திரு.நா.சிவலிங்கம் அவர்கள் இயற்கை எய்தினார் என்ற செய்தி கேட்டு அதிர்ச்சி அடைந்தோம். திரு. சிவலிங்கம் அவர்கள் கனடாவுக்குப் புலம் பெயர்ந்த மூத்த குடிமக்களில் ஒருவர். அவரது காலத்துக்குப் பின்னர் புலம்பெயர்ந்த தமிழர்களுக்கு அவர் ஒரு கலங்கரை விளக்காக விளங்கினார்.

எமது சமூத்தில் பொதுத்தொண்டுக்குத் தங்கள் நேரத்தையும் நினைப்பையும் உழைப்பையும் நல்குபவர்கள் மிகச் சிலரே. தாமுண்டு தம் குடும்பம் உண்டு என்று பலர் இருந்துவிடுகிறார்கள். இந்தப் பொது விதிக்கு விலக்கானவர் திரு.சிவலிங்கம் ஆவார்.

அவரின் உழைப்புக் காரணமாக பல பொதுநல அமைப்புக்கள் தோற்றம் பெற்றன. அதில் முக்கியமானது கனடா தமிழீழச் சங்கம். அதனை திரு.சிவலிங்கம் அவர்களே தோற்றுவித்து அதன் முதல் தலைவராகவும் பணியாற்றினார்.

திரு. சிவலிங்கம் அவர்களுடைய பணி சமூகத்தோடு நின்றுவிடாது தான் சார்ந்த சமயத்துக்கும் அரும்பணி ஆற்றினார். இன்று வானுயர நிமிர்ந்து நிற்கும் றிச்மென்ட் பிள்ளையார் கோயில் அவரது தொண்டின் பயனே ஆகும். அதனை நிறுவிய கனடா இந்து ஆலய அவையின் அறக்கட்டளையின் நிறுவின உறுப்பினரில் திரு. சிவலிங்கம் முக்கியமானவர்.

சமயப் பணி செய்த காரணத்தாலேயே அவரை எல்லோரும் கோயில் சிவலிங்கம் என்று அன்போடு அழைத்தார்கள்.

2004 ஆம் ஆண்டு சுனாமிப் பேரலை தமிழீழத்தின் கரையோரப் பகுதியை விழுங்கி ஏப்பமிட்டபோது கனடா இந்து ஆலய அறக்கட்டளை சார்பில் இரண்டு தவணைகளில் ஒன்றரை இலட்சம் டொலர்களைக் தமிழர் புனர்வாழ்வுக் கழகத்துக்குத் தாமாக முன்வந்து அன்பளிப்புச் செய்தார்.

தமிழ்ப் படைப்பாளிகள் கழகம் மறைந்த ஊடகவியாலளர் தர்மரத்தினம் சிவராம் அவர்களுக்கு நிதி திரட்டிய போது உதவி செய்தார். பொதுப் பணிக்கு அவரது பங்களிப்பு எப்போதும் இருந்தது.

திரு சிவலிங்கம் எல்லோரிடமும் நட்புப் பாராட்டி அன்பாகவும் அமைதியாகவும் பேசும் வழக்கத்தைக் கொண்டவர். அவருக்குப் பகைவர் என்று யாரும் இருந்திருக்க முடியாது. எந்தப் பொது நிகழ்ச்சி என்றாலும் வேட்டி சால்வை அணிந்து எளிமையாகக் காட்சி அளிப்பார்.

தமிழீழ தேசியத்தை முன்னெடுப்பதில் தீவிரமாக உழைத்தவர். தமிழீழம் விடுதலை பெற்று எமது மக்கள் சுதந்திரமாகவும் நிம்மதியாகவும் பாதுகாப்பாகவும் உரிமையோடும் வாழ வேண்டும் என்பதில் திரு. சிவலிங்கம் இறுதிவரை உறுதியாக இருந்தார்.

திரு. சிவலிங்கம் அவர்களின் மறைவு கனடிய தமிழ் சமூகத்துக்கும் தமிழ்த் தேசியத்துக்கும் பெரிய இழப்பாகும்.

அவரது பிரிவால் துயருறும் மனைவி, மக்கள், மருமக்கள், பேரப்பிள்ளைகள் உற்றார் உறவினர் அனைவருக்கும் எமது ஆழ்ந்த கவலையைத் தெரிவித்துக் கொள்கிறோம்.

Edited March 5, 201015 yr by வல்வை லிங்கம்

அன்னாரின் குடும்பத்துக்கு ஆழ்ந்த அனுதாபங்கள். அவரின் ஆத்மா சாந்தியடையட்டும்.

ஐயா சிவலிங்கம் அவர்களுக்கு .....கண்ணீர் அஞ்சலி

திரு. சிவலிங்கம் அவர்களின் மறைவு கனடிய தமிழ் சமூகத்துக்கும் தமிழ்த் தேசியத்துக்கும் பெரிய இழப்பாகும்.

அவரது பிரிவால் துயருறும் மனைவி, மக்கள், மருமக்கள், பேரப்பிள்ளைகள், உற்றார், உறவினர், அனைவருக்கும் எமது குடும்பம் சார்பாக ஆழ்ந்த கவலையைத் தெரிவித்துக் கொள்கிறோம்.

ஆழ்ந்த அனுதாபங்கள்....குடும்ப உறவினர் துயரில் நானும் பங்கு கொள்கிறேன்...

ஆழ்ந்த அனுதாபங்கள், இதய அஞ்சலிகள்!

அன்னாரின் ஆத்ம சாந்திக்கு பிரார்த்திக்கின்றேன்.

அன்னாரின் குடும்பத்துக்கு ஆழ்ந்த அனுதாபங்கள். அவரின் ஆத்மா சாந்தியடையட்டும்