முதலில் உணருங்கள் பின்னர் நம்புங்கள்

[akathy]

முதலில் உணருங்கள்

பின்னர் நம்புங்கள்

நீங்கள் ஒரு கடைக்கு புடவை வாங்க அல்லது கோட் சூட் வாங்கச் செல்கிறீர்கள். கடைக்காரரிடம் நல்ல தரமான துணிகளை காட்டச் சொல்கிறீர்கள். கடைக்காரரும் தனக்கு தெரிந்த அளவிற்;கு துணிகளை எடுத்து போடுகின்றார். அப்பொழுது நீங்கள் என்ன செய்வீர்கள்? துணியை தொட்டு பார்ப்பீர்கள். ஏன் அதனை தொட்டு பார்க்க வேண்டும்? கடைக்காரன் நல்ல துணி என்று கூறினாலும், அதை தொட்டுப் பார்த்தால்தான் உங்களுக்கு ஆறுதல் வருகிறது. ஆமாம் நல்ல துணிதான் என்ற திருப்தி ஏற்படுகிறது.

இன்னுமொரு உதாரணத்தை பார்ப்போம். மகன் பாடசாலையில் இருந்து தேர்வு முடிவுகளை எடுத்து வருகிறான். நீங்களும் “தேர்வு முடிவுகள் எப்படி” என கேட்கிறீர்கள். அதற்கு மகனும் “நான் தேர்வு அடைந்து விட்டேன், எல்லாமே மிக திறமாக உள்ளது” என கூறுகிறான். அப்பொழுது நீங்கள் என்ன செய்வீர்கள்? ரிப்போட் காட்டை காட்டு என்பீர்கள். உங்களது கண்களால் பார்த்தால் தான் உங்களுக்கு நம்பிக்கை உண்டாகிறது.

இவ்வாறு நாம் உலகத்து விடயங்கள் எல்லாவற்றையும் தொட்டு, பார்த்து, நுகர்ந்து உறுதி செய்து கொள்கிறோம். ஆனால் யாராவது கடவுள் உங்களின் உள்ளே உள்ளார் என்று கூறினால் “ஆமாம் கடவுள் என்னுள்ளே உள்ளார்” என்று கூறிவிடுகிறோம். அதற்கும் அப்பால் சென்று “கடவுள் என்னுள்ளே உள்ளார்”; என்றால் அவரை நான் தரிசிக்க வேண்டும், உணர வேண்டும் என்று கேட்பதில்லை. கடவுள் எல்லா இடமும் நீக்கமற நிறைந்துள்ளார் என கூறுவது மிகவும் சுலபம். ஆனால் உள்ளத்திலே வீற்றிருக்கும் கடவுளை உணர வைப்பது மிகவும் எளிதான காரியம் இல்லை. ஆனால் மனிதனைப் பொறுத்த வரையில் எதுவரை அவன் அதனை அனுபவிக்கவில்லையோ, அதுவரை ஒன்றுமே நிறைவாக இருக்காது. ஒரு விடயத்தைப்பற்றி படிப்பதால், எழுதுவதால் நாம் அதனை கொள்கையளவில் அறிந்து கொள்ளலாம் ஆனால் அதன் மூலம்; அனுபவம் ஏற்படாது.

நீங்கள் சைக்கிள் ஓடக் கற்றுகொள்ள வேண்டும் என்றால் மணிக்கணக்காக எவ்வாறு பெடலை அழுத்த வேண்டும், எவ்வாறு நேரே பார்க்க வேண்டும் என்றெல்லாம் கேட்டு அறியமுடியும். ஆனால் நீங்கள் ஒரு சைக்கிளில் ஏறி அமர்ந்து அதனை ஓட முயற்சிக்காத வரை அது எவ்வாறு இருக்கும் என்பதை நீங்கள் புரிந்து கொள்ளமாட்டீர்கள்.

இந்த மூச்சு வந்து போகும் வரை நீங்கள் மனிதனாக இருப்பீர்கள். மனிதன் என்ற ரீதியில் நீங்கள் பல விடயங்களை செய்யலாம். ஆனால் நீங்கள் ஒரு விடயத்தை நிட்சயம் செய்ய முடியும். அதுதான் உங்களின் உள்ளத்தில் வீற்றிருக்கும், வல்லமை பொருந்திய, எல்லோருக்கும் பொதுவாக விளங்கும், எல்லையில்லாத உண்மைப் பொருளை அனுபவம் செய்ய முடியும். இந்த புத்தியினால் விளங்க முடியாததை நீங்கள் அறிந்து கொள்ள முடியும். எப்பொழுது நீங்கள் அந்த பொருளை அனுபவம் செய்கிறீர்களோ, அன்று உங்கள் வாழ்வு பயனுள்ளதாகும்.

[akathy]

[akathy]

[suvy]

சிந்தனைக்கு விருந்து நல்லாயிருக்கு! நன்றி அகதி!

[nedukkalapoovan]

இதைத்தான் சொல்வார்கள் மனிதன் மூன்று மலங்களாலும் ஆசையாலும் கட்டுண்டு கிடக்கிறான் என்று.

ஆணவம்..

கன்மம்..

மாயை..

ஆசை...

இவை அவனை நித்திய மகிழ்ச்சிக்குள் வாழ அனுமதியா..! எவன் ஒருவன் இவற்றில் இருந்து வெளி வருகிறானோ.. அவன் நித்திய மகிழ்ச்சியைப் பெறுவான்.

நானுந்தான் முயன்று பார்க்கிறன்.. எங்க.. அது நடக்கிறதா தெரியல்ல. நான் ஒன்றும் கிழவனாகி சாகிற கட்டத்தில முயற்சிக்கல்ல.. சிறுவனாக இருக்கிறதில இருந்து முயற்சிக்கிறன்..! :D

[இசைக்கலைஞன்]

இருக்குமிடத்தைவிட்டு

இல்லாத இடம்தேடி

எங்கெங்கோ அலைகிறார் ஞானத்தங்கமே - அவர்

ஏதும் அறியாரடி ஞானத்தங்கமே..!

[ரதி]

தூங்கிறவர்களை எழுப்பலாம் ஆனால் தூங்கிற மாதிரி நடிக்கிறவர்களை தட்டி எழுப்ப இயலாது தானே

[putthan]

இருக்குமிடத்தைவிட்டு

இல்லாத இடம்தேடி

எங்கெங்கோ அலைகிறார் ஞானத்தங்கமே - அவர்

ஏதும் அறியாரடி ஞானத்தங்கமே..!

எண்ணம் எல்லாம் ஒரு இடத்தையே நாடுது........