கனடாவில் உயரத்தில் பறந்த அடையாளம் தெரியாத பொருள் சுட்டு வீழ்த்தப்பட்டது

கனடாவில் உயரே பறந்த அடையாளம் தெரியாத பொருள் சுட்டு வீழ்த்தப்பட்டுள்ளதாகப் பிரதமர் ஜஸ்டின் ட்ரூடோ (Justin Trudeau) தெரிவித்துள்ளார்.

அமெரிக்காவின் அலஸ்கா மாநிலத்திற்கு உயரே பறந்த அடையாளம் தெரியாத பொருளை அமெரிக்கா சுட்டு வீழ்த்திய மறுநாள், கனடா அந்தச் சம்பவம் பற்றி தகவல் அளித்தது.

கனடாவில் தென்பட்ட அடையாளம் தெரியாத பொருளைச் சுட்டு வீழ்த்த, கனடாவையும் அமெரிக்காவைவும் சேர்ந்த போர் விமானங்கள் விரைந்தன.

அமெரிக்கப் போர் விமானம் அடையாளம் தெரியாத பொருளை வெற்றிகரமாகச் சுட்டு வீழ்த்தியதாகக் கனடா தெரிவித்தது.

 

https://akkinikkunchu.com/?p=238087

 

12 hours ago, கிருபன் said:

கனடாவில் உயரத்தில் பறந்த அடையாளம் தெரியாத பொருள் சுட்டு வீழ்த்தப்பட்டது

இனி ஒவ்வொரு மேற்குலக நாடுகளும் ஆகாயத்தை அண்ணார்ந்து பார்க்க வேண்டிய நிலை.

அவர்களுடன் தனகுவானேன் அந்தரப்படுவானேன்.

தொழில் நுட்பத்தை வைத்து வித்தை காட்டிய காலம் போய் விட்டது. இனி  ஒற்றுமை எனும் ஆயுதத்தையும் கூடி வாழ்வோம் எனும் தாரக மந்திரத்தையும் மேற்குலகு எடுத்தால் தால் இந்த உலகு உருப்படும். 

அழிவு ஆயுதங்களை தயாரித்துக்கொண்டு மனிதாபிமானம் பேசினால் வேலைக்கு ஆகாது.

7 hours ago, குமாரசாமி said:

இனி ஒவ்வொரு மேற்குலக நாடுகளும் ஆகாயத்தை அண்ணார்ந்து பார்க்க வேண்டிய நிலை.

அவர்களுடன் தனகுவானேன் அந்தரப்படுவானேன்.

தொழில் நுட்பத்தை வைத்து வித்தை காட்டிய காலம் போய் விட்டது. இனி  ஒற்றுமை எனும் ஆயுதத்தையும் கூடி வாழ்வோம் எனும் தாரக மந்திரத்தையும் மேற்குலகு எடுத்தால் தால் இந்த உலகு உருப்படும். 

அழிவு ஆயுதங்களை தயாரித்துக்கொண்டு மனிதாபிமானம் பேசினால் வேலைக்கு ஆகாது.

சீனாவுக்கு மேலாக ஒன்று பறப்பதாக செய்திகள் வந்துள்ளன. அதனைச் சுட்டு வீழ்த்த சீனா தயாராகிறது. 

நான்காவது அடையாளம் தெரியாத பறக்கும் பொருளை சுட்டு வீழ்த்தியது அமெரிக்கா!

இந்த மாதம் நான்காவது ராணுவ நடவடிக்கையில், அடையாளம் தெரியாத மற்றொரு பறக்கும் பொருளை அமெரிக்கா சுட்டு வீழ்த்தியுள்ளது.

நேற்று (ஞாயிற்றுக்கிழமை) பிற்பகல் கனேடிய எல்லைக்கு அருகில் உள்ள ஹூரோன் ஏரிக்கு அருகில் அதை வீழ்த்துமாறு ஜனாதிபதி ஜோ பைடன் உத்தரவிட்டார்.

இந்த பொருள் 20,000 அடி (6,100 மீ) உயரத்தில் பயணித்ததால் வணிக விமானப் போக்குவரத்தில் தலையிடக்கூடும் என்று பென்டகன் அறிக்கை தெரிவித்துள்ளது.

இது சனிக்கிழமையன்று மொன்டானாவில் உள்ள இராணுவ தளங்களுக்கு மேலே கண்டறியப்பட்டது.

இராணுவ அச்சுறுத்தலாக கருதப்படாத இந்த பொருள், பாதுகாப்பு அதிகாரிகளால் ஆளில்லா மற்றும் எண்கோண வடிவமாக விபரிக்கப்பட்டுள்ளது.

உள்ளூர் நேரப்படி 14:42 மணிக்கு எஃப்-16 போர் விமானத்திலிருந்து ஏவப்பட்ட ஏவுகணையால் இந்த பொருள் வீழ்த்தப்பட்டது.

இச்சம்பவம் இந்த மாதம் வட அமெரிக்காவில் சுட்டு வீழ்த்தப்பட்ட உயரமான பொருட்களைப் பற்றி மேலும் கேள்விகளை எழுப்பியது.

சந்தேகத்திற்கிடமான சீன உளவு பலூன், கடந்த பெப்ரவரி 4ஆம் திகதி தென் கரோலினா கடற்கரையில் அமெரிக்கக் கண்டத்தில் பல நாட்கள் வட்டமிட்ட பின்னர் வீழ்த்தப்பட்டது. இது சீனாவில் தோன்றியதாகவும், உணர்திறன் வாய்ந்த இடங்களைக் கண்காணிக்கப் பயன்படுத்தப்பட்டதாகவும் அதிகாரிகள் தெரிவித்தனர்.

ஆனால், இந்த பொருள் உளவு பார்க்க பயன்படுத்தப்பட்டதை மறுத்த சீனா, இது வானிலை கண்காணிப்பு சாதனம் என்றும், தவறாக வீசப்பட்டதாகவும் கூறியது.

இந்த சம்பவம் இரு நாடுகளுக்கும் இடையே பதற்றத்தை ஏற்படுத்திய நிலையில், முதல் பொருள் பற்றி அறிந்துக்கொள்ள சீனாவுடன் அமெரிக்கா தொடர்புக் கொண்டதாக அதிகாரியொருவர் தெரிவித்தார். எனினும் இதன்போது என்ன விடயம் கலந்துரையாட அல்லது விவாதிக்கப்பட்டது என்பது குறித்த அவர் கருத்து கூறவில்லை.

https://athavannews.com/2023/1323946