பௌத்த தொலைக்காட்சிக்கு தமிழர் ஒருவர் நிதி முதலீடு

[06 - July - 2007]

இலங்கையில் ஆரம்பிக்கப்பட்டுள்ள பௌத்த தொலைக்காட்சியில் தமிழர் ஒருவர் நிதி முதலீடு செய்துள்ளார்.

இலங்கையில், முதன் முறையாக பௌத்த தொலைக்காட்சியை ஜனாதிபதி மகிந்த ராஜபக்ஷ தொடக்கி வைத்தார்.

கௌதம புத்தர், நேபாளத்தில் பிறந்திருந்தாலும், புத்த மதம் பரவிய ஒரே தெற்காசிய நாடு இலங்கை தான். இலங்கைக்கு விஜயம் செய்த 2315 ஆம் ஆண்டு நிறைவை ஒட்டி, கடந்த வெள்ளிக்கிழமை பௌத்த தொலைக்காட்சி ஏற்படுத்தப்பட்டுள்ளது.

உலகிலேயே புத்தமதத்துக்காக ஏற்படுத்தப்பட்ட ஒரே 24 மணி நேர அலைவரிசை இதுதான். மேலும், இலங்கை - இந்தியாவுக்கு இடையே அரசியல், சமூக விடயங்களில், வேறுபாடு இருந்தாலும், இரு நாடுகளுக்குமிடையே பல ஆண்டாக வரலாற்று தொடர்பு உண்டு.அசோக மன்னரின் மகன் மகிந்த இலங்கையில் புத்தமதத்தை கொண்டு வந்தார். அவரைத் தொடர்ந்து அவர் சகோதரி சங்கமித்ரா, புத்த மதம் வளர நடவடிக்கை எடுத்தார். பௌத்த அலைவரிசையில் , ஆரம்பத்தில்,சிங்களம், ஆங்கிலம், தமிழ் மொழிகளில் நிகழ்ச்சிகள் ஒளிபரப்பப்படும். பின், பிரெஞ் போன்ற சர்வதேச மொழிகளிலும், ஒளிபரப்ப உள்ளது. இது குறித்து ஜனாதிபதியின் செயலாளர் லலித் வீரதுங்க கூறுகையில்;

இந்தியா- இலங்கை ஆகிய நாட்டு மக்களிடையே வரலாற்று ஒற்றுமையுடன், இப்போதும் நல்ல இணக்கமான சூழ்நிலை காணப்படுகிறது. பௌத்த அலைவரிசை, நட்புறவு,கலாசார ஒற்றுமை ஏற்பட வழி வகுக்கும் என்றார். பௌத்த தொலைக்காட்சி அலைவரிசைக்கு நிதி முதலீடு செய்துள்ளவர் ஒரு தமிழ் இந்துவாகும். இவர் பெயர் முகுந்தன் கானகே.கொழும்பில் உள்ள தன்னார்வ தொண்டு அமைப்பு மற்றும் சிங்கள தொழிலதிபர்கள் பங்கு இந்த தொலைக்காட்சியை ஆரம்பித்ததில் இருந்தாலும், முகுந்தன் கானகேக்கு முக்கிய பங்கு உள்ளது என்பதை தொலைக்காட்சி நிறுவன தரப்பில் மறுக்கவில்லை. இலங்கையில், 75 சதவீதம் பேர், புத்த மதத்தினர் தான். அவர்களின் செல்வாக்கு, ராஜபக்ஷவுக்கு உண்டு. இப்போது, தொலைக்காட்சி அலைவரிசை ஆரம்பித்துள்ளதால்,அவர்கள் மத்தியில், அவரின் செல்வாக்கு இன்னும் அதிகரித்துள்ளது.

தினக்குரல்

பௌத்த தொலைக்காட்சி தொடங்கினால் பரவாயில்லை.

ஆனால் அதன் மூலம் சிங்களவர் தங்களை அப்பாவிகள்போலும் தமிழரை பயங்கரவாதிகளாகவும் பிரச்சாரம் செய்ய அனுமதிக்கக் கூடாது. அத்துடன் பௌத்த மதத்துடன் இலங்கை நாட்டைத் தொடர்புபடுத்தி வரலாற்ரை திரிவுபடுத்தி வெளிநாட்டவரிடம் பரப்புரை செய்யும் நோக்கமும் இருக்கலாம்.

எந்த பொளத்த மதத்தை பரப்ப இந்த தொலைக்காட்சி. சொறி லங்காவில் இருக்கும் "இனவாத" பொளத்த மதத்தையா அல்லது கொளதம புத்தரின் "தேரவாத" பொளத்த மதத்தையா. மகிந்த தொடக்கி வைப்பதனால் எது என்பதை சொல்ல தேவையில்லை.

இலங்கையிலிருக்கிறது யுத்தவாத பௌத்தம்.

பௌத்தம் வேறு, சிங்களம் வேறு,