கண்ணியத்தை கடைபிடிங்க.. அப்டேட் கேட்ட ரசிகர்களுக்கு ‘குட்டு’ வைத்த அஜித்.. பரபரப்பு அறிக்கை!

சென்னை: வலிமை படத்தின் அப்டேட் கேட்டு அலப்பறை செய்து வரும் ரசிகர்களுக்கு 'குட்டு' வைப்பது போல பரபரப்பு அறிக்கையை தல அஜித் வெளியிட்டுள்ளார்.

எங்கே சென்றாலும், யாரை பார்த்தாலும் வலிமை படத்தின் அப்டேட் கேட்டு வந்த ரசிகர்கள், நேற்று பிரதமர் மோடியின் கார் வரும் போது வலிமை அப்டேட் கேட்டு கூச்சலிட்டது பெரும் சலசலப்பை உண்டாக்கி உள்ளது

அதன் எதிரொலியாகவே தயாரிப்பாளர் போனி கபூர், தல அஜித் அடுத்தடுத்து அறிக்கைகளை வெளியிட்டு வருகின்றனர்.

அஜித் அப்செட்

வலிமை படம் குறித்த அப்டேட்களை தல ரசிகர்கள் தொடர்ந்து கேட்டு நச்சரித்து வந்த நிலையில், அதை எல்லாம் கவனித்து வந்த நடிகர் அஜித் ரொம்பவே அப்செட்டாகி உள்ளார். சமீபத்தில் தமிழக முதல்வர் தேர்தல் பிரச்சாரம் செய்த போது அவரிடம் ரசிகர்கள் அப்டேட் கேட்டனர். மேலும், கிரிக்கெட் வீரர்களிடம் அப்டேட் கேட்டது. எல்லாத்தையும் தாண்டி பிரதமர் மோடியிடமே அப்டேட் கேட்டது அஜித்தை ரொம்பவே அப்செட் ஆக்கி உள்ளது.

போனி கபூர் ட்வீட்

இதை அறிந்த தயாரிப்பாளர் போனி கபூர், ரசிகர்களை சாந்தப்படுத்தும் விதமாக இன்று அதிகாரப்பூர்வமாக ஒரு ட்வீட்டை வெளியிட்டு இருந்தார். விரைவில் வலிமை படத்தின் ஃபர்ஸ்ட் லுக் வெளியாகும் எனவும், ரசிகர்களின் ஆர்வத்தை நாங்கள் மதிக்கிறோம் என்றும் கூறியிருந்தார்.

பரபரப்பு அறிக்கை

இந்நிலையில், தற்போது தனது மேனேஜர் சுரேஷ் சந்திரா மூலம் தனது ரசிகர்களை கண்ணியம் காக்க சொல்லி தல அஜித்தே பரபரப்பான அறிக்கையை வெளியிட்டுள்ளது ஒட்டுமொத்த திரையுலகையும் அதிர்ச்சியில் ஆழ்த்தி உள்ளது. எந்த அழுத்தம் காரணமாக இப்படி அஜித் அறிக்கை வெளியிட்டுள்ளார் என்றும் தெரியவில்லை.
உண்மையான ரசிகர்களுக்கு

என் மீதும் என் படங்களின் மீதும் அபரிமிதமான அன்பு கொண்டு இருக்கும் எதையும் எதிர்பாராத அன்பு செலுத்தும் என் உண்மையான ரசிகர்களுக்கும் மக்களுக்கும் என் மனமார்ந்த வணக்கம். கடந்த சில நாட்களாக என் ரசிகர்கள் என்ற பெயரில் நான் நடித்து இருக்கும் வலிமை சம்பந்தப்பட்ட அப்டேட்ஸ் கேட்டு வருகின்றனர்.

வருத்தமுற செய்கிறது

அரசு, அரசியல், விளையாட்டு மற்றும் பல்வேறு இடங்களில் சிலர் செய்யும் செயல்கள் என்னை வருத்தமுற செய்கிறது. முன்னரே அறிவித்தபடி படம் குறித்த செய்திகள் உரிய நேரத்தில் வரும். அதற்கான காலத்தை, நேரத்தை நான் தயாரிப்பாளருடன் ஒருங்கிணைந்து நிர்ணயம் செய்வேன். அதுவரை பொறுமையுடன் காத்திருக்கவும்.

உங்களுக்கு பொழுதுபோக்கு

உங்களுக்கு சினிமா ஒரு பொழுதுபோக்கு மட்டுமே, எனக்கு சினிமா ஒரு தொழில், நான் எடுக்கும் முடிவுகள், என் தொழில் மற்றும் சமூக நலன் சார்ந்தவை. நம் செயல்களே சமூகத்தில் நம் மீது உள்ள மரியாதையை கூட்டும்.
கண்ணியத்தை கடைபிடிங்க

இதை மனதில் வைத்துக் கொண்டு ரசிகர்கள் பொது வெளியிலும், சமூக வலைதளங்களிலும் கண்ணியத்தையும் கட்டுப்பாட்டையும் கடைபிடிக்க வேண்டும் என கேட்டுக் கொள்கிறேன். என் மேல் உண்மையான அன்பு கொண்டவர்கள் இதை உணர்ந்து செயல்படுவார்கள் என நம்புகிறேன். நன்றி, என்றும் அன்புடன் அஜித் குமார் என கையெழுத்தையும் போட்டு இந்த அறிக்கையை வெளியிட்டுள்ளார்.

ரசிகர்கள் இல்லை

தல அஜித்தின் வார்த்தையை மீறி இப்படி வலிமை அப்டேட்டை பல இடங்களிலும் கேட்டு தொல்லை செய்பவர்கள் தனது ரசிகர்களே இல்லை என்கிற தொனியிலேயே இந்த அறிக்கையை அஜித் வெளியிட்டுள்ளார். இனிமேலாவது அஜித் ரசிகர்கள் அப்டேட் அலப்பறையை நிறுத்துவார்களா என்று பார்ப்போம்.!

https://tamil.filmibeat.com/news/actor-ajith-officially-statement-to-his-fans-who-asking-valimai-update-080298.html

டிஸ்கி:

நாட்டில் அவனவன் குடிக்க கூழ் கஞ்சிக்கு அலையுறான் .. தூக்கி அந்தமான் செல்லில் போடுங்கள்..👍

வலிமை 'அப்டேட்' கண்ட இடங்களில் கேட்கும் ரசிகர்கள்; அஜித் கடுமையான அறிக்கை

 

பட மூலாதாரம்,AJIT FANS TWITTER

தான் நடித்துவரும் வலிமை திரைப்படம் பற்றிய தகவல்கள் பலரிடமும் தன் ரசிகர்கள் கேட்டுவருவது தன்னை வருத்தமடையச் செய்வதாக அஜீத்குமார் கண்டனம் தெரிவித்திருக்கிறார். அந்தத் திரைப்படம் குறித்து உரிய நேரத்தில் தகவல்கள் வெளிவருமென அவர் கூறியிருக்கிறார்.

இது தொடர்பாக அஜித் வெளியிட்டிருக்கும் அறிக்கையில், "கடந்த சில நாட்களாக என் ரசிகர்கள் என்ற பெயரில் நான் நடித்திருக்கும் வலிமை சம்பந்தப்பட்ட updates கேட்டு அரசு, அரசியல், விளையாட்டு மற்றும் பல்வேறு இடங்களில் பலர் செய்துவரும் செயல்கள் என்னை வருத்தமுறச் செய்கின்றன.

 

முன்னரே அறிவித்தபடி படம் குறித்த செய்திகள் உரிய நேரத்தில் வரும். அதற்கான காலத்தை, நேரத்தை நான் தயாரிப்பாளருடன் ஒருங்கிணைந்து நிர்ணயம் செய்வேன். அதுவரை பொறுமையுடன் காத்திருக்கவும். உங்களுக்கு சினிமா ஒரு பொழுதுபோக்கு மட்டுமே. எனக்கு சினிமா ஒரு தொழில். நான் எடுக்கும் முடிவுகள் என் தொழில் மற்றும் சமூக நலன் சார்ந்தவை. நம் செயல்களே சமூகத்தில் நம் மீது உள்ள மரியாதையைக் கூட்டும்.

இதை மனதில் கொண்டு ரசிகர்கள் பொது வெளியிலும் சமூகவலைதளங்களிலும் கண்ணியத்தையும் கட்டுப்பாட்டையும் கடைப்பிடிக்க வேண்டும் எனக் கேட்டுக்கொள்கின்றேன். என் மேல் உண்மையான அன்பு கொண்டவர்கள் இதை உணர்ந்து செயல்படுவார்கள் என நம்புகிறேன்" என்று அஜித் தெரிவித்துள்ளார்.

• அஜித் ரசிகர் மன்றங்களை கலைத்தது ஏன் தெரியுமா? - சுவாரஸ்ய தகவல்கள்
• வலிமை திரைப்படம்: அஜித்தின் வில்லன் யார் தெரியுமா? - கோலிவுட் தகவல்கள்

போனி கபூரின் தயாரிப்பில் அஜீத் தற்போது நடித்துவரும் திரைப்படம் வலிமை. இந்தப் படத்தை எச். வினோத் இயக்குகிறார். இந்தப் படம் குறித்த அறிவிப்பு 2019ஆம் ஆண்டு ஆகஸ்ட் மாதம் வெளியானது. டிசம்பர் மாதம் படத்தின் பணிகள் துவங்கின. 2020 தீபாவளியை ஒட்டி இந்தப் படத்தை வெளியிட திட்டமிடப்பட்டிருந்தது. ஆனால், கோவிட் - 19 காரணமாக படப்பிடிப்பு நடுவில் நிறுத்தப்பட்டது. இந்தப் படம் குறித்த செய்திகள் பெரிதாக வெளியாகவில்லை.

இந்த நிலையில், அஜித் குமாரின் ரசிகர்கள் அவ்வப்போது ட்விட்டரில் வலிமை படத்தின் அப்டேட் குறித்து கேட்பதை வழக்கமாக வைத்திருந்தனர். பிரபலங்களையும் tag செய்துவந்தனர். இது பல தருணங்களில் கேலிக்குள்ளானது.

Twitter பதிவை கடந்து செல்ல, 1

Twitter பதிவின் முடிவு, 1

இந்த நிலையில், இன்று பிற்பகல் படத்தின் தயாரிப்பாளரான போனி கபூர், விரைவில் வலிமை படத்தின் பார்ஸ்ட் லுக் காட்சி வெளியிடப்படுமென அறிவித்தார்.

"வலிமை மீது நீங்கள் காட்டும் நேசம் என்னை நெகிழச் செய்தது. படத்தின் ஃபர்ஸ்ட் லுக்கில் தற்போது பணியாற்றிக்கொண்டிருக்கிறோம். விரைவில் அது வெளியாகும்வரை காத்திருங்கள்" என்று குறிப்பிட்டிருந்தார். இதற்கு சில மணி நேரங்கள் கழித்து அஜித்தின் இந்த அறிக்கை வெளியாகியிருக்கிறது.

 

வலிமை 'அப்டேட்' கண்ட இடங்களில் கேட்கும் ரசிகர்கள்; அஜித் கடுமையான அறிக்கை - BBC News தமிழ்

 

6 hours ago, புரட்சிகர தமிழ்தேசியன் said:

டிஸ்கி:

நாட்டில் அவனவன் குடிக்க கூழ் கஞ்சிக்கு அலையுறான் .. தூக்கி அந்தமான் செல்லில் போடுங்கள்..👍

புரட்சியர்! கட்டிடம் வடிவாய் கிடக்கு ஆர் கட்டினது?

6 hours ago, புரட்சிகர தமிழ்தேசியன் said:

எங்கே சென்றாலும், யாரை பார்த்தாலும் வலிமை படத்தின் அப்டேட் கேட்டு வந்த ரசிகர்கள், நேற்று பிரதமர் மோடியின் கார் வரும் போது வலிமை அப்டேட் கேட்டு கூச்சலிட்டது பெரும் சலசலப்பை உண்டாக்கி உள்ளது

ஏன்டா இவன்கடை ரவுசுக்கு எல்லையே  இல்லியா மோடி வரும்போது இவங்கள் கெத களிக்க  அந்த மனுஷன் கோ பாக் மோடியின்  புதிய ஆஃப்டேட் என்று நினைத்து எடப்பாடியை துவம்சம் பண்ண தேவையாடா இதெல்லாம் .

5 hours ago, குமாரசாமி said:

புரட்சியர்! கட்டிடம் வடிவாய் கிடக்கு ஆர் கட்டினது?

வெள்ளையள்தான்.. சுதந்திரத்திற்கு போராடியவர்களை அங்கே அடைத்தவை .. இன்றும் ஊரில் சண்டிதனம் செய்பவர்களை அங்கே கொண்டு அடைக்க வேண்டும் என்று கதைப்பதுண்டு..☺️..😊

9 hours ago, புரட்சிகர தமிழ்தேசியன் said:

வெள்ளையள்தான்.. சுதந்திரத்திற்கு போராடியவர்களை அங்கே அடைத்தவை .. இன்றும் ஊரில் சண்டிதனம் செய்பவர்களை அங்கே கொண்டு அடைக்க வேண்டும் என்று கதைப்பதுண்டு..☺️..😊

சசிகலாவை ஏன் அந்த மானுக்கு அனுப்பேல்லை? 

1 hour ago, குமாரசாமி said:

சசிகலாவை ஏன் அந்த மானுக்கு அனுப்பேல்லை? 

அந்தமான் சிறைய நினைவு சின்னமா மாற்றி ஆச்சலோ தோழர் .. கடைசியா "சிறைசாலை" எண்ட திரைபடத்தை எடுக்க அனுமதித்ததாக நினைவு..👍

5 hours ago, புரட்சிகர தமிழ்தேசியன் said:

அந்தமான் சிறைய நினைவு சின்னமா மாற்றி ஆச்சலோ தோழர் .. கடைசியா "சிறைசாலை" எண்ட திரைபடத்தை எடுக்க அனுமதித்ததாக நினைவு..👍

தகவலுக்கு நன்றி தோழர்.👍🏽
எனக்கு நினைவுச்சின்னமாக மாற்றியது தெரியாது.