தமிழர்நாம் உரிமை பெற்று

தரணியில் நிமிர்ந்தே வாழ

தனியொரு நாடு வேண்டும் - ஆனால்

தடைபல உண்டு உண்மை

தடைகளைத் தகர்த்து வீச

தாயக மண்ணில் வீரர்

தமதுயிர் துச்சம் என்றே

தளர்வின்றிப் பணியில் உள்ளார்

களத்திலே நிற்கும் அந்தக்

காளையர் உடன் பொருதக்

கடினமே அதை அறிந்த

கயவரின் கொடுமை கேளும்

மனிதரின் உரிமை என்று

மற்றவர் போற்றும் சட்டம்

மஹிந்தவின் ஆட்சி தன்னில்

மரணமாய்ப் போன தன்றோ?

கடத்தலும் பணப் பறிப்பும்

கைதியாய் அடைத்து வைப்பும்

கொலைகளும் செய்து நிற்கும்;

கொடியவர் செயல் உரைப்போம்

மனிதனை மிதிக்கும் அந்த

மந்திகள் செயலை இந்த

மாநிலம் அறியும் வண்ணம்

மன்றிலே உரைத்து நிற்போம்

பொங்கிடும் தமிழர் நாளில்

பொலிவுடன் நாமும் கூடி

எங்கணும் கேட்கும் வண்ணம்

எம்நிலை உரைக்க வாரீர்

ஆயிரம் மைல்கள் தாண்டி

அடுத்தவர் நாட்டில் நாங்கள்

அன்னிய மனிதர் போலே

அசட்டையாய் வாழ்தல் முறையோ?

எந்தனின் குடும்பம் மட்டும்

எழிலுடன்; வாழ்ந்தால் போதும்

என்பதாய் எண்ணி நிற்க

எருமைகள் அல்ல நாங்கள்

எம்மின மக்கள் எங்கும்

ஏதிலி அல்ல என்று

உலகமே உணர வைக்க

உணர்வுடன் கூட வாரீர்

தமிழர்நாம் ஒன்றாய் வாழ

தமிழீழம் வேண்டும் என்று

தரணியைக் கோரி நிற்கத்

தமிழரே திரண்டு வாரும்

பொங்கிடும் தமிழர் நாளில்

பொலிவுடன் நாமும் கூடி

எங்கணும் கேட்கும் வண்ணம்

எம்நிலை உரைக்க வாரீர்

பொங்கு தமிழ் பேரணிக்கான அழைப்புக் கவிதையை ஆரம்பித்து வைத்த மணிவாசகனுக்கு நன்றி

காலத்திற்கேற்ற நல்லதொரு கவிதை மணி...

என்னால இப்ப எழுதமுடியல... எண்டாலும் நாலுவசனம்

------------------------

உலகிற்கு எமது பலத்தை காட்டிட

புலத்தில் பொங்கி எழுவாய் தமிழா!

இது என்வீட்டு பொங்கல் அல்ல..

இது உன்வீட்டு பொங்கல் அல்ல..

இது எம்மண்ணிற்கான பொங்கல்!

இது தமிழ் மக்களிற்கான பொங்கல்!

Edited June 14, 200817 yr by முரளி

சஹாறா அக்கா, முரளி உங்களுடைய கருத்துக்களுக்கு நன்றிகள்

புலத்திலே நடக்கும் பொங்கு தமிழ் நிகழ்வுகள் அனைத்தும் வெற்றிகரமாய் நடப்பதற்கு எம்மாலான சகல வழிகளிலும் உழைப்போம்.

எமக்கு சாதகமாக உலகம் திரும்பிக்கொண்டிருக்கும் இவ்வேளையில் ஒவ்வொரு தமிழரும் தமது வரலாற்று கடமையை செய்ய தவறாதீர்கள்.

மணி, எந்த வரிகள் எனக்கு பிடிக்கவில்லை என்பதை தேடுகிறேன். ஆமாம், அற்புதமான வரிகள். வாழ்த்துக்களும், பாராட்டுக்களும் மணிவாசகனுக்கு.

கருத்துக்கு நன்றி நுணாவிலான்.

உண்மை தான். அனைவரும் ஒன்றுபட்டு சகல வழிகளிலும் எங்கள் ஒற்றுமையை எங்கள் நியாயத்தை உரத்துச் சொல்ல வேண்டிய நேரமிது.

அண்மையில் லண்டனில் நடைபெற்ற ஆர்ப்பாட்டத்தை வெற்றிகரமான ஆர்ப்பாட்டம் என்று ஊடகங்கள் கூறின. சிங்களத்தின் குரலை அடக்கி அதற்கு மேலாக தமிழரின் குரல் ஓங்கி ஒலித்தது உண்மை தான். அந்த வகையில் வெற்றி தான்.

ஆனால் ஒரு லட்சத்திற்கு மேலான தமிழர்கள் வாழும் லண்டனிலிருந்து 2000 பேர் மட்டுமே கலந்து கொண்டிருந்தனர். ஒரு 20000 பேராவது கலந்து கொண்டிருந்தால் அன்று மத்திய லண்டனையே எம்மை நோக்கித் திரும்பிப் பார்க்க் வைத்திருக்கலாம். ஆனால் என்ன செய்வது. இன்னும் பலர் தூங்கிக் கொண்டு தானிருக்கிறார்கள்...