ஒரு கல் ஒரு கண்ணாடி

முதல் படத்தில் கதையும், காமெடியும் சேர்ந்தார்ப் போல இருந்தது, இரண்டாவதில் கொஞ்சம் கதை முழுக்க முழுக்க காமெடி, இதில் கதை என்ற ஒன்றைப் பற்றி கவலைப் படாமல் வெறும் காமெடியை மட்டுமே வைத்து ஜெயித்திருக்கிறார் இயக்குனர் ராஜேஷ்.

சத்யம் தியேட்ட்ரில் டிக்கெட் கிழிக்கும் வேலையிலிருக்கும் ஹீரோவும், ஸ்டாலில் சர்வீஸ் செய்யும் சந்தானமும் இணை பிரியா நண்பர்கள். முகத்தில் முகமுடி போட்டுப் போகும் பிகர்களின் பின்னால் அலைபவர்கள். அப்படி பார்த்த பெண்ணை பின் தொடர்ந்து லவ்வுகிறார் உதய். கூடவே எல்லாவற்றிக்கும் உதவுகிறார் சந்தானம். ஒரு கட்டத்தில் லவ் புட்டுக் கொள்கிறது இவர்களது வாயாலேயே பின்னால் எப்படி சேர்ந்தார்கள் என்பதே இப்படத்தின் கதை என்கிற வஸ்து.

சந்தானம் திரையில் தோன்ற ஆரம்பித்த கணத்திலேயே மக்கள் சிரிக்க தயாராகி விடுகிறார்கள். பிறகென்ன அடி தூள் தான். எண்ட்ரியில் ஆரம்பித்து க்ளைமாக்ஸ் வரை இவரின் ராஜ்ஜியம் தான். பாஸ் என்கிற பாஸ்கரனை விட இதில் ஒரு படி மேல் போய் ஆல்மோஸ்ட் ஹீரோ ரேஞ்சுக்கு ரேஞ்சுக்கு என்ன ஹீரோவே தான். படம் முழுக்க இவரின் அட்டகாசம் பின்னி பெடலெடுக்கிறார். அதுவும் களைமாக்ஸில் கிறிஸ்துவ மதபோதர் ஸ்டைலில் உதய் பேசும் பட்லர் இங்கிலிஷுக்கு தமிழில் விளக்கம் சொல்லும் காட்சி அய்யயோ.. முடியலை…

ஹீரோவாக சொல்லப்படும் உதய் தன் நிலை அறிந்து ஒரு கேரக்டரை தெரிந்தெடுத்ததற்காக பாராட்டுக்கள். ஆரம்பக் காட்சிகளில் இருந்த தயங்கங்கள் கொஞ்சம் கொஞ்சமாய் விலகியிருப்பது உ.கை. நெ. கனியாக தெரிகிறது. டான்ஸ் தான் பாவம் ரொம்பவே கஷ்டப்படுகிறது. இவரிடம் இன்னும் கஷ்டப்படும் விஷயம் ரியாக்‌ஷன்கள். சீரியசாய் பேச வேண்டிய காட்சியில் வசனம் மட்டுமே சீர்யஸாய் பேசப்பட, முகத்தில் கொஞ்சம் கூட அதறகான பரபரப்போ, பதட்டமோ இல்லை. பெரும்பாலான நேரங்களில் ரேபேன் கண்ணாடிக் கம்பெனிக்காரர்கள் புண்ணியம் கட்டிக் கொள்கிறார்கள். இருந்தும் ஃப்ளைட்டில் கலாய்க்கும் காட்சியிலும், சந்தானத்துடன் பேசும் காட்சிகளிலும் முதல் படியை தாண்டிவிட்டார் என்றே சொல்ல வேண்டும்.

ஹன்ஸிகா மோத்வானி மொத்துவானியாகவே இருக்கிறார். பாதி காட்சிகளில் தலைகாணி போன்ற மார்பகங்களை வெளிப்படுத்திக் கொண்டு, குதித்து குதித்து ஓடுவதும், கண்களை சுருக்கி அழ மட்டும் செய்திருக்கிறார். அவரின் காதலுக்கு பின் பெரிய டெம்ப்த் என்ற எந்த எழவும் இல்லையாததால் நத்திங் சீரியஸ்.. உடம்பை குறைககவிட்டால் அம்மணி ரொம்ப நாள் தாங்க முடியாது இங்கே.

ஹாரிஸ் ஜெயராஜின் ஏற்கனவே ஹிட்டன பாடல்களின் ரிப்பீட் இப்படத்திற்கும் உதவியிருக்கிறது. முக்கியமாய் வேணாம் மச்சான் வேணாம் பாடல். மொத்த தியேட்டரும் எகிறி குதிக்கிறது. எனக்கு தெரிந்து ஒரு ஹிட்டான பாடலை சரியாக எடுத்து திரையில் வந்திருக்கும் மிகச் சில பாடல்களில் ஒன்று என்று எடுத்துக் கொள்ளலாம். பாலசுப்ரமணியத்தின் ஒளிப்பதிவு படத்திற்கு தேவையான அளவிற்கு பளிச்சென இருக்கிறது.

எழுதி இயக்கியவர் ராஜேஷ். முந்தைய படங்களின் கலவையாக நிறைய காட்சிகள் இருந்தாலும் ஒன்றுமே இல்லாத கதையை கிட்டத்தட்ட இரண்டரை மணி நேரத்திற்கு மேல் போர் அடிக்காமல் சுவாரஸ்யமாய் கொடுத்ததற்கு முதலில் வாழ்த்த வேண்டும்.முழுக்க முழுக்க சந்தானத்தை நம்பியும், அதே நேரத்தில் உதய்க்கு முக்கியத்துவத்தை குறைக்காமலும், சரி விகித அளவில் திரைக்கதையை கொடுத்தது சுவாரஸ்யம். ஆனால் கதை என்ற ஒரு வஸ்து இல்லவே இல்லாததால் சந்தானம் இல்லாமல் உதய் , ஹன்சிகா வரும் காட்சிகள் எல்லாம் சோம்பி வழிகிறதை தவிர்க்க முடியவில்லை. அதிலும் க்ளைமாக்ஸ் ஆர்யா எபிசோட் எல்லாம் எத்தையாவ்து செய்தால் போதும் என்று ஓட்டியிருப்பது தெரிகிறது. உதய்யின் அம்மா அப்பா கதைக்கும் இப்படத்திற்கும் என்ன் சம்பந்தம்? அவர்களின் திருமண வருடம் படு மோசமான கால்குலேஷன் மிஸ்டேக்குக்ள் இருக்கிறது. இதையெல்லாம் மீறி ஒரு நான் ஸ்டாப் லாஜிக் இல்லா மேஜிக்கை பார்ப்பீர்களானால் நிச்சயம் சரியான சாய்ஸைத்தான் தெரிந்தெடுத்திருக்கிறீர்கள்.

http://www.cablesankaronline.com/2012/04/blog-post_14.html?spref=fb

ஓ இந்தப்படம் வெளி வந்துவிட்டதா யாராவது இணைப்பு இருந்தால் இணைத்து விடுங்கள் நேரம் கிடைக்கும்போது பார்க்கலாம்..

ஒரு கொமெடி படம் என்பதனைத் தாண்டி இதற்குள் எதுவுமே இல்லை என்றே சொல்லலாம்! கோர்க்கப்பட்ட கதைநகர்வு இல்லாதது அறுந்துவிழுந்த முத்துமாலைபோல அழகில்லாமல் சிதறவிடப்பட்டிருக்கின்றது. அதனைப் பார்த்து சிரித்துக்கொண்டே பொறுக்கியெடுக்க அங்கங்கே இரண்டு மூன்று வசனங்கள் முத்து முத்தாய்! இதை விட அண்மையில் வெளியான 3 படம் பரவாயில்லை என்று சொல்லலாம் போல இருக்கு! புதிதாய் வேறொன்றையும் காணமுடியவில்லை. இது என் கருத்து மட்டுமே! மர்றும்படி அவரவர் இரசனையைப் பொறுத்தது!

முடிந்தவரை திரையரங்குகளுக்கு சென்று பார்ப்பது மற்றவர்களின் உழைப்பினை திருடும் குற்ற உணர்வில் இருந்து எம்மை பாதுகாக்கும்!

[ அதுக்காக... திருடியவனின் குடும்ப வாரிசு நடிச்ச படந்தானே...! நாங்கள் மட்டும் திருட்டு விசிடியிலையோ அல்லது இணையத்திலையோ பார்த்தால் என்ன என்று என்னிடம் கேட்காதீர்கள்..! அதனைப்பற்றி எனக்கு ஒன்றுமே தெரியாது ]

நன்றி

Edited April 14, 201213 yr by கவிதை

பணமும் செல்வாக்கும் இருந்தால் யாரும் எப்படியும் படமெடுக்கலாம்....அதற்கு இந்த படமும் விதிவிலக்கல்ல.

கவிதை காசைக் குடுத்து கல்லெறி வாங்யிருக்கிறியள்....

Edited April 14, 201213 yr by சுபேஸ்

இன்று குடும்பத்துடன் போய்ப் பார்த்தேன்.. இருக்கும் பிரசரைக் குறைக்க கொஞ்சம் சிரிக்கலாம் என்று போனேன், கொஞ்சம் சிரித்தேன். போகும் போதே மூளையைக் கழட்டி வீட்டில் வைத்துவிட்டுப் போயிருந்ததால் தப்பினேன்

உதய நிதி ஸ்டாலினுக்குப் பதிலாக வேறு யாரும் நடித்திருந்தால் படம் நன்றாக இருக்கும். கதை ஒன்றுமில்லை.