ஈரானில் நடைபெறும் போராட்டங்களுக்கு அமெரிக்காவும் இஸ்ரேலும்தான் காரணம்: ஈரானிய உச்ச தலைவர் குற்றச்சாட்டு!

பொலிஸ் காவலில் இருந்தபோது பெண் ஒருவர் உயிரிழந்ததைத் தொடர்ந்து நாட்டில் நடந்த போராட்டங்களுக்கு அமெரிக்காவும் இஸ்ரேலும்தான் காரணம் என ஈரானின் உச்ச தலைவர் அயதுல்லா அலி கமேனி குற்றம் சாட்டியுள்ளார்.

அமைதியின்மை குறித்த தனது முதல் பொதுக் கருத்துக்களில், அயதுல்லா அலி கமேனி, ஈரானின் பரம எதிரிகள் மற்றும் அவர்களின் நட்பு நாடுகளால் கலவரங்கள் தூண்டப்பட்டதாக கூறினார்.

ஒரு தசாப்த காலமாக தனது ஆட்சிக்கு எதிர்ப்புகள் மிகப்பெரிய சவாலாக உள்ளன, மேலும் பாதுகாப்புப் படைகள் மேலும் தயாராக இருக்க வேண்டும் என்று அவர் வலியுறுத்தினார்.

அமைதியான போராட்டக்காரர்கள் மீதான வன்முறை ஒடுக்குமுறை தீவிரமடைகிறது என்ற அறிக்கைகள் குறித்து தான் கடுமையான கவலை அடைவதாக ஜனாதிபதி ஜோ பைடன் வெளியிட்டுள்ள அறிக்கையில் தெரிவித்துள்ளார்.

கடந்த செப்டம்பர் 13ஆம் திகதி வட மேற்கிலுள்ள சாகேஸ் நகரை சேர்ந்த 22 வயதான குர்து இன பெண்ணான மாசா அமினி, தெஹ்ரானில் அவருடைய சகோதரரோடு இருந்தபோது, தலைமுடியை ஹிஜாப்பால் மறைப்பது மற்றும் தளர்வான ஆடையால் முழு உடலையும் மறைக்க உத்தரவிடும் ஹிஜாப் சட்டத்தை மீறியதாக ஹிஜாப் ஆடை ஒழுங்குமுறையை அமுலாக்கும் பொலிஸ்துறையால் கைதுசெய்யப்பட்டார்.

பொலிஸ்துறையினரின் கட்டுப்பாட்டில் இருந்தபோது அமினியின் தலையில் பொலிஸ்துறையினர் பிரம்பால் அடித்ததாகவும், பொலிஸ்துறையினரின் வாகனத்தில் அவரது தலையைக் மோதச் செய்ததாகவும் தகவல்கள் உள்ளதாக ஐ.நா மனித உரிமைகள் தற்காலிக உயர் ஆணையர் நடா அல்-நஷிப் தெரிவித்தார்.

தாக்குதலுக்கு பிறகு 3 நாட்கள் கோமா நிலையில் துன்பப்பட்டு, மாசா அமினி, மருத்துவமனையில் உயிரிழந்தார்.

இந்தக் குற்றச்சாட்டை மறுக்கும் பொலிஸ்துறையினர், அவருக்கு திடீர் இதய செயலிழப்பு ஏற்பட்டதாகக் கூறுகின்றனர். ஆனால், அமினி நல்ல ஆரோக்கியத்துடன் இருந்ததாக அவரது குடும்பத்தினர் தெரிவிக்கின்றனர்.

பொலிஸ்துறையினரின் கட்டுப்பாட்டில் இருந்தபோது உயிரிழந்ததன் விளைவாக அங்கு நடந்துவரும் போராட்டத்தைப் பெண்கள் முன்னின்று நடத்தி வருகின்றனர். அங்கு 150க்கும் அதிகமான இடங்களில் போராட்டங்கள் முன்னெடுக்கப்பட்டு வருகின்றன. இந்த போராட்டங்களின் போது இதுவரை 92க்கும் மேற்பட்டோர் உயிரிழந்துள்ளதோடு, ஆயிரத்துக்கும் அதிகமானோர் கைதுசெய்யப்பட்டுள்ளனர்.

https://athavannews.com/2022/1302742

On 5/10/2022 at 00:47, தமிழ் சிறி said:

பொலிஸ்துறையினரின் கட்டுப்பாட்டில் இருந்தபோது அமினியின் தலையில் பொலிஸ்துறையினர் பிரம்பால் அடித்ததாகவும், பொலிஸ்துறையினரின் வாகனத்தில் அவரது தலையைக் மோதச் செய்ததாகவும் தகவல்கள் உள்ளதாக ஐ.நா மனித உரிமைகள் தற்காலிக உயர் ஆணையர் நடா அல்-நஷிப் தெரிவித்தார்.

இந்த தகவல்கள் உடனடியாக மனித உரிமைகள் ஆணையகத்துக்கு கிடைத்து விடும். வன்னியில் நடந்த கொலைகள் மட்டும் இவர்களுக்கு தெரியாது.

On 5/10/2022 at 00:47, தமிழ் சிறி said:

பொலிஸ் காவலில் இருந்தபோது பெண் ஒருவர் உயிரிழந்ததைத் தொடர்ந்து நாட்டில் நடந்த போராட்டங்களுக்கு அமெரிக்காவும் இஸ்ரேலும்தான் காரணம் என ஈரானின் உச்ச தலைவர் அயதுல்லா அலி கமேனி குற்றம் சாட்டியுள்ளார்.

ஈரானின் அணு ஆயுத தயாரிப்பை குழப்ப இப்படியான குழப்பங்களை இவர்கள் ஏற்படுத்துகிறார்கள்.  

அமெரிக்கா மற்றும் இஸ்ரேல் இல்லாமல் இருந்திருந்தால் இரான் மனித உரிமைகளில் கொடிகட்டிப் பறந்திருக்கும். சல்மான் ருஷ்டி நல்ல உதாரணம்! அவர் சாத்தானின் வசனனங்கள் என்ற புத்தகத்தை எழுதியதற்காக இரானின் அதியுச்ச விருது கிடைத்திருக்கும்.

ஈரானில் அவர்களின் ஸரியா விதிகளின்  படி வெளிநாட்டில் இருந்து செல்பவர்களே அவர்களின் உடையை அணிய வேண்டும். அந்நாட்டில் உள்ளவர்களும் அப்படியே. இதற்குள் மூக்கை நுழைக்கும் ****** களுக்கு  ஆப்கானிஸ்தான் கொடுத்த மாதிரி ஓட ஓட கொடுக்க வேண்டும். மற்றைய நாட்டுக்குள் மூக்கை நுழைப்பதை நிறுத்த வேண்டும்.

ஜனநாயக நாடான அமெரிகாவில் பொலிசாரால்  கழுத்து நெரித்து கொல்லப்பட்ட மனிதரை உலகமே கண்டு வியந்தது. யாருக்கு ஜனநாயக பாடம் எடுக்கிறார்கள்.

 

இரான் சிரியா ரஸ்யா போன்ற நாடுகளுக்கான மருந்து இஸ்ரேலிடம்தான் உள்ளது விரைவில் கிடைக்கும்!

மன்னர் ஷா காலத்தில் ஈரானுக்குள் அமெரிக்கா செய்த கலாச்சார சீரழிவுகளை கொஞ்சம் திரும்பி பார்த்தால் மேற்குலக விசுவாசிகளுக்கு புல்லரிக்கும். 😁