தமிழ் சிங்கள புத்தாண்டு கொண்டாட்டத்தின்இறுதி மங்கள சடங்கான மரக்கன்றுகள் நடும் தினம் ஏப்ரல் 18 ஆம் திகதியாகும். இதனை சுதேச மருத்துவ அமைச்சு ‘முருங்கை தினம்’ என்று பெயரிட்டுள்ளதாக சுதேச மருத்துவ இராஜாங்க அமைச்சர் சட்டத்தரணி சிசிர ஜெயக்கொடி தெரிவித்துள்ளார்..

நிலையான நாட்டிற்கு ஒரு வழி என்ற தொனிப்பொருளில் ஏப்ரல் 4 ஜனாதிபதி ஊடக மையத்தில் நடைபெற்ற செய்தியாளர் சந்திப்பில் கலந்துகொண்டு கருத்து தெரிவிக்கும் போதே அவர் இதனைக் குறிப்பிட்டுள்ளார்.

இங்கு கருத்து தெரிவித்த அமைச்சர் மேலும் கூறியதாவது…

” சிங்கள மற்றும் இந்து புத்தாண்டு கொண்டாட்டங்களின் கடைசி மங்கள சடங்குகளான மரங்கள் நடும் நிகழ்வு ஏப்ரல் 18 அன்று ஆகும் . சுதேச மருத்துவ அமைச்சு அந்த நாளை ‘முருங்கை தினம்’ என்று பெயரிட்டுள்ளது. அன்றைய தினம், அனைத்து மக்களையும் தங்கள் வீட்டுத் தோட்டத்தில் முருங்கை செடியை நாட்டுமாறு அழைப்பு விடுக்கிறோம் , இது மிகவும் சத்தானது மற்றும் அதிக மருத்துவ குணம் கொண்டது என குறிப்பிட்டுள்ளார்.

https://thinakkural.lk/article/298385

இவர் இப்ப தான் பாக்கியராஜ் இன் படம் பார்க்கின்றார் போல் ....நாங்கள் (ஜாவ்னா மக்கள்)இவையள் பிறக்க முதலே வீட்டில‌ இரண்டு மூன்று மரம் வைத்து முருங்கை இலை வறை,சொதி,என சாப்பிட்டு வந்த ஆட்கள்

Edited April 7, 20241 yr by putthan

19 hours ago, putthan said:

இவர் இப்ப தான் பாக்கியராஜ் இன் படம் பார்க்கின்றார் போல் ....நாங்கள் (ஜாவ்னா மக்கள்)இவையள் பிறக்க முதலே வீட்டில‌ இரண்டு மூன்று மரம் வைத்து முருங்கை இலை வறை,சொதி,என சாப்பிட்டு வந்த ஆட்கள்

ஓமண்ணை, முருங்கக்காய் கிலோ 800 போகுது. முதல் நாள் 2.5 கிலோ 1500 ரூபாவிற்கு விற்றது, இரண்டாவது 4.5 கிலோவில் அரை கிலோ கழித்து 4கிலோ 2400ரூபாவிற்கு விற்றது.

ஈழத்து போர்க்காலங்களில் முருங்கை மர பயன்கள் இன்றியமையாதது.

இந்த மரத்தின் சிறப்பம்சம் எந்த மண்ணில் நட்டாலும் செல்வச்செழிப்பாக வளரும். கொத்துக்கொத்தாக  பலன்கள் தரும்.

அவர்கள் விவேகமாகத்தான் இருக்கின்றார்கள் ✔️ ஆனால் நம்மவர்கள்.....? இன்னும் முருங்கை இலை/காய் என்றால் நக்கல் நளினம் 😎

'முருங்கா' என்று இங்கு வேறு பல நாட்டவர்கள் இதைச் சொல்கின்றனர். Super Food என்று இங்கு பலரும் இதைக் கொண்டாடுகின்றனர். இங்கு வீட்டில் இரண்டு பெரிய மரங்கள் நிற்கின்றன. எக்கச்சக்கமான டிமாண்ட், இலை, காய், பூ எல்லாவற்றிற்கும்.

பாக்யராஜ் சொன்ன விடயத்தை இங்கிருக்கும் ஒரு இந்திய மருத்துவரிடம் சும்மா ஒரு தடவை கேட்டேன். அதற்கு அவர் சொன்ன பதில்: ஏங்க, நீங்க படித்தவர் தானே......😀

 

10 minutes ago, ரசோதரன் said:

'முருங்கா' என்று இங்கு வேறு பல நாட்டவர்கள் இதைச் சொல்கின்றனர். Super Food என்று இங்கு பலரும் இதைக் கொண்டாடுகின்றனர். இங்கு வீட்டில் இரண்டு பெரிய மரங்கள் நிற்கின்றன. எக்கச்சக்கமான டிமாண்ட், இலை, காய், பூ எல்லாவற்றிற்கும்.

பாக்யராஜ் சொன்ன விடயத்தை இங்கிருக்கும் ஒரு இந்திய மருத்துவரிடம் சும்மா ஒரு தடவை கேட்டேன். அதற்கு அவர் சொன்ன பதில்: ஏங்க, நீங்க படித்தவர் தானே......😀

 

முருங்கைக்கு மார்க்கட்டிங் டெக்னிக்  ....பாக்கியராஜ் செய்தது😄 ....படிச்ச டாக்குத்தர் சொலுறவையள் முருங்கை காயை சப்பி சாப்பிட கூடாது என சிறுநீரக கல் வருவதற்கு காரணமாம்

எனது சகோதரத்தின் காணிக்குள் ஒரு முருங்கை மரம் காய்த்து கொட்டிக்கொண்டிருந்ததாம் , ஆனால் மரத்தில் மசுக்குட்டி ஏராளமாய் பிடித்து மதில் மேலால் ஏறி பக்கத்து வீட்டுக்கும் போக தொடங்கியதால் பக்கத்து வீட்டுக்காரரின் கொம்பிளையினால் மரத்துக்கு நெருப்பு எல்லாம் கொளுத்தி பிடிச்சு பார்த்தும் வேலைக்கு ஆகாததால்  கடைசியில் தறித்து விடடார்களாம்.

முருங்கைக்காய் தாறுமாறாய் விலை ஏறின நேரம் பார்த்து தறிச்சு போட்டோமே என்று கவலைப்பட்டார்கள் .

மசுக்குட்டி வராமல் செய்ய எதாவது வழி தெரிந்தால் யாராவது சொல்வீர்களா,
மீண்டும் மரத்தை வளர்க்க சொல்லலாம், 

34 minutes ago, ரசோதரன் said:

'முருங்கா' என்று இங்கு வேறு பல நாட்டவர்கள் இதைச் சொல்கின்றனர். Super Food என்று இங்கு பலரும் இதைக் கொண்டாடுகின்றனர். இங்கு வீட்டில் இரண்டு பெரிய மரங்கள் நிற்கின்றன. எக்கச்சக்கமான டிமாண்ட், இலை, காய், பூ எல்லாவற்றிற்கும்.

பாக்யராஜ் சொன்ன விடயத்தை இங்கிருக்கும் ஒரு இந்திய மருத்துவரிடம் சும்மா ஒரு தடவை கேட்டேன். அதற்கு அவர் சொன்ன பதில்: ஏங்க, நீங்க படித்தவர் தானே......😀

 

உள்ளதை சொல்ல வேணுமெண்டால் ஊரிலையெல்லாம் மருத்துவம் பாத்து முருக்கம் இலையோ இல்லை வேலியிலை படர்ந்த செடி கொடிகளையோ மக்கள் தேடித்தேடி சாப்பிடவில்லை. எல்லாம் அன்றைய வாழ்க்கை நிலையும்,பொருளாதார நிலையும் ஆகுமே தவிர வேறொரு காரணமுமில்லை. 😂

17 minutes ago, valavan said:

மசுக்குட்டி வராமல் செய்ய எதாவது வழி தெரிந்தால் யாராவது சொல்வீர்களா,
மீண்டும் மரத்தை வளர்க்க சொல்லலாம், 

பத்து மரங்கள் வளர்க்க சொல்லுங்கள். 😎

அன்றைய தினம், அனைத்து மக்களையும் தங்கள் வீட்டுத் தோட்டத்தில் முருங்கை செடியை நாட்டுமாறு அழைப்பு விடுக்கிறோம் , இது மிகவும் சத்தானது மற்றும் அதிக மருத்துவ குணம் கொண்டது என குறிப்பிட்டுள்ளார்.

முருங்கை எப்படி வளர்ப்பது? விதை போட்டு செடியாகவா அல்லது கிளை வைத்து தானே ? (பிள்ளையை   அடித்து வளர்முருங்கையை ஒடித்து வளர்)ஒடித்து விடடால் அதிக கிளைவைக்கும்   என எண்ணுகிறேன்.

Edited April 8, 20241 yr by நிலாமதி

29 minutes ago, குமாரசாமி said:

பத்து மரங்கள் வளர்க்க சொல்லுங்கள்.

பத்து மரங்கள் வளர்த்தா வராதா குமாரசாமியண்ண?

8 minutes ago, valavan said:

பத்து மரங்கள் வளர்த்தா வராதா குமாரசாமியண்ண?

பொதுவாக மசுக்குட்டி பிரச்சனை எண்டால் ஆரம்பத்திலையே முருங்கை மர அடியிலை காய்ஞ்ச தென்னோலையோ இல்லை பன்னாடையோ போட்டு  எரிச்சால் மசுக்குட்டி இல்லாமால் போய் விடும்.
சரி அது சரி வரேல்லை எண்டால் அந்த ஒரு மரத்தை மட்டும் தறிச்சு விடலாம்.ஆனால் மிச்ச மரம் ?!?!?!!?!?