இன்று (25-தை- 2009) முதல்வர் கருணாநிதி மருத்துவமனையில் அனுமதிக்கப் பட்டுள்ளதாக இந்திய செய்தி ஒன்று தெரிவித்துள்ளது.. மேலதிக செய்திகள் விரைவில்

செய்தி உண்மையானால் அவர் விரைவில் நலம்பெற எல்லாம் வல்ல இறைவனை பிரார்த்திக்கிறேன்!

(இன்றைய நிலையில் கலைஞரின் மறைவு என்பது தமிழகத்தில் பெரும் அரசியல் குளறுபடியை ஏற்படுத்தி விடும்)

Edited January 26, 200916 yr by vettri-vel

அவருக்கு ஈழத்தமிழர் படும் அவலங்கள் மனதை வாட்டியிருக்கலாம் , விரைவில் குணம் பெற வேண்டும் .

அரசியலில இதெல்லாம் சகஜமையா!

Edited January 26, 200916 yr by சாணக்கியன்

தோள்மூட்டு வலிக்காகத்தான் சிகிச்சை எடுத்துக் கொள்கிறார் என்று அறிந்தேன்.

முதலமைச்சர் கருணாநிதி உடல்நலக் குறைவு காரணமாக இன்று அதிகாலை போரூரில் உள்ள ஸ்ரீ ராமச்சந்திரா மருத்துவக் கல்லூரி மருத்துவமனையில் அனுமதிக்கப் பட்டுள்ளார். ஒரு வார காலம் அவர் ஓய்வெடுக்க வேண்டும் என்று மருத்துவர்கள் ஆலோசனை கூறியுள்ளதை தொடர்ந்து, அவருடைய ஒரு வார கால நிகழ்ச்சிகள் ரத்து செய்யப் பட்டுள்ளன.

.

பார்வையாளர்கள் யாரும் அவரை பார்க்க வர வேண்டாம் என்று தமிழக அரசு கேட்டுக் கொண்டுள்ளது. முதலமைச்சர் கருணாநிதிக்கு கையில் ஏற்கனவே தசைப்பிடிப்பு ஏற்பட்டதால் அதற்கு சிகிச்சை பெற்று வந்தார். நேற்று காலை முதல் அவருக்கு முதுகு தண்டில் இடுப்பின் அருகே வலி ஏற்பட்டது.

இதனை தொடர்ந்து நேற்று பங்கேற்பதாக இருந்த வீரவணக்க நாள் கூட்டத்தில் அவர் கலந்து கொள்ளவில்லை. அவருக்கு பதிலாக உள்ளாட்சித்துறை அமைச்சர் மு.க.ஸ்டாலின் கலந்து கொண்டார். மாலையிலும் தொடர்ந்து அவருக்கு வலி இருந்ததை தொடர்ந்து, ஸ்ரீ ராமச்சந்திரா மருத்துவக் கல்லூரி மருத்துவமனையின் மருத்துவர் குழு முதல்வரின் இல்லத்திற்கு சென்று அவருக்கு சோதனை மேற் கொண்டது.

மருத்துவமனையில் தங்கி சிகிச்சை பெற வேண்டும் என்று மருத்துவக் குழு ஆலோசனை கூறியதாக தெரிகிறது. இதனை தொடர்ந்து இன்று அதிகாலை 3 மணியளவில் அவர் ஸ்ரீ ராமச்சந்திரா மருத்துவக் கல்லூரி மருத்துவமனையில் அனுமதிக்கப் பட்டார். மருத்துவமனையின் 7வது மாடியில் உள்ள சிறப்பு பிரிவில் அவர் சேர்க்கப்பட்டார். அங்கு பிரபல எலும்பு மற்றும் மூட்டு சிகிச்சை நிபுணர் மார்த்தாண்டம் தலைமையில் அவருக்கு சிகிச்சை அளிக்கப்பட்டது.

இன்று காலையில் உள்ளாட்சித் துறை அமைச்சர் மு.க.ஸ்டாலின், மகள்கள் செல்வி, கனிமொழி ஆகியோர் மருத்துவமனைக்கு சென்று அவரிடம் உடல்நலம் விசாரித்தனர். தயாளு அம்மாள் மருத்துவமனையில் உடனிருக்கிறார். மருத்துவமனைக்கு பார்வை யாளர்கள் யாரும் வர வேண்டாம் என்று அரசு கேட்டுக் கொண்டுள்ளது.

இது தொடர்பாக தமிழக அரசு வெளியிட்டுள்ள செய்திக் குறிப்பில் கூறப்பட்டிருப்பதாவது: முதலமைச்சர் கருணாநிதி முதுகுப்புறத்தில் ஏற்பட்ட தசைப் பிடிப்பு காரணமாக அதிக அளவிற்கு வலி ஏற்பட்டதால் மருத்துவர்கள் குறைந்த ஒரு வாரக் காலத்திற்காவது ஓய்வெடுக்க வேண்டுமென்று வலியுறுத்தியதின் பேரில் ஸ்ரீ ராமச்சந்திரா மருத்துவ மனையில் அனுமதிக்கப்பட்டுள்ளார்.

முதலமைச்சர் கருணாநிதி வெளியூர் பயணங்கள், நிகழ்ச்சி களில் கலந்து கொள்ளுதல் போன்ற வற்றைத் தவிர்த்து சில நாட்கள் ஓய்வெடுப்பது அவசியம் என்று மருத்துவர்கள் தெரிவித்துள்ளனர். முதலமைச்சர் ஏற்கனவே ஒப்புக் கொண்டுள்ள நிகழ்ச்சிகள் அனைத்தும் அதுவரை தள்ளிவைக்கப்பட்டு பின்னர் அந்த நிகழ்ச்சிகளுக்கான தேதிகள் அறிவிக்கப்படும்.

பார்வையாளர்களும், திமுக தொண்டர்களும் நேரில் வருவதைத் தவிர்த்து அவசியம் ஒத்துழைக்க வேண்டுமென்று வலியுறுத்திக் கேட்டுக் கொள்ளப்படுகிறார்கள். இவ்வாறு அந்த அறிக்கையில் கூறப்பட்டிருக்கிறது.

முதலமைச்சர் கருணாநிதி ஸ்ரீ ராமச்சந்திரா மருத்துவக் கல்லூரி மருத்துவமனையில் அனுமதிக்கப் பட்டுள்ளதை தொடர்ந்து அங்கு பலத்த பாதுகாப்பு போடப்பட்டுள்ளது.

உடல் நலத்துடன் அவர் திரும்பி வரவேண்டும், ஆனாலும் மனமாற்றம் வேண்டும்.

என்னத்த சொல்ல

மருத்துவ மனையிலிருந்து திரும்பி வரும்போத அவர் உடலும் மனமும் மாற்றமடையவேண்டும்

உலகத்தமிழர் தலைவர் உசாராக எழும்பி அரசியல் நடத்த யேசு பாலன் அருள் புரிவாராக.