தேங்காய் உடைப்பதன் தத்துவம்

ஆன்மீகம் கோயில்களில் பெரும்பாலும் இறைவனுக்கு தேங்காய் உடைப்பது வழக்கம். ஏன் தேங்காய் உடைக்கிறோம். இதில் என்ன தத்துவம் இருக்கிறது என்ற விவரம் நம்மில் பலருக்கு தெரியாது. ஏதோ சுவாமிக்கு அர்ச்சனை பண்ணினோம். தரிசனம் செய்தோம் என்றவாறே இதை நாம் தொன்றுதொட்டு செய்து வருகிறோம். அதைப் பற்றி ஒரு சிறிய தத்துவ தகவல்.

தேங்காய் உடைப்பதில் ஒரு பெரிய உண்மை மறைந்து இருக்கிறது. தேங்காயின் மேல் கடுமையான ஓடும் அதனுள் மென்மையான பருப்புமாகிய காய்ப் பகுதியும் அதனுள் நீரும் உள்ளது.

உருண்டையான புற ஓடு பிரபஞ்சத்தை ஒத்து இருக்கிறது. இரண்டும் கோள வடிவம் உடையது. இது உலக மாயையைக் குறிப்பது ஆகும். உள்ளே உள்ள வெண்ணிறமான பகுதி பரமாத்மாவை குறிக்கும்.

இளநீர் அதனால் விளையும் பரமானந்த அமிர்தத்தை ஒத்து இருக்கின்றது. ஜீவாத்மா மாயையினால் பரமாத்மாவை உணராமல் பரமானந்த பிராப்தியையும் பெறாமல் நிற்கின்றது. அதுபோல் வெள்ளை பகுதியையும், நீரையும் காண முடியாமல் ஓடு மறை(க்)கின்றது.

ஈசுவர சந்நிதியில் மாயையை அகற்றி தேஜோமய சுவரூபத்தை காட்டி அவர் அருளாள் பரமானந்த பேரமுதத்தை நுகரச் செய்யும் செயலையே இது காட்டுகிறது.

இவ்வளவு உட்கருத்து இருப்பதால் தான் தேங்காயை இறைவழிபாட்டில் முக்கிய பொருளாக வைத்து நம்முன்னோர்கள் வழிபட்டு வந்துள்ளனர் என்கிற உண்மையை நாம் உணர வேண்டும்.

நன்றி:ஆன்மீகம் இணையம்.

எங்களுடைய தலையும் உருண்டை வடிவத்தில் இருக்கிறது. அதனுள்ளே மூளை வெள்ளை நிறத்தில் இருக்கிறது. அந்த மூளையையும் நரம்பு மண்டலத்தையும் காண விடாமல் இந்த மண்டையோடு மறைக்கிறது. எனவே நமது மண்டையைக் கொண்டு போய் பிரகாரத்தில் முட்டினால் என்ன?

புலம் பெயர் நாடுகளில் டொலருக்கு ஒரு தேங்காய் எனக் காசைக் கொட்டி வாங்கி அதை வீதிகளிலே அடித்துடைத்து பிறகு வெள்ளைக்காறனுக்குப் பயந்து அவசர அவசரமாக அந்த இடத்தை கிளியர் பண்ணி பின்(Bin)னுக்குள் கொட்டுவதற்குப் பதிலாக நூறு தேங்காய்களை அடித்துடைக்கச் செலவு பண்ணும் பணத்தில் ஒரு தையல் இயந்திரத்தையோ அல்லது ஒரு சோடி மாடுகளையோ வாங்கி குடும்பத் தலைவனை இழந்து தவிக்கும் விதவைப் பெண்ணொருவருக்கு வழங்கினால் அன்பே வடிவான இந்த ஆண்டவன் (அப்படியொருவர் இருந்தால்) ஏற்றுக் கொள்ள மாட்டாரோ?

.

http://www.yarl.com/forum3/index.php?showtopic=36012

http://www.yarl.com/forum/lofiversion/index.php/t6786.html

தேங்காய் மேட்டர் அளவுக்கதிகமாக போய்விட்டது

ஊரில என்றால் உடைக்கிற தேங்காயை எண்ணை எடுக்க பயன்படுத்துவாங்க. மக்களுக்கு பயன்படும். வெளிநாடுகளில்.. எதற்கு குப்பை தொட்டிகளை நிரப்பவே பயன்படும். அதிலும் அந்த பணத்தை சேமித்து உணவின்றி பொருளாதார வரவின்றி.. தவிக்கும் மக்களுக்கு உயிரினங்களுக்கு உணவு.. உதவி கொடுக்கலாம்.