அமெரிக்காவின் கலிஃபோர்னியாவில் துப்பாக்கிச்சூடு - 9 பேர் உயிரிழப்பு

துப்பாக்கிச்சூட்டில் காயமடைந்தவரை ஆம்புலன்சில் ஏற்றும் காட்சி

லாஸ் ஏஞ்சல்ஸ்: அமெரிக்காவின் கலிஃபோர்னியா மாகாணத்தில் சீன புத்தாண்டு கொண்டாட்டத்தில் நிகழ்ந்த துப்பாக்கிச்சூட்டில் 9 பேர் உயிரிழந்துள்ளனர்.

கலிஃபோர்னியா மாகாணத்தின் லாஸ் ஏஞ்சல்ஸ் நகருக்கு 16 கிலோ மீட்டர் தொலைவில் உள்ள மான்டெரி பார்க் நகரில் இந்த துப்பாக்கிச் சூடு நடந்துள்ளது. ஆசிய கண்டத்தைச் சேர்ந்தவர்கள் அதிகம் உள்ள இங்கு, ஆயிரக்கணக்கானோர் ஒன்றாகக்கூடி சீன புத்தாண்டை கொண்டாடிக்கொண்டிருந்தபோது அமெரிக்க நேரப்படி சனிக்கிழமை இரவு 10.22 மணி அளவில் இந்த துப்பாக்கிச் சூடு நடந்துள்ளது.

நடன அரங்கில் இந்த துப்பாக்கிச்சூடு நடந்ததாகவும், துப்பாக்கிச்சூடு நடத்தியவர் ஒரு ஆண் என்றும், கையில் வைத்திருந்த இயந்திர துப்பாக்கியைக் கொண்டு அவர் கண்மூடித்தனமாக சுட்டதாகவும் சம்பவத்தை நேரில் பார்த்தவர்கள் தெரிவித்துள்ளனர். இந்த துப்பாக்கிச் சூட்டை அடுத்து அங்கிருந்தவர்கள் அனைவரும் அலறி அடித்துக்கொண்டு பாதுகாப்பான இடம் நோக்கி ஓடியுள்ளனர். இந்த துப்பாக்கிச்சூட்டில் 9 பேர் உயிரிழந்துள்ளனர். பலர் படுகாயமடைந்துள்ளனர். காயமடைந்தவர்கள் அனைவரும் மருத்துவமனையில் அனுமதிக்கப்பட்டுள்ளனர்.

கொண்டாட்டத்தில் இருந்தபோது எதிர்பாராத விதமாக இந்த துப்பாக்கிச்சூடு நடந்ததாகவும், அந்த அதிர்ச்சியில் இருந்து இன்னும் வெளிவர முடியவில்லை என்றும் 47 வயதாகும் எட்வின் சென் என்ற நபர் தெரிவித்துள்ளார். இந்த சம்பவத்தை அடுத்து அங்கு போலீசார் குவிக்கப்பட்டுள்ளனர். நடன அரங்குக்கு சீல் வைக்கப்பட்டுள்ளது. இந்த சம்பவத்துக்கு லாஸ் ஏஞ்சல்ஸ் நகர கட்டுப்பாட்டாளர் கென்னித் மெஜியா ஆழ்ந்த வேதனை தெரிவித்துள்ளார்.

 

https://www.hindutamil.in/news/world/932440-nine-people-killed-in-mass-shooting-at-monterey-park-in-california-s-los-angeles-area.html

 

அமெரிக்காவில் சீன புத்தாண்டு கொண்டாட்டத்தில் துப்பாக்கிச் சூடு: 10 பேர் உயிரிழப்பு

பட மூலாதாரம்,EPA

44 நிமிடங்களுக்கு முன்னர்

அமெரிக்காவின் மாண்ட்ரே பார்க் நகரில் நடைபெற்ற சீன புத்தாண்டு கொண்டாட்டத்தின்போது நிகழ்ந்த துப்பாச்சுச் சூடு சம்பவத்தில் 10 பலியாகி உள்ளதாக காவல்துறை தரப்பில் தெரிவிக்கப்பட்டுள்ளது. 

 

உள்ளூர் நேரப்படி, சனிக்கிழமை இரவு 10.20 மணியளவில் இந்த சம்பவம் நிகழ்ந்துள்ளது. 

 

 

சந்திர  புத்தாண்டை கொண்டாடுவதற்காக கலிஃபோர்னியாவின் மாண்ட்ரே பார்க் பகுதியில் ஆயிரக்கணக்கான நபர்கள் கூடியிருந்தனர். அப்போது நபர் ஒருவர் கண்மூடித்தனமாக தூப்பாக்கிச் சூடு நடத்தியுள்ளார். இதில் 10 பேர் கொல்லப்பட்டதாக காவல்துறை தரப்பில் கூறப்பட்டுள்ளது. எனினும், எத்தனை பேர் காயமடைந்துள்ளனர் என்றும் யாராவது கைது செய்யப்பட்டுள்ளனரா என்பது குறித்தும் போலீஸ் தரப்பில் இதுவரை எதுவும் தெரிவிக்கப்படவில்லை. 

• அமெரிக்க அதிபர் ஜோ பைடன் வீட்டில் நடந்த 13 மணிநேர சோதனை: 6 ரகசிய ஆவணங்கள் கண்டுபிடிப்பு4 மணி நேரங்களுக்கு முன்னர்
• வியாழன் கோளை சுற்றி வரும் ஐஸ் நிலாக்களை ஆராயப் போகும் ஜூஸ் செயற்கைக்கோள்3 மணி நேரங்களுக்கு முன்னர்
• பிரிட்டன் பிரதமர் ரிஷி சுனக் காரில் சீட் பெல்ட் அணியாததால் அபராதம் விதித்த காவல்துறை21 ஜனவரி 2023

துப்பாக்கிச்சூட்டில் ஈடுபட்ட சந்தேக நபர் ஆண் என லாஸ் ஏஞ்சல்ஸ் கவுண்டி ஷெரிப் துறை தெரிவித்துள்ளது.

லாஸ் ஏஞ்சல்ஸுக்கு கிழக்கே சுமார் எட்டு மைல் (13 கிமீ) தொலைவில் அமைந்துள்ள நகரத்தில் ஏராளமான போலீசார் இருப்பதை சமூக ஊடகத்தில் உள்ள காணொளிகள் காட்டுகின்றன. 

மூன்று நபர்கள் தனது உணவகத்துக்குள் ஓடி வந்து கதவை பூட்டிக்கொள்ளும்படியும், இயந்திர துப்பாக்கியுடன் நபர் ஒருவர் சுற்றித்திரிவதாகவும் தன்னிடம் கூறியதாக சம்பவத்தை நேரில் பார்த்த ஒருவர் தி லாஸ் ஏஞ்சல்ஸ் டைம்ஸ் ஊடகத்திடம் தெரிவித்தார். 

வருடாந்த சீன புத்தாண்டு விழா என்பது ஒரு வார இறுதி நிகழ்வாகும். கடந்த முறை ஒருலட்சத்திற்கும் மேற்பட்டோர் இதில் கலந்துகொண்டனர்.

மாண்ட்ரே பார்க் பகுதியில் 60 ஆயிரம் மக்கள் வசிக்கின்றனர். ஆசிய மக்கள் அதிகம் வசிக்கும் பகுதியாகவும் இது உள்ளது. 

https://www.bbc.com/tamil/articles/c90k2x97wzdo

கலிபோர்னியாபடுகொலை – தாக்குதலை மேற்கொண்டவர் அடையாளம் காணப்பட்டார்

கலிபோர்னியாவின் மொன்டெரே பார்க்கில் துப்பாக்கிசூட்டை மேற்கொண்டவர் அடையாளம் காணப்பட்டுள்ளார். 72வயதான ஹியு கான் டிரான் என்பவரே பத்துபேர் கொல்லப்பட்ட இந்த துப்பாக்கிபிரயோகத்தை மேற்கொண்டுள்ளார்.

சம்பவம் இடம்பெற்ற இடத்திலிருந்து தப்பிச்செல்ல முயன்ற வானை பொலிஸார் துரத்திச்சென்றவேளை இந்த நபர் தன்னை தானே சுட்டு தற்கொலை செய்துகொண்டுள்ளார்.வானிற்குள்ளிலிருந்து 72 வயதான டிரானின் உடல் மீட்கப்பட்டுள்ளது.

இந்த நபர் துப்பாக்கி பிரயோகம் இடம்பெற்ற இடத்திற்கு நடன நிகழ்வு இடம்பெற்ற பகுதிக்கு அடிக்கடி சென்று வந்தவர் என தகவல்கள் வெளியாகியுள்ளன.சந்தேகநபர் தனது முன்னாள் மனைவியை அங்கு சந்தித்துள்ளார்.
 

 

https://akkinikkunchu.com/?p=236093

அமெரிக்கா எண்டால் ஒரு நாளைக்கு ஒரு டுமீல் ஆவது இருக்கோணும்.அப்பிடியெண்டால் தான் நாட்டுக்கு மரியாதை கண்டியளோ......

உயிரிழந்தவர்களின் உறவினர்களுக்கு ஆழ்ந்த அனுதாபங்கள்.

அநியாயமாக அப்பாவி மக்களை கொன்று தள்ளுறாங்கள்........!

ஆழ்ந்த இரங்கல்கள்......!

7 hours ago, கிருபன் said:

சந்தேக நபர் தனது முன்னாள் மனைவியை அங்கு சந்தித்துள்ளார்..

மனைவியைச்சந்தித்த மகிழ்ச்சியில் மனிசன் மற்ற மனிசாளைப் போட்டுத் தள்ளியிருக்கிறார்.வன்முறைதான் இப்போ வாழ்க்கை முறை ஆகிக்கொண்டு போகிறது.ஆழ்ந்த இரங்கல்கள்.