இறினா பிலோற்சேர்கோவெற்ஸ்  (Iryna Bilotserkovets) உக்ரைனில் பெரிதும் அறியப்பட்டவள். சத்திரச்சிகிச்சை நிபுணர், தொலைக்காட்சித் தொகுப்பாளர், மொடல் அழகி எனப் பல பின்ணணிகள் உள்ள மூன்று பிள்ளைகளின் தாய்.

ரஸியா, உக்ரைன் போர் தொடங்கி மூன்றாவது நாள் தனது மூன்று பிள்ளைகளுடன் Kiew வீதியில் காரில் சென்று கொண்டிருக்கும் போது நடந்த  தாக்குதலில் படுகாயம் அடைந்திருந்தாள். அதிர்ஷ்டவசமாக அவளது பிள்ளைகள் எதுவித காயங்களும் இன்றி தப்பித்துக் கொண்டார்கள். தாக்குதலில் இறினா தனது ஒரு கண்ணை இழந்திருந்தாள். அவளுக்கு நாலு தடவைகள் சத்திரசிகிச்சை மேற்கொள்ளப்பட்டது. அவள் இனி உயிர்வாழ்வது கேள்விக்குறிதான் என வைத்தியர்கள் சொன்ன போதும், வாழவேண்டும் என்று அவள் உறுதியாக இருந்தாள்.

யேர்மனிக்கு அழைத்து வரப்பட்டு, பேர்லினில் இறினாவுக்குச் சத்திரசிகிச்சை மேற்கொள்ளப் பட்டது. மொடலாக இருப்பதால் அவளுக்கு நடந்தது அழகுக்கான சத்திரசிகிச்சை அல்ல, அது  அவளை வாழ வைப்பதற்காக நடந்த சத்திரசிகிச்சை.

சத்திரசிகிச்சைக்காக அவளது தலைமயிர் மழுங்க வழிக்கப்பட்டிருந்தது. ஒரு கண் இல்லை. உடல் முழுக்க வயர்களும் குழாய்களும் பொருத்தப்பட்டிருந்தன. காயங்களின் தழும்புகள், ஆங்காங்கே உடம்பில் போடப்பட்டிருந்த தையல்கள், மரக்கிளை போல் இரண்டாகப் பிரிந்திருந்த தாடை என எல்லாமே அவளைப் பயமுறுத்திய போதும், அவள் தன்னைத் தானே சமாதானப் படுத்திக் கொண்டாள். இறந்து போவாள் எனப் பலராலும் கணிக்கப்பட்டவள் மெதுவாகத் தேறி வந்தாள்.

ஒரு கண்ணை மறைக்கும் இதய வடிவான உலோக மூடியுடன் உலோக பிக்னி அணிந்து  உக்ரைன் பிளே போய் அட்டைப் படத்தில்,  கதாநாயகி ஆன மொடல் என்று இப்பொழுது காட்சி தருகிறாள். போர்ச் சூழலில் இடைநிறைத்தப்பட்டிருந்த உக்ரைன் பிளே போய், 18 மாதங்கள் கழித்து வெளியிட்ட முதல் சஞ்சிகையில் ‘பலமான பெண்கள்’ என்ற தலைப்பில் இறினாவின் அட்டைப்படத்தை வெளியிட்டிருக்கிறது.

“போரில் காயம் அடைந்தாலும் வாழ்க்கையின் தாகத்தை இழக்காமல் எழுந்து வரும் உக்ரைனின் பெண்கள் என பிளே போய் காண்பிக்கிறது” எனச் சொல்லும் இறினா, தன் முக அழகை இழந்திருக்கலாம். உடல் அழகை இழக்கவில்லை எனக் கூறுகிறார். 

இறினா இப்பொழுது உக்ரைன் படைகளுக்கான நிகழ்ச்சி ஒழுங்கமைப்பாளராகப் பணியாற்றிக் கொண்டிருக்கிறார்.

Edited August 6, 20232 yr by Kavi arunasalam
இர்ஜானா என்பதை இறினா என மாற்றியுள்ளேன்

2 hours ago, Kavi arunasalam said:

இர்ஜானா இப்பொழுது உக்ரைன் படைகளுக்கான நிகழ்ச்சி ஒழுங்கமைப்பாளராகப் பணியாற்றிக் கொண்டிருக்கிறார்.

இர்ஜானா. செய்யும் ஒவ்வொரு செயல்களும்  பூரணமாக வெற்றி பெற. வாழ்த்துக்கள் 

பெயர் .. ஐரினா என எண்ணுகிறேன்  Iryna   இர் ஜனா அல்ல 

அடி விழ விழத்தான் எழ வேண்டுமென்ற எண்ணம் வரும். 

7 hours ago, நிலாமதி said:

பெயர் .. ஐரினா என எண்ணுகிறேன்  Iryna   இர் ஜனா அல்ல

தவறுதான் நிலாமதி. சுட்டிக்காட்டயதற்கு நன்றி. ஆங்கிலத்தில் ஜரினா என்பதே சரி.  உக்ரைன் மொழியில் இறினா என வரவேண்டும்

சாம்பலில் இருந்து எழுந்து பறந்த பீனிக்ஸ் ஜரீனா .........!   👍

உக்ரைன் மொழியில் இறினா என்று உச்சரிப் இருந்தால் அதை சிதைக்காமல ;அப்படியே சொல்வது தானே சரியானது.  உங்கள் நாட்டு முனனாள் போமெல் 1   கார் ஓட்ட சம்பியனை  Michael Schumacher மிசயேல்  சுமாக்கர்   என்று தானே மற்ற நாடுகளிலும் சொல்வார்கள்.

ஊழையும் உப்பக்கம் காணும் இறினாவின் உரம் போற்றுதலுக்குரியது.

On 7/8/2023 at 02:58, விளங்க நினைப்பவன் said:

உக்ரைன் மொழியில் இறினா என்று உச்சரிப் இருந்தால் அதை சிதைக்காமல ;அப்படியே சொல்வது தானே சரியானது. 

வேற்று மொழியில் உள்ள மனிதர்கள் மற்றும் ஊர்களின் பெயர்களை இயன்றவரை, அறிந்தவரை அவர்கள் எவ்வாறு சொல்கிறார்களோ, அவ்வாறே உச்சரிப்பதுதான் சரி என்ற எண்ணம் எனக்கும் உண்டு.

On 6/8/2023 at 22:28, விளங்க நினைப்பவன் said:

உக்ரைன் மொழியில் இறினா என்று உச்சரிப் இருந்தால் அதை சிதைக்காமல ;அப்படியே சொல்வது தானே சரியானது.  உங்கள் நாட்டு முனனாள் போமெல் 1   கார் ஓட்ட சம்பியனை  Michael Schumacher மிசயேல்  சுமாக்கர்   என்று தானே மற்ற நாடுகளிலும் சொல்வார்கள்.

எனது எண்ணமும் இதுவே. 

ஆங்கிலேயன் கணபதிப்பிள்ளையை, கண்ண பொத்தி புள்ளே என அழைப்பதால் அது சரியென்றாகாதுதானே?

3 hours ago, சுப.சோமசுந்தரம் said:

வேற்று மொழியில் உள்ள மனிதர்கள் மற்றும் ஊர்களின் பெயர்களை இயன்றவரை, அறிந்தவரை அவர்கள் எவ்வாறு சொல்கிறார்களோ, அவ்வாறே உச்சரிப்பதுதான் சரி என்ற எண்ணம் எனக்கும் உண்டு