இராணுவத்தில் இணைந்தால்தான் வேலைவாய்ப்பு என்ற நிலைமை வடக்கு கிழக்கில் காணப்படுகின்றது- சார்ள்ஸ்

வடக்கு- கிழக்கில் இராணுவத்தில் இணைந்தால்தான் வேலைவாய்ப்பு என்ற நிலைமையே தற்போது காணப்படுகின்றதென நாடாளுமன்ற உறுப்பினர் சார்ள்ஸ் நிர்மலநாதன் தெரிவித்துள்ளார்.

நேற்று (ஞாயிற்றுக்கிழமை) முல்லைத்தீவு, வற்றாப்பளையில் நடைபெற்ற நிகழ்வில் கலந்துகொண்டு கருத்து தெரிவிக்கும்போதே அவர் இவ்வாறு குறிப்பிட்டுள்ளார்.

குறித்த நிகழ்வில் சார்ள்ஸ் நிர்மலநாதன் மேலும் கூறியுள்ளதாவது, “ வடக்கு- கிழக்கிலுள்ள இளைஞர், யுவதிகளுக்கு கல்வி மற்றும் அவர்களின் திறமைக்கேற்ற வேலைகளை வழங்க அரசாங்கம் நடவடிக்கை மேற்கொள்வில்லை.

அதற்கு மாறாக இங்குள்ள இளைஞர்கள் இராணுவத்தில் இணைந்தால்தான் வேலைவாய்ப்பு என்ற நிலைமை தற்போது ஏற்பட்டுள்ளது.

ஆகவே நாம் அனைவரும் எந்ததொரு ஆட்சிக்கும் அடிபணியாமல் எம்முடைய மொழி, இனம் மற்றும் கலாசாரம் ஆகியவற்றுக்கு முன்னுரிமை கொடுத்து ஒன்றாக இணைந்து பயணிக்க வேண்டும்” என அவர் குறிப்பிட்டுள்ளார்.

https://athavannews.com/2021/1210648

12 hours ago, தமிழ் சிறி said:

ஆகவே நாம் அனைவரும் எந்ததொரு ஆட்சிக்கும் அடிபணியாமல் எம்முடைய மொழி, இனம் மற்றும் கலாசாரம் ஆகியவற்றுக்கு முன்னுரிமை கொடுத்து ஒன்றாக இணைந்து பயணிக்க வேண்டும்” என அவர் குறிப்பிட்டுள்ளார்.

https://athavannews.com/2021/1210648

ஆக மொத்தமா சாவடிக்கலாம் என சொல்லுங்க 

17 hours ago, தமிழ் சிறி said:

வடக்கு- கிழக்கிலுள்ள இளைஞர், யுவதிகளுக்கு கல்வி மற்றும் அவர்களின் திறமைக்கேற்ற வேலைகளை வழங்க அரசாங்கம் நடவடிக்கை மேற்கொள்வில்லை.

அப்பிடியெல்லாம் இல்லை. வடக்கு,  கிழக்கில்  கல்வி வீழ்ச்சியடைந்து விட்டது போருக்கு பிறகு. அதற்கு முந்திய காலங்களில்: தமிழருக்கு,  அவரவர் கல்வி தரத்திற்கேற்ப  பல அரச இலாக்காக்களில் வேலைவாய்ப்பு வழங்கியிருக்கிறது அரசு. சும்மா அரசுமேல் பழிசுத்தக்கூடாது! 

உண்மையை கதைக்க வேண்டுமென்றால்; வெளிநாட்டிலிருந்துதான் கதைக்க வேண்டுமாம். உள்நாட்டிலிருப்பவர்கள் அரசுக்கு வக்காலத்து வாங்கவும், இராணுவ அடக்குமுறைகளை நிஞாயப்படுத்தவும், ஒட்டுக்குழுக்களுக்குவெள்ளையடிக்கவும் வேண்டுமாம்.

தமிழரின் இழந்த உரிமைகள் பற்றிப் பேசுவதே சிலருக்கு இப்போது அருவருப்பாக இருக்கிறதென்றால் பார்த்துக்கொள்ளுங்களேன். 

உங்களுக்கு வேலை வாய்ப்பும், அபிவிருத்தியும் தேவையென்றீர்கள், சரி நல்லதுதான். அதற்காக உரிமைகள் வேண்டாம், அடிமையாக இருக்கிறோம் என்பது எந்த விதத்தில் நியாயம்? 

இலங்கையின்  வரவு செலவுத்திட்டத்தில் முக்காற்பங்கு பணத்தை விழுங்கவது இராணுவம். நிலைமை இப்படி இருக்க; படித்தவர்களுக்கு வேலை வழங்கி, சம்பளம் கொடுக்க அரசு வெளிநாடுகளில் கடன் வாங்கி குவிக்கிறதாம். அப்படியாயின் அரசு ஒதுக்கும் பணம் யாருக்கு? தமிழ் இராணுவத்துக்கு எவ்வளவு சம்பளம் வழங்கப்படப் போகிறது? இதற்கு பின்னால் உள்ள திட்டம் என்ன, என்பது வெளியே வர சிறிது காலம் எடுக்கும்.