அமெரிக்காவும் அந்த ஆண்டவனும் பார்த்துக் கொள்ளட்டும் எங்களால் எதுவும் முடியாது. எல்லாவற்றையும் இழந்து உறவுகளைப்பறி கொடுத்து நடமாடும் மனித உடலங்களாக மட்டுமே நாங்கள். இதுதான் எங்கள் ஈழத்தமிழர்களின் சமகால நிலைமை. தேவையாயின் தேர்தல் காலத்தில் எங்களை நாங்களே உசுப்பேத்தி வாக்களிப்பு நிலையம் சென்று ஒரு புள்ளடியை போட்டுவிட்டு வருவோம்.

எங்கள் புள்ளடியில் வென்றவர்களுக்கு பெர்மிட் கார் கிடைக்கும். கனத்த சம்பளம் கிடைக்கும். நாலாண்டுகளை தாக்காட்டிவிட்டால், பென்சனுக்கும் பஞ்சமில்லை. அதனால் ஜெனிவா போனால் பதவி போகும் என்ற பயம். பதவியை தந்தவர்களுக்காகப் பதவி போனாலும் பரவாயில்லை என்று நினைப்பதற்கு யாரும் இலர்.

நிலைமை இப்படியிருக்கையில், உங்களுக்கு என்ன குறையென்று கேட்பவர்களும் இருக்கிறார்கள். என்ன செய்ய முடியும்? குறிகாட்டுவானில் வைத்து ஒரு பெளத்தபிக்கு தமிழ் இளைஞன் ஒருவரை தாக்குகிறார். அதனை கடற்படையினர் நின்று வேடிக்கை பார்க்கின்றார்கள். தமிழ் இளைஞனுக்கு புத்தபிக்கு அடித்தது போன்று, அந்தணச் சிவாச்சாரியார் ஒருவர் சிங்கள இளைஞனுக்கு அடித்திருந்தால் அல்லது அருட்திரு அடிகளார் ஒருவர் சிங்களவரை தாக்கியிருந்தால் நாலாம்மாடியில் வைத்து நறுக்கியிருப்பார்கள். ஆனால் புத்தபிக்கு தமிழ் இளைஞனை தமிழ் மண்ணில் வைத்து அடித்தபோது அதனைக்கண்டு கொள்வதற்கோ சம்பிரதாயத்திற் கேனும் கண்டிப்பதற்கோ ஆளில்லை.

என்ன செய்வது! அன்று பிட்டுக்கு மண் சுமந்த பரமனை பாண்டிய மன்னன் அடித்தான். இன்று பெளத்தபிக்கு தமிழ் இளைஞனை அடிக்கின்றார். அடிவேண்டி சீவியம் நடத்துவதுதான் எங்கள் தலைவிதியயன்றாகிவிட்டது. பரவாயில்லை. அந்தப் பரமேஸ்வரனுக்கு பாண்டியன் அடித்த அடிபாரில் உள்ள அத்தனை மாந்தரின் முதுகிலும் விழுந்ததாகப் திருவிளையாடல் புராணம் பேசுகின்றது. அதுபோல, பெளத்த பிக்கு குறிகாட்டுவானில் வைத்து தமிழ் இளைஞனுக்கு அடித்த அடி என்றோ ஒருநாள் பெளத்தபீடத்தில் இடியாக விழும். பாண்டியன் தான் செய்த தவறை அன்று உணர்ந்தது போல பெளத்தபிக்குவும் என்றோ ஒருநாள் உணர்வார். அப்போது மன்னிப்புக் கேட்பார். தூரம் அதிகம் இல்லை.

http://www.saritham.com/?p=53466

அமேரிக்கா மட்டுமில்ல, அந்த ஆண்டவனே வந்தாலும் தமிழனை காப்பாத்த முடியாது.

தமிழன் தானா உணரனும். அது தான் அவனை காப்பாத்தும்.

உண்மை

அமெரிக்காவும் அந்த ஆண்டவனும் பார்த்துக் கொள்ளட்டும் எங்களால் எதுவும் முடியாது.

எல்லாவற்றையும் இழந்து உறவுகளைப்பறி கொடுத்து நடமாடும் மனித உடலங்களாக மட்டுமே நாங்கள். இதுதான் எங்கள் ஈழத்தமிழர்களின் சமகால நிலைமை. தேவையாயின் தேர்தல் காலத்தில் எங்களை நாங்களே உசுப்பேத்தி வாக்களிப்பு நிலையம் சென்று ஒரு புள்ளடியை போட்டுவிட்டு வருவோம்.

இந்த பத்திரிக்கை யாழில் இருந்து வெளிவருவது, எனவே இதை யாழ் மக்களில் ஒரு பகுதியினரின் பிரதிபலிப்பு எனப்பார்க்கலாம். அவர்களின் இந்தப்பிரதிபலிப்புக்கு இணங்க புலம்பெயர் தமிழர்கள் சர்வதேச அரசியலில் மாற்றத்தை கொண்டுவரவேண்டும்.

போராட்டத்தை சர்வதேசமயப் படுத்துவதன் தார்ப்பரியமும் அதுதான்..! முன்னர் தமிழர் உயிர்களைக் கொண்டு இந்த நாடுகள் விளையாடினார்கள்..! இப்போது அவர்களிடையே அடிபிடியை ஏற்படுத்திவிட்டு நாம் வேடிக்கை பார்க்கும் தருணம்..!

உலக நாடுகள் தமது நன்மைக்காகவேனும் எமக்கு உதவி செய்ய வரும் போது நாம் சரியான முறையில் அவர்களை எமக்கு சார்பாக பயன்படுத்த வேண்டும். "காற்றுள்ள போதே தூற்றிக்கொள்" என்பதற்கு இணங்க எமது காயை சாதுரியமாக நகர்த்த வேண்டும்.தற்போதைய நிலையில் மக்கள் வாக்களித்து பாராளுமன்றம் சென்ற கூட்டமைப்பு சரியாக செயற்படவில்லை என்றால் அவர்களுக்கு வாக்களித்த மக்கள் தான் அவர்களை சரியாக செயற்பட வைக்க வேண்டும்.இல்லையேல் சரியான தலைமையை உருவாக்க வேண்டும்.

Edited March 10, 201213 yr by nunavilan