இருள் சூழ்ந்த கரிய

மேகத் திரளிடையே

அடிக்கடி விட்டு விட்டு

பொழிகின்ற செவ்வானத் தூறல்களாய்

சீழ் கட்டிய இரத்த வாடைகள்

நிரூபனின் நாற்று வலை

தாங்குவோர் இன்றி

தத்தளிக்கும் ஈழ மக்களை

ஏந்திட

நாமிருக்கிறோம் எனும்

குரலுக்கு

ஏதும் செய்திய முடியாதோராய்

நாமிங்கு!

நேற்று முத்துக்குமார் மூட்டிய தீ

முது பெரும் விடுதலைத் தீயாய்

கனன்று மிளாசி எரிந்தது,

அதில் காங்கிரஸின் பொய்

வேடத்தை தமிழகம்

உணர்ந்து கலைஞரின்

வாழ்விற்கும்

காற் புள்ளி குத்தி

வீட்டுக்கு அனுப்பி

மகிழ்ந்திருந்தது!

நிரூபனின் நாற்று வலை

இன்று செங்கொடி அவர்கள்;

முத்துக்குமார்

வரிசையில்....

நீயும் போனாயா சகோதரி- இல்லை

உன் கண் முன்னே

காங்கிரஸின் நர்த்தன நடனத்தில்

உறவுகள் மூவர்

நசியுண்டு போவதை

பொறுக்காது

தீயில் பாய்ந்தாயா தோழி?

நிரூபனின் நாற்று வலை

ஈழ மக்கள் மீதான

இன எழுச்சித் தீ

தமிழிகத்தில்

கனன்று எரிய வேண்டும்

எனும் எண்ணத்தில் வீழ்ந்தவளே!

சிரம் தாழ்த்தி

உன் பாதம் பணிகின்றேன் அம்மா!

இன்று உன் முகம் கூட

பார்க்க முடியாதவளாய்

தீயில் கருகினாயே தோழியே

இதனையா உந்தனிடம்

எதிர்பார்த்தோம் தங்கையே?

இடி மேல் இடி பொழிந்து

நாம் இன்னலுற்ற வேளையில்

எம் துயர் துடைக்க

முத்துக்குமாரன் தீயில்

மூழ்கித் தமிழ் வீரம் உரைத்தானே

அதற்கும் நாம் என்ன

செய்வோம் என ஏங்கி

நிற்கும் வேளையிலா

நீயும் குதித்தாய்?

நிரூபனின் நாற்று வலை

நெஞ்சில் சுதந்திரத் தீ

மனதில் ஈழத் தீ

நினைவில்

பிரபாகரனியம் கற்றுத் தந்த

விடுதலைத் தீ

பெரியார் வழி உணர்ந்த

பெருமை மிக்க பெண் தீ நீ

இருந்தும் வெந்தீயில்

வேகியானாயே ஏன் தோழி?

இதனையா உந்தனிடம் எதிர்பார்த்தோம்?

வெள்ளரசின் கீழிருந்து

பௌத்த வேதாந்தம் பேசும்

இனவாத அரசும்,

கைங்கரிய அரசியல் நடத்தும்

காங்கிரசும் எதிர்பார்ப்பது

தமிழர் உயிரைத் தானே?

உன் உயிரும்

அவர்கள் எதிர்பார்க்கும்

தோரணையில் போகப் போகின்றது

என்பதனை உணராது

தீயில் பாய்ந்தனையோ தோழி?

மூன்று உயிர்களைக் காக்க

மூவாயிரம் அசுர பலம் கொண்ட

ஓருயிராய் நீ வீழ்ந்திருக்கிறாயே?

என் செய்வோம் நாம்?

உனக்காக ஏதும் செய்ய முடியாது

எட்டித் தொடும் தூரத்திலல்லவா

நாம் இருக்கின்றோம்?

கிட்ட நெருங்கி வந்து

ஒரு சேதி சொல்லிப் போயிருப்பின்

தொட்டுத் தடுத்து

உன்னை எம்

விடுதலை வேண்டிய

குடிலுக்கு தலைவியாய் அல்லவா

ஆக்கி மகிழ்ந்திருப்போம்?

இன்று எம்மை அந்தரத்தில்

அந்தரிக்க விட்டுப் போய் விட்டாயே

முகம் தெரியாத சோதரியே?

எங்கள் ஆதி மூலமே,

அன்னைத் தமிழகமே!!

மூவாயிரம் யானை பலம்

கொண்ட மன்னற்கு இவள் சமன்

மூக்கறுந்த சூர்ப்பனை போல

துடிக்கும் சோனியாவின்

பழிவாங்கும் உணர்விற்கு

பாடம் கற்பித்த தெய்வ மகள்!

எம் கண் முன்னே வரிசை கட்டி நிற்கும்

நவீன புற நானூற்றுத் தமிழ் மகள்- இவள்!

இனியுமா நீ உறங்கி இருக்கிறாய்?

உந்தன் உணர்வுகளைத் தொலைத்துமா

அமைதி காண்கிறாய்?

உன் தேசம்-நீ

எழுச்சி கொள்ள வேண்டும் என்பதற்காய்

ஒருத்தி வீழ்ந்தனளே!

அவளின் ஆத்ம ஈடேற்றத்திற்கு

என்ன பதில் கூறப் போகின்றாய் தமிழகமே?

கல்லு மனம் கொண்ட கலைஞர் கூட

சந்தர்ப்பம் பார்த்து

தன் பங்கை இப்போது உரைத்திருக்கின்றார்.

தாய்மையின் இருப்பிடம் என்று போற்றும்

உத்தமி மட்டும் இவ் விடயத்தில்

உறைந்து போய் இருக்கிறாவே என் செய்வோம்?

அரசியல்வாதிகளே,

அனல் பறக்கும் பேச்சாளர்களே!!

உசுப்பேத்தி ரணகளமாக்கி

நெருப்பாற்றில் ஓர்

உயிர் போக முன்

தடுத்திடும் வழிகளை

எம் சோதரர்க்கும் உரைக்கலாமே?

நிரூபனின் நாற்று வலை

தமிழகமே! இறப்பிற்கு இறப்பு

ஈடாகாது எனும் பண்பினை

இவள் மூலமாவது உணர்ந்து கொள்!!!!

இனியும் எமக்கு

இப்படி ஓர் செய்தி

உங்களிடமிருந்து வேண்டாம்,

கனிவாய் நல்ல சேதி

எம் காதுகளை வந்து சேரா விடினும்

செங்கொடிகள் உடலில் தீங்கில்லை

எனும் சேதி வந்தாலே

உள்ளம் குளிரும்,

உடலெங்கும் புரட்சித் தீ எழும்,

நல்லோர் நீவீர்

வல்லோராய் எமைத் தாங்குதற்கு

இருக்கின்றீர் எனும்

உணர்வில்

நம் தேகம் சிலிர்க்கும்!!

எழுத்து- வடிவம்- செல்வராஜா, நிரூபன்.

என் வலைப் பதிவில் வெளியான கவிதை

http://www.thamilnat...og-post_30.html

Edited September 10, 201114 yr by Nirupans

நீண்ட காலத்திற்குப்பின்னர் உயிர்ப்புள்ள கவிதைகளைக் காணமுடிகிறது. பாராட்டுகள் என்று ஒற்றைச் சொல்லில் முடிக்க முடியாது. சுற்றலையும் காற்று வெப்பத்தைத் தணிப்பதுபோல் இந்தக்கவிதை மனதிற்குள் மூண்டுகிடக்கும் விசும்பலைத்தணிக்கத்தான் செய்கிறது. தொடருங்கள் எமக்கு வேண்டிவை இவைதான்.

எங்கள் ஆதி மூலமே,

அன்னைத் தமிழகமே!!

மூவாயிரம் யானை பலம்

கொண்ட மன்னற்கு இவள் சமன்

மூக்கறுந்த சூர்ப்பனை போல

துடிக்கும் சோனியாவின்

பழிவாங்கும் உணர்விற்கு

பாடம் கற்பித்த தெய்வ மகள்!

எம் கண் முன்னே வரிசை கட்டி நிற்கும்

நவீன புற நானூற்றுத் தமிழ் மகள்- இவள்!

உண்மை தான் நிரூபன்!

ஆனால், இவர்களின் இழப்புக்கள் எல்லாம், விழலுக்கிறைத்த நீராவது தான் வேதனை!

நீண்ட காலத்திற்குப்பின்னர் உயிர்ப்புள்ள கவிதைகளைக் காணமுடிகிறது. பாராட்டுகள் என்று ஒற்றைச் சொல்லில் முடிக்க முடியாது. சுற்றலையும் காற்று வெப்பத்தைத் தணிப்பதுபோல் இந்தக்கவிதை மனதிற்குள் மூண்டுகிடக்கும் விசும்பலைத்தணிக்கத்தான் செய்கிறது. தொடருங்கள் எமக்கு வேண்டிவை இவைதான்.

உங்களின் பாராட்டுக்களுக்கும், உணர்வு பூர்வமான கருத்துப் பகிர்விற்கும் மிக்க நன்றி நண்பா.

உண்மை தான் நிரூபன்!

ஆனால், இவர்களின் இழப்புக்கள் எல்லாம், விழலுக்கிறைத்த நீராவது தான் வேதனை!

ஆமாம் நண்பா,

இதனால் தான் இவ்வாறு உணர்ச்சிவசப்படும் உள்ளங்களை,

பல உணர்வாளர்களின் மனதில் அனல் பறக்கப் பேசி ஆத்திரத்தை இன்னும் அதிகப்படுத்தும் தமிழக அரசியல் பேச்சாளர்கள் உணர்ந்து தீக்குளிப்பினைத் தடுத்து நிறுத்த வேண்டும் எனும் நோக்கில் தான் இக் கவிதையினை எழுதினேன்.

உங்களின் கருத்துப் பகிர்விற்கு நன்றி நண்பா.

அசாத்தியமான படைப்பு நிருபன் ! எம் மன உணர்வுகள் உங்களின் மூலம் வெளிப்படுகிறது!!