமை குறிப்பிடத்தக்கது.

https://newuthayan.com/அங்கொட-லொக்கா-விஷம்-வைத்/

இந்த பெண்ணின் கணவர் அவரால் கொல்லப்பட்டது என்று தெரிந்தும் அதால் பெரிதாய் பாதிப்பு இல்லாத மாதிரி நடித்து  ,நட்பு பாராட்டி ,காதலித்து கொலை செய்து விட்டால் பத்தினி 😂

இவர் தனது இந்த கிரிமினல் அவதாரத்தினை முடித்து, வேறு பெயரில் புது அவதாரம் எடுத்து, நாட்டுக்குள் வர முனைகிறார் என்றும், அதற்காகவே இந்த விச உணவு கதை விடுகிறார் என்கிறார்கள் இலங்கை போலீசார். 🤦‍♀️

Edited July 23, 20205 yr by Nathamuni