யாழ்ப்பாணம், அரியாலை, செம்மணி குளத்தில் சில மனித எலும்புகளும், ஆடைகளும், திறப்புக் கோர்வை ஒன்று மீட்கப்பட்டுள்ளன.இன்று காலை பொதுமக்கள் வழங்கிய தகவலால், இவை மீட்கப்பட்டதைத் தொடர்ந்து அங்கு பதற்றம் நிலவுகின்றது என அங்கிருந்து வரும் செய்திகள் தெரிவிக்கின்றன.

திறப்புக் கோர்வையில் கடைக்குரிய திறப்புகளும் காணப்படுவதால், இவை கடத்திச் செல்லப்பட்ட வர்த்தகர் ஒருவருடையதாக இருக்கலாம் என நம்பப்படுகின்றது.இருப்பினும

அரியாலை கிழக்கு செம்மணிப் பகுதியிலிருந்து மனித எச்சங்கள் மீட்பு- பொலிஸ் பேச்சாளர்

யாழ்ப்பாணம் அரியாலை கிழக்கு, செம்மணி பகுதியில் மனித எச்சங்கள் மீட்கப்பட்டிருப்பதாக பொலிஸ் ஊடகப் பேச்சாளர் சிரேஷ்ட பொலிஸ் அத்தியேட்சகர் ரஞ்சித் குணசேகர தெரிவித்துள்ளார்.

அரியாலை கிழக்கு, செம்மணிப் பகுதியில் கண்ணிவெடி அகற்றும் பணியில் ஈடுபட்டிருந்த டனிஷ் அமைப்பினர் குறிப்பிட்ட இடத்திலிருந்து மனித எச்சங்களைக் கண்டுபிடித்துள்ளனர். எச்சங்கள் மீட்கப்பட்ட பகுதியிலிருந்து சாவிக் கோர்வைகள் மற்றும் உக்கிய நிலையிலான ஆடைகள் மீட்கப்பட்டதாக அவர் இன்று வியாழக்கிழமை கூறினார்.

கண்டெடுக்கப்பட்ட மனித எச்சங்கள் தொடர்பாக விசாரணைகளை நடத்துவதற்கு யாழ் மாவட்ட நீதவான் வசந்தசேனன் மற்றும் சட்ட வைத்திய அதிகாரி ஆகியோர் இன்று பிற்பகல் சம்பவ இடத்துக்குச் சென்றுள்ளனர்.

பெண் ஒருவரின் எலும்புக்கூடுகளே மீட்கப்பட்டதாக ஆரம்பகட்டத் தகவல்கள் தெரிவிக்கின்றன. எனினும், மீட்கப்பட்டிருக்கும் எலும்புக்கூடு தொடர்பான மேலதிக தகவல்கள் இதுவரை வெளியாகவில்லை. ஏ-9 வீதியிலிருந்து மிகவும் அருகாமையிலேயே இந்த எலும்புக்கூடு மீட்கப்பட்டிருப்பதாக யாழ் செய்திகள் தெரிவிக்கின்றன.

இதேவேளை, தற்பொழுது எலும்புக்கூடு மீட்கப்பட்ட பகுதியிலிருந்து 400 மீற்றர் தொலைவில் கண்ணிவெடி அகற்றும் பணியில் ஈடுபட்டிருந்த மற்றுமொரு கண்ணிவெடி அகற்றும் நிறுவனமான ஹலோரஸ்ட் நிறுவனமும் மனித எச்சங்களை அண்மையில் கண்டெடுத்திருந்தாக உறுதிப்படுத்தப்படாத தகவல்கள் தெரிவிக்கின்றன.

1996ஆம் 97ஆம் ஆண்டு காலப் பகுதியில் செம்மணிப் பகுதியிலிருந்து பல எலும்புக் கூடுகள் மீட்கப்பட்டிருந்தமை இங்கு குறிப்பிடத்தக்கது.

- இலங்கா தகவல் நிறுவனம்

செம்மணியில் ஏ-9 வீதிக்குச் சமீபமாக மனித எச்சங்கள் கண்டெடுக்கப்பட்டன! பெண் ஒருவரினதாக இருக்கலாம் என ஊகம்

செம்மணிப் பகுதியில் ஏ9 வீதியில் இருந்து 400 மீற்றர் தூரத்தில் வயல் வெளியில் இருந்து பெண் ஒருவரினுடையது என ஊகிக்கப்படும் சடலம் உக்கிய நிலையில் நேற்று மீட்கப்பட்டுள்ளது.

அந்தப் பகுதியில் கண்ணிவெடி அகற்றும் பணியில் ஈடு பட்ட பணியாளர்கள் நிலத்தை வெட்டிய போது மனித சடல எச் சங்களைக் கண்டனர்.அது குறித்து யாழ். பொலிஸாருக்கு தகவல் கொடுக்கப்பட் டதையடுத்து சம்பவ இடத்துக்குச் சென்று பார் வையிட்ட யாழ்.பொலிஸார் அது குறித்து யாழ். நீதிமன்றத்தில் அறிக்கை ஒன்றைச் சமர்ப்பித்தனர். அதனைத் தொடர்ந்து யாழ். நீதிவான் இ.வசந்தசேனன், யாழ். சட்ட வைத்திய அதிகாரி எஸ்.இளங்கோவுடன் நேற்றுப் பிற்பகல் சம்பவ இடத்துக்குச் சென்றார்.

அவர்களின் பிரசன்னத்தில் குறிப் பிட்ட நிலப்பகுதி ஆழமாகத் தோண்டப் பட்டது. அதன்போது கை எலும்பு, மண்டை ஓடு மற்றும் சிறிய எலும்புத் துண்டுகள் மீட்கப்பட்டன. அத்துடன் சேர்ட், ஜீன்ஸ், பெண்ணின் உள்ளாடைகள் என்பனவும் மீட்கப்பட்டன.நிலத்தில் இருந்து இரண்டு அடி ஆழத்தில் அவை மீட்கப்பட்டன.

இந்த மனித எச்சங்கள் பெண் ஒரு வருடையதாக இருக்க வேண்டும் என்றும் சுமார் மூன்று வருடங்களுக்கு முன்னர் புதைக்கப்பட்டிருக்கக் கூடும் என்று சட்ட வைத்திய அதிகாரி தெரிவித்துள்ளார்.

இதேவேளை

அந்தப் பகுதியில் வேறு சடலங்கள் இருப் பதற்கான சாத்தியம் காணப்படவில்லை என்றும் தெரிவிக்கப்படுகின்றது.

மீட்கப்பட்ட எச்சங்களை இரசாயனப் பகுப் பாய்வுக்கு கொடுத்து அனுப்பி அறிக்கை சமர்ப்பிக்குமாறும்

தொடர்ந்து விசாரணைகளை நடத்தி முன்னேற்ற அறிக்கையைச் சமர்ப்பிக்கு மாறும் நீதிவான் பொலிஸாருக்கு உத்த ரவிட்டார்.

யாழ் உதயன்

99ம் ஆண்டு காலப்பகுதியில் இவ்விடயத்தில் ஆராய்வு செய்த சிங்கள அரசாங்கம், அது 600 தமிழர்களின் எலும்புக்கூடுகள் ஏதும் மீட்கப்படவில்லை. எலி மற்றும், பாம்பு எலும்புக்கூடுகளே கிடந்தன எனத் தெரிவித்தமை குறிப்பிடத்தக்கது.

99ம் ஆண்டு காலப்பகுதியில் இவ்விடயத்தில் ஆராய்வு செய்த சிங்கள அரசாங்கம், அது 600 தமிழர்களின் எலும்புக்கூடுகள் ஏதும் மீட்கப்படவில்லை. எலி மற்றும், பாம்பு எலும்புக்கூடுகளே கிடந்தன எனத் தெரிவித்தமை குறிப்பிடத்தக்கது.

அதற்கே அந்த நிலையென்றால்................?????

இது ஒரு ஆளின் சடலம்தானே.........