நாடி வைத்தியத்தை நம்பியதால் பரிதாபமாக உயிரிழந்த குருதிப் புற்றுநோயினால் பாதிக்கப்பட்ட சிறுவன்

[பிழம்பு]

குருதிப் புற்றுநோயினால் பாதிக்கப்பட்ட சிறுவன் நாடி வைத்தியம் என்ற போர்வையில் முன்னெடுக்கப்பட்ட பராமரிப்பினால் பரிதாபமாக உயிரிழந்துள்ளார்.

 

வவுனியாவைச் சேர்ந்த சிறுவனின் குடும்பத்தினர் உரும்பிராயில் உள்ள நபரை நாடி வைத்தியத்தை நம்பி வட்டுக்கோட்டையில் தங்கியிருந்து மகனுக்கு சிகிச்சை பெற்றுள்ளதாக விசாரணைகளில் தெரிவிக்கப்பட்டுள்ளது .

வவுனியாவைச் சேர்ந்த 15 வயது சிறுவன் வட்டுக்கோட்டையில் உள்ள வீடொன்றில் நேற்று உயிரிழந்தார் .

இதையடுத்து குறித்த சம்பவம் தொடர்பில் விசாரணைகளை முன்னெடுத்த வட்டுக்கோட்டை பொலிஸார் சடலத்தை யாழ்ப்பாணம் போதனா வைத்தியசாலையில் ஒப்படைத்தனர்.

இதையடுத்து சடலத்தில் முன்னெடுக்கப்பட்ட உடற்கூற்றுப் பரிசோதனையில் சிறுவனுக்கு குருதிப் புற்றுநோய் இருந்ததாக கண்டறியப்பட்டது .

இந்த நிலையில் திடீர் இறப்பு விசாரணையில் சிறுவனுக்கு உரும்பிராயில் உள்ள நாடி வைத்தியம் செய்யப்பட்டதாக பெற்றோரினால் தெரிவிக்கப்பட்டது .

குருதிப் புற்றுநோய்க்கு சிறப்பு மருத்துவம் உள்ள நிலையில் நாடி வைத்தியம் சிறந்தது என்று சிறுவனின் பெற்றோரினால் நம்பப்பட்ட நிலையில் இந்த பரிதாப நிலை ஏற்பட்டுள்ளது .

சம்பவம் தொடர்பில் திடீர் இறப்பு விசாரணை அதிகாரி மற்றும் சட்ட மருத்துவ அதிகாரியின் அறிக்கை மல்லாகம் நீதிவான் நீதிமன்றில் முன்வைக்கப்படவுள்ளது .

நாடி வைத்தியத்தை நம்பியதால் பரிதாபமாக உயிரிழந்த குருதிப் புற்றுநோயினால் பாதிக்கப்பட்ட சிறுவன் | Virakesari.lk

[தமிழ் சிறி]

இந்தியாவில் நடப்பதைப் போன்று… வவுனியாவிலும் நடந்திருப்பது பெரும் சோகம்.
இந்த உரும்பிராய் நாடி வைத்தியரைப் பற்றி.. முன்பு யாழ். களத்திலும் யாரோ எழுதியவர்கள்.
ஏராளனாக இருக்கலாம்.

[ஏராளன்]

On 20/7/2022 at 19:38, தமிழ் சிறி said:

இந்தியாவில் நடப்பதைப் போன்று… வவுனியாவிலும் நடந்திருப்பது பெரும் சோகம்.
இந்த உரும்பிராய் நாடி வைத்தியரைப் பற்றி.. முன்பு யாழ். களத்திலும் யாரோ எழுதியவர்கள்.
ஏராளனாக இருக்கலாம்.

நானும் அவரிடம் போயிருக்கிறேன், பெரியளவில் சுகம் வராததால் தொடரவில்லை. அவர் அக்குபஞ்சர் வைத்தியர்.

[விளங்க நினைப்பவன்]

4 hours ago, ஏராளன் said:

அவர் அக்குபஞ்சர் வைத்தியர்.

அவர் நாடி வைத்தியர் இல்லையா?

 

[ஏராளன்]

8 hours ago, விளங்க நினைப்பவன் said:

அவர் நாடி வைத்தியர் இல்லையா?

 

நாடி பார்ப்பார்.